“DESPICABLE ME2 x Kids-Tokei” project

{回到五月 15M}

有日喺網站上看到這個網站招募小模特兒嘅廣告

 宣傳壞蛋掌門人2
“DESPICABLE ME2 x Kids-Tokei” project!

於是我地去咗參加，好開心小檬被揀中為其中一位~

安排咗到影樓，而我們（即係我）要準備一個message board
 "to someone who you love"
要表達嘅喺愛嘅信息。

媽媽嘅美術天份差不多係零。。。我都唔知點喺3日時間裡面諗好同整好，
其實佢地一星期之前已經通知我，只係我冇check email

諗唔到寫咩，簡簡單單I LOVE YOU啦，
再加啲唔同顏色嘅圓點& 自己個名

終於大公告成！！

每粒圓型逐粒剪，真係剪到我暈，仲要係等小檬瞓咗先整得，
唔係我諗唔使三分鐘就已經唔見哂，十點幾先開工，手腳慢，整到一兩點

其實未係好滿意，不過對於美勞零分嘅我嚟講，都過關嘅，
自己一個人真係冇咁多時間喇。。算啦！(老公最後果日有幫我碌雙面膠紙貼架)

影相當日去到之後，職員就比咗呢張白色嘅board 我地填時間，
即係小檬負責的報時 00: 40

腦裡一片空白，唔知點寫好，果到又混亂，求其喇！

真係好求其囉哈哈哈

到埋位喇，真係辛苦到暈，
要佢拎住塊board笑住嚟影相嘅難度分係11分，

我加埋兩個姐姐又捉佢，又氹佢。。再加埋帶埋呀Mic嚟打氣，
影咗大約20至30分鐘終於完成，最後連爸爸媽媽都影咗一兩張添！

職員同我地講解呢間係日本公司攪嘅，第一次喺香港招募，
要得意可愛先可以入圍，
喺日本好似話好多人想被揀到，
我都好開心小檬比揀到，好快就可以喺呢個網站到見到小檬。
最後職員話我地可以用優惠價錢買返小檬啲相。。。
咁難得機會，我地都乖乖奉獻， 不過唔使即刻比錢。到收貨物先比都得！

我諗呢個都係策略嚟，哈哈，
所以話賺小朋友媽媽錢真係最容易！！

小檬＠15M

15個月小檬

with Panda ..city walk


日操


攬住媽媽德國大舊上司嘅熊熊




中國雜耍

頂紅


仲有頂綠


分別人說我太瘋癲


我說其他人看不穿



瞓教喇。。叫佢咪埋眼，佢就咁。。


忍唔住開燈影佢


越來越越多表情



都係勁笑














兒童不宜

準備。。



錫咀咀


冧哂~
 

 

圖書館

唔係呀田媽講起去圖書館，我都唔記得未出圖書館嘅post，
差不多石沈大海, 田媽真係冇得頂！

4月時果日好似係去科學館，順路去埋尖沙咀圖書館，
我諗讀紅專學校嘅朋友應該會知
(其實個個都知。。哈哈)

第一次去，小檬好乖，冇嘈！


拎咗啲動物書比佢睇

都有紋有路咁自己揭，

果到有個reading area
可以坐喺啲梯級到慢慢睇，
我發揮我慈母嘅本色，同佢講故事，

當然係細細聲。。。

細路你笑得好假喎

睇咗一陣之後，就開始行動喇。。。

新增說明文字

不停咁喺樓梯上上落落，上上落落，
落到我都頭暈。。。

為防佢再攪事，唯有走人。
佢都累哂


點解圖書館唔比影相我都影到咁多？
因為我唔記得唔影得
記得未必影，
就算影，我都提心吊膽。。。
媽媽係細膽架 

檬媽小時候

成日見小檬, 不如睇吓第二個都一樣可愛嘅BB啦。。

淨係睇啲相都知道我係咸豐年年代嘅~
 哈哈哈

我細個係攣毛嘅。。。唔使電髮
隻眼同小檬一樣好似戴咗大眼仔咁
件棉立係我媽咪自己整,
好多衫仔裙仔都係佢幫我造架


我最唔明點解要剪到我啲頭髮咁短囉

同小檬一樣嘅笑容。。不過應該佢甜啲
我部電話正唔正??

好多親戚話小檬似舅父細個。。你地覺得呢??
呢條裙都係我媽咪造架

我唔同意，小檬得意啲好多

蚊釘蟲咬？

前兩日返工時見到小檬手仔同條眉比野咬。

第二日，婆婆話好似好返啲，
但到夜晚又嚴重咗，手手腳腳都有添, 想睇醫生已經過哂時，唯有第二日。

第三日，即係尋日，諗住去睇醫生，點知又黑雨。
取消咗之後, 差不多11點,爸爸就車我返工之後/
就淨係爸爸帶佢去睇醫生

點知就梗係塞車啦。。。
小檬唔知係肚餓吖，定係眼瞓，
喺架車到喺咁喊
據爸爸講，佢係爆喊，
未見過佢喊得咁勁。
爸爸一路揸車，一路氹佢，開Mickey song／比玩具佢玩都唔得。
好在塞緊車，爸爸都叫做可以理吓佢，
點知佢仲企喺car seat到，喊到癲咗咁。。嚇C爸爸
爸爸見有支bubble 喺到，就喺架車入面吹泡泡。。。
(之前去草地留喺到嘅)
我諗後面架車見到以為佢傻嘅

終於爸爸入咗mall到搵佢嘅至愛～檸檬茶，
用九秒九飲哂，比個盒佢，立即收聲！！！
最後仲瞓埋

之後就折返婆婆屋企，因為個醫生都等唔到走咗喇。。

下午爸爸唔得閒, 好在舅父呢日放假，可以車佢地去附近睇。
(有多個人幫吓手真係好啲)
最後診斷為比野咬，可能係蚊，可能係蟲。。。
(我初頭驚嚇又出疹呀)


我地又洗哂啲床單/被。。
都諗唔到會係邊到咬，不過呢排成日落雨，都係多啲蚊蟲架喇，
唯有小心啲啦（不過都唔知點小心）

大家都小心啲啦