終於出嚟喇

小檬牙仔終於出嚟喇！！

係下排門牙兩隻，只係見到少少。
有朋友問佢有冇扭計左，
又好似冇喎

南瓜仔&舅父魚魚

今日婆婆表現左呢樣比我地睇：


婆婆喺屋企教佢邊個係南瓜仔同舅父啲魚魚。
講完真係會望住架喇,估唔到佢已經識分!!

小檬10個月喇!!

小檬10個月喇!!

話咁快就兩雙位數喇!

媽媽呢個月超忙，忙到真係透唔到氣。。
不過為左小檬都要頂住架喇！
希望今晚得閒報告返小檬嘅近況啦！

(不過yahoo 真係趕客，冇左最近更新，
唔通真係要開返個FB Fan page？
冇人like咪拍蒼蠅？)

媽媽。媽媽

週末煮了飯仔給小檬，食到尾聲，不停咁。。。

媽媽好鍾意聽！！

Garfield x Panda-A-Panda

路過青衣城，見到Garfield x 聾貓



之前車展都見過，不過今次係聖誕裝飾
仲有兒時喺熊貓公園玩過嘅吹氣彈床(弊!! 可能透露年齡嘅秘密)

不過其實仲未開始，就算開左小檬都唔玩得啦。。。
啲小朋友跳吓跳吓，都唔知小檬攝咗喺邊喇!!!

小檬行

之前一路都覺得啲BB應該一歲先識行，生左BB先問返, 原來小檬舅父都好快識行，十個月到就識，我就好似歲幾,

小檬都貼近舅父，而家已經可以拖住行，不過唔係咁穩，好似醉酒佬咁。。

佢自己企喺到都好穩，唔使有野扶都得，有時仲坐坐吓自己企起身，我諗佢好快就可以自己行

抱抱

未生BB時，成日見到啲爸爸媽媽抱住啲細路瞓, 好辛苦，

留意~係細路，唔係BB。

我同自己講第時有細路, 太大個唔會抱住佢瞓!
（其實自己點解要同自己講呢？自己心諗左，咪即係知囉！！仲要同自己講出嚟？）

但，你睇下我，咪又係抱住佢瞓

唔同唔同，佢仲係BB嘛!!!

(媽媽錫仔真係萬千個理由)

到佢牛高馬大，我就唔會再抱架喇，我都抱唔起啦!!

通常爸爸負責拎野，所以抱住佢瞓嘅責任就落喺我身上!!

(唔知點解佢唔係好肯僕喺爸爸到)

雖然小檬係細粒B，但抱住佢瞓都好累架。。。

不過我真係好鍾意呢種咁溫馨既感覺！！

笑笑

小檬好鍾意見到人地整跌野，我喺婆婆廚房拎啲食物盒跌落地,佢就笑到kaka聲，
而家睇爸爸玩波，一樣睇到kaka聲

”媽媽”聲

這個星期的夜晚，小檬都非常眼瞓。

未沖涼已經呱呱叫，佢唔係大喊，不過係咁”媽媽”聲。

佢不停咁發出”媽媽” ”咪咪”，媽到我幾咁開心！

雖然唔知佢係咪嗌我, 但由佢口出嚟嘅”媽媽”聲，我都非常鍾意聽!!!

小檬的笑容

這兩天，小檬的笑容都是這樣的。。。。


咪起眼，好用力咁笑！！
這個十一月媽媽工作超忙，
就靠小檬的笑容支持住！

4步

小檬已經識步行幾步喇！！
不過只係4步,要行得快，平衡先好啲！

夜晚喺婆婆到見佢自己喺網床有呢邊行去果邊，不過有時就唔敢放手，要我地扶住先敢行。

牙仔就而家下邊先有兩隻標緊出嚟，我成日笑佢可能啲鈣用哂落啲骨度，所以牙仔要等耐啲

爸爸。媽媽

由細到大我地都會同小檬講野，都會加埋"媽媽"或者"爸爸"落去，例如媽媽抱你喇。。爸爸同你去街街之類。。

到而家問佢，佢都識分爸爸同媽媽。

如果邊個開聲都會通常望住果個，所以為左試吓佢係咪真係識，會由對方問。。
果然，十次都有八次都望啱，仲有果兩次就係掛住玩唔理我地






而家學識爸爸媽媽婆婆/落sofa之後，就要學Bye bye 喇。不過佢好似唔多聽喎

另類親子活動

呢個月真係累到癲！！！

大隻仔assistant 辭職之後，一路都未請到人，挨左成個月，
前兩日先有個新同事返工（其實都欣賜架喇，都仲比你請人！）

所以呢排都好少哨blog。。。。

今日星期六，煮好飯仔餵埋小檬, 我就頂唔居住
真係要再叉吓電, 瞓左個晏教，

起身就見到小檬變成咁。。。。

我都明白呢個係另類親子活動，唔係成日都唔緊要，好在小檬都唔肯坐喺你到咁耐
但老公呀，你都幫佢綁好入面兩條帶先唔得架。。。


媽媽同佢換返衫，即刻醒目哂

CHOK ING

落sofa

識上，梗係要識落啦!!
自從小檬識自己上sofa 後，我地就教佢落sofa，要調轉patpat 落，終於學識喇!!

不過有時睇唔準啲位，所以都要睇住先得!!

喺婆婆度就教佢喺網床個窿到,轉身先好落，之前婆婆一開條拉鍊就標出嚟，快到差啲中個人頭落地，而家都好乖，次次都會轉身!!

Ballet 小檬

捻高腳...會掹得高啲！

小檬唔係學ballet！
只係而家嘅的活動範圍及能力比以前小小檬嘅時候時完全唔同！！
見到檯面有野玩又想拎咪諗吓辦法捻高腳...

佢已經扶住週圍行，推住學行車仔， 或者喺婆婆屋企嘅四腳椅又行一餐！
喺網床又不停咁行，
返到屋企嘅床仔，又不停咁行。

去到食飯地方又要行，唔肯坐定定喺屋企冇再度買多張網床, 即係話要看牛牛

而家佢仲勁到喺Combo high chair 都自己擒起身

我見佢喺地墊玩得好乖咪入廚房拎定啲食物出嚟，佢見到我一行開就逃走，
出返嚟唔見左佢，週圍揾，原來佢入左廁所玩地下隻貓 （門攝）

最後送上剪髮前後個檬樣


老公話似黃曉明。。。果啲髮型喎。。哈哈
我淨係覺得剪左好似大個仔咗！

呢日已經有啲敏感，眼皮腫腫，尋日睇左醫生喇！！希望快啲好返啦！！

爬行大賽~賽果

看完南瓜仔的做造型之後，再講講小檬的爬行賽事

我們參加了4點的賽事，之前影下相排下隊很快便到我們，
入場的時候給職員看看我們的email confirmation 便可以入場，其實大會說明只可兩人和小B入場
但入場的時候很混亂，所以親愛的Uncle E 也可入到來為我們影相！ 

趁有機會快快影張相留念先！！


比賽開始前。。。
(留意小檬條咀係嘟埋嘅。)

E叔叔的鏡頭新買架，啱哂啦！！
 咁遠都影到我地咁清楚！
所以媽媽最鍾意聽到佢又買新"玩具"

有野玩住，就可以企到！


嚟一個愛的鼓勵先!!!


開始喇。。仲顧住八卦

好乖喎。。。跟住個遙控


媽媽比佢掂吓。。等佢積極啲


張地墊好靚喎


果邊好似好玩啲喎
喂。。。唔係果邊呀


媽媽我要果個呀!


媽媽再將遙控係佢面前再引佢。。。


失敗，仲過埋線添，媽媽唯有用手扶正佢!


重回正軌！ 繼續努力呀!

媽媽只係一路掛住引小檬，其實都唔知道自己爬第幾，
就係爬到大半嘅時候，聽到司儀話Pumkin B領先。。。。
吓？係咩？

我"哨"左一吓，又好似係喎，不過都唔理啦，都係博命咁引佢。。。

咁究竟小檬有冇贏到呢？？？

睇吓片....

賽事中段


留意藍色間就係終點，BB要整個身體過哂先算贏！！



就到終點, 掂到喇 掂到喇。。。
小檬左手邊BB，佢。直情坐左喺條終點線到呀!!!
小檬你爬多兩步就得架喇!!  好緊張呀!!!
第一喇, 第一喇!!! (果時)

哇哇哇哇哇 點解冇啦啦打橫左架！！！！
返來呀返來呀。。。。


係咪好留心淨係睇住小檬呢。。。大家望望我則邊黑色衫嘅小B吖

就喺小檬在終點徘徊嘅時候，這個小B突然 "hur hur "聲咁由遠處爬過小檬
仲成個衝埋線！！睇返真係好快突然衝過左（呢個小B大小檬1個月）


最後，小檬應該第二個過終點！

(隔離小B仲坐左喺度!!)

雖然輸左，但係好好玩呀 （其實係媽媽玩）

好開心終於都同佢參加到呢啲爬行比賽，因為遲啲佢識行，仲邊會爬, 留個紀念都好吖!!!

小檬，唔好嬲爆爆啦，玩吓之嘛！！

Happy Happy Halloween

@ 31/10/2012.

媽媽見買左件衫，唔好淨係著一次咁啱舅父又放假，不如出街食飯，帶小檬去行吓街。
所以,爸爸帶埋小B嚟接媽媽放工出尖沙咀食飯，

睇呢張相應該冇咩特別，同去比賽嘅裝束一樣。

只係多左個手袋比佢裝糖派比其他小朋友。。。

（題外話: 本來我哨淘寶買呢件比賽衫。但那些南瓜衫仔都唔靚。。。玩具 "R" us 果啲又貴。。。諗住放棄之際，

好彩比我喺葵涌廣場見到呢件，仲只係＄89！！
  條legging 係uniqlo 買，仲係heat tech，冬天著嚟打底保暖都著得返！！！ )

食飯時候，有檯姐姐姨姨係咁望住小檬，終於婆婆抱左佢過去玩，
佢地突然間變得好熟絡，

所以BB 同寵物都係拉近人與人之間的好橋樑！

啲姐姐姨姨就係咁同佢影相。。哈，
我地三個就慢慢嘆

小檬而家好鍾意行，之後我地同佢行嚟行去，唔鍾意坐BB椅，
叫佢坐定定係好難！
呢日我抱住佢覺得點解對legging成日攝出黎？！果日又冇嘅呢

行行下仲成條legging甩咗喺地下!!!!!

我以為佢成條甩出黎！

連套住果對襪仔都冇執就拿奪拿聲抱佢，返埋位，

點知....

點知見到佢條legging密頭嘅, 原本係我自己~密頭嘅襪衭

嘩，笑到我標哂眼淚水，狂笑左幾分鐘

回家梗係要拍底等佢大個睇返啦!!

好無奈....

另類母子裝

兩對都係一齊買，我著深灰色，佢著黑色！ 

原來老公返屋企幫小檬拎衫，拎錯左我對legging，去到婆婆屋企先知道，又冇其他可以比佢著到，
於是符佢同婆婆夾手夾腳幫佢著，將條legging 係咁摺同整上。。。
希望頂度我返屋企同佢沖涼先發現
就咁過左一個笑爆嘅萬勝節老公你真係不得了！