1.28.2014

BB小玩意

帶BB出街遇到要等(去醫生checking)或者食飯
要扭落地或者行嚟行去都幾煩

我就帶定簿同筆,比佢畫,咩都畫得一餐,
時畫公仔畫到悶,就用筆圍住畫手
佢睇得都不知幾開心!
其他嘅筆跡係小檬嘅大C級演繹

有時都會睇書,或者帶定啲貼紙,
唔使買貴果啲,呢張$5一大張



我會分開細細張帶出街,可以放自己個袋,以備不時之需,
比佢乖乖地慢慢貼。

陪我等見B be中

你睇吓佢貼哂落自己隻手到。
咁又可以到一排。

有時喺屋企,我會同佢玩捉迷藏。
佢會係sofa 僕埋,我就好簡單行去門後面,
等佢搵到,已經好開心
好簡單喺返sofa坐喺到,
佢都會走咗去搵唔知我坐喺佢隔離。。wahaha
慳水慳力。
玩到悶,就會開始收埋啲公仔,
突返少少出嚟比吃見到,等佢搵到。。

或者會問佢 where is the kitchen
touch the kitchentoilet door TVsofachair table
有時或者喺婆婆hand 呀。婆婆ear。咩都得。
咁又可以放吓電,我又唔使郁喇!!
當然果啲低B玩意小明呀, 玩手指呀 梗係唔少得啦!

大家有咩慳水慳力嘅玩意比啲BB玩呢?

1.27.2014

辦年貨+ 聾貓全盒

過年前的最後一個週六,到了商場辦年貨,
其實都不是太多東西要買,
只重點買了賀年禮餅及小檬都生日禮物。

商場用這隻聾貓做裝飾
小檬初時又話驚驚,
玩咗一陣就冇事

而家影相得一下,
只影到呢啲水準
第1吓: Eeeee
第2吓 :唔好呀

第3吓: 驚驚(其實係藉口要走開!)

戀愛?咁快呀。。仔?


第1吓: Eeeee 


金!好呀。。。我鍾意金!


招財聾貓??好呀。。。招財呀。
不過身體健康最緊要

已經太多玩具,所以禮物絕對不會再買玩具,
舊年和婆婆舅父一齊買咗快金牌。所以今年都繼續買金啦。。。
今次買咗元寶仔

一年一,儲滿這個膠盒兒仔都幾好!
雖然不懂得金係唔係真係保值,
但到佢大個比返盒金佢都幾得意!

用電子貨幣消費滿$2500之後
便可以換呢個聾貓全盒

好靚

不過係絨面, 應該唔可以放有糖粒啲糖冬瓜呀。。糖蓮子呀。。
只可以放啲乾糖果。

食埋麥當當做下午茶,
好開心畢粟米~ 

小檬兩歲喇!!

@26。01。2014

小檬兩歲喇!!


這兩年的日子過得很幸福,因為有你陪伴在我左右
一歲之後,你懂的事比之前更多更多,帶給我們很多的驚喜
有你在旁真的每分每刻也充滿歡樂!

你的聰穎,你的可愛,你的活潑,你的乖巧,
真的令媽媽更加愛你。
雖然有些時候你也令媽媽好苦惱,
但我深信你已經是很乖乖的一位,所以媽媽亦已經很感恩
雖然如此,如果你有不對,也不會縱容你的啊~

今年你將會當上哥哥,你也將會要上學去,
希望媽媽可以在旁與你一起適應這些新事物

現在的教育風氣和媽媽小時候的截然不同,
看到新聞很多已經為小朋友報了多項興趣班的家長時,
有時也會懷疑自己是否未為你安排到最好?
但冷靜下來,想清楚我真的希望給你一個愉快開心的童年,
當然,一些興趣班也可以給你歡樂,
但我絕不會將此變成壓力給你!
我真的只希望看到你健康快樂的成長!!

自你出世到現在,
媽媽每晚也一定會與你一起,
睡前捨不得看不到你。
這一年,爸爸的工作較多時候要留在廠,
懷著妹妹的媽媽兩邊走,有時也感到很勞累,
但就算多疲倦,也捨不得把你留在婆婆家,
總要有你在傍才睡得安心。

你知嘛,你經常的依偎著我叫媽媽/媽咪/mi me,
媽媽說累你便來按摩,激到媽媽便來說錫返,
放工和你傾計你便說有掛念媽媽,稍夜回來就要拖婆婆開門等我。。
這一切一切都令我很甜在心頭~
說真的,我相信除了是你或者妹妹之外,
這種心甜的感覺是其他人所不能給予代替的。

我的小檬
祝你生日快樂, 身體健康!!
  
愛你的媽媽上



1.24.2014

N班大作戰~小小總結 2

之前in嘅兩間,已經有咗結果,
1間reject,1間waiting

第1間都預咗架喇,出名難入,又揀家長。

但係第2間結果反而令我意外,因為成個interview過程小檬都算好好,
唯一唔好就係經過個廚房佢行咗去玩咗一吓,
之後先去Miss 果邊做指令。
我見Miss問佢所有野都有答。。。

唉.. 算啦,而家冇得考究點解會唔得都冇意思,
唯有又寄望之後果兩間啦!!

小總結:
已Interview : 5間  
offer: 4 間  (1間唔使in就有offer) 
waiting list 1間 
reject 1 間 

二月尾先有另一間in,
B be你要等哥哥in埋先好出嚟呀。。。
唔係爸爸會好lee hea架!

媽媽,唔好緊張啦。。你睇我幾淡定~

1.23.2014

小檬婆婆&舅父

講吓小檬媽媽嘅家人

小檬婆婆煮得一手好餸,
真係食到lam lam脷
以前都有跟佢學吓,而家跟本冇時間。
佢湊住小檬之後,煮嘅都係簡簡單單。
我地放工之後返去有餐食已經偷笑。都唔理係咩架喇。。

有時佢都煮到啲好野比我地食。。。每次見到都好感動!!
鮑魚雞粥,比起沙田果啲冇味雞粥,我呀媽媽嘅雞粥應該係冇得頂。
仲有煲仔飯/豉油雞/咕嚕肉/炸豬排/粉C蟹煲。。

過時過節,佢又整咗蘿蔔糕,馬蹄糕,芋蝦,
真係好食過買果啲好多,蘿蔔糕就係我賣飛佛!
一次可以食好多!! 
但係又會好肥喎。。不過唔理喇。。有個藉口肥,
真係大肚媽媽,食咗先講喇!!


照顧我地就唔使講啦。。。佢真係做足二百分!!幾辛苦都唔會呻一句!

而小檬舅父呢,就係我老公返咗大陸之後嘅後備師機,
就算未有BB之前,如果佢放工夾得啱啲時間,(佢返shift)
佢都會打嚟話接埋我!

有晚返咗婆婆初佢話放工返嚟車我地返屋企,
到佢差不多八點都未放工(仲拍緊劇),
我地話自己搭的士,唔等佢喇。。等佢唔使趕,又未食飯。
點知差不多九點幾我地都諗住行,佢就已經返緊嚟
,叫我地等佢車我地。奇怪點解咁快,
原本佢驚我地夜, 就搭的士去車房攞返架車再嚟車我地。
(如果等佢公司啲巴士有排等)

之前仲幫我地買埋個唔知咩嘅高清解碼盒,上嚟裝埋。
上次已經幫我地搬走個座地喇叭。
如果等我老公都唔知等到幾時。

小檬比隻蚊針到腫哂/打第三支水豆針都係佢同婆婆帶佢去。
有時又幫手同小檬洗patpat,雖然可能淨係同佢玩
又同小檬踢波,教佢踩定個波。。。叫小檬守龍門。
所以小檬都好痴佢,尋晚食奶仲要佢入嚟陪佢,
佢唔走又唔肯瞓。
佢咁錫小檬, 我都好開心

小檬同小檬媽除咗爸爸之外,
仲有兩個咁錫佢地嘅人,真係好感恩!





小檬偏食??

小檬出世時雖然唔係好肥,屬於中碼B
未識行識走嘅時候,都肥過吓架!!!


到而家差不多兩歲仔,扯高咗,就變得偏瘦。
其實婆婆每日都準備咗有肉有菜嘅餸菜比佢食。
份量都OK 就係唔知點解唔係好生肉,
可能佢坐唔定啦, 食飯又食好耐,
聽朋友講原來食飯超過30分鐘已經算係偏食, 真係唔講唔知!

上個星期個朋友就叫我上去呢個網站做下偏食測試
check下小檬有無偏食,

結果係小檬攞3, 都算有少少偏食

原來保兒加營素仲有朱古力味同埋即開即飲裝,又好似幾方便噃。
網站仲有啲食譜比我地參考,整吓啲唔同嘅甜品美食。等佢唔使咁悶

作為媽媽,所有比小檬飲同食的東西我都會細心了解清楚。
睇番資料,原來保兒加營素係咁多隻偏食產品中最多人用的,
仲係連續5年全港銷量冠軍, 兒科醫生都有推薦
有效幫助偏食兒童提升體重及身高, 
追上同齡兒童的成長步伐,同埋加強身體抵抗力。 
營養齊全又可以增強身體防護力 咁我就放心比小檬飲啦。


Cheers!!

1.22.2014

B be 鞋

又買喇~ 



一見到呢對鞋仔真係忍唔到手,




好在都有discount,心靈上都得到少少安慰(可惜銀包冇)

又係有少少毛毛,適合冬天著,
又要諗吓到時冬天幾大先啱著,
喺舖頭已經諗咗好耐先諗掂!
應該都係兩歲到就啱著

希望都預啱時間size啦!
如果有媽媽版本,我都想買對呀~ 

1.21.2014

新檯 + Happy 2014~

好快屋企人變得愈來愈多, 屋嘅大細就冇變過, 
唯有喺家具到著手。

衣櫃已經明存實亡咗好耐,都係買啲膠箱再放衫
之前唔會貼啲勾喺牆到掛野,而家我投降喇。。。
貼啲勾掛吓小檬啲衫同啲袋,望落冇咁靚都冇辦法
婆婆成日話有細佬嘅屋企係咁架喇。。。
但係我仲好天真成日想屋企好似雜誌影出嚟果啲咁
(冇雜物,發夢中)

而家嘅我只喺諗盡辦法放好啲野。
因為真實在好似七國咁亂

遲啲兩個小朋友喺廳,都要多啲空間玩,所以我地決定換咗張食飯檯!
初頭睇過瑞典家C果啲,不過好唔穩陣。有小朋友會好危險。

後來見到呢張,可以摺得埋嘅檯,都好OK穩陣,又唔阻地方!
搬番啲凳入放就可以多啲地方比佢地玩。

佢又可以升高打開做飯檯
降低或者比小朋友寫吓字食吓飯


又可以有碌推去客廳果邊做茶几,
咁呢邊搬張墊過嚟就可以比哂佢地玩


舊張檯搬咗去婆婆屋企,而佢舊果張就唔要喇。。
張雲石檯好耐喇,婆婆話果時買好貴,成萬銀。都好唔捨得唔要
C 兄們上屋企開元旦party時順便幫拆埋


重到要4個大隻佬先抬得起!

我地年少時已經喺張檯到影吓相
(果時啲玩意好無聊,不過又好開心)
年少嘅間條姐姐冇嚟,唯有搵C兄老婆扮住先
影果時未搵返張相,淨係記得要托頭,
但原來係爬喺度嘅C兄托

你睇吓呢位C兄婆婆就叫佢做捐檯底

我地嘅下一代又影一張告別照!
捐檯底仔仔扮得好傳神

加多兩位小朋友

gathering 其他合照
開心小檬與婆婆


三孫婆


辛苦婆婆煮咁多好餸比我地食~本來諗住出去食,
但係婆婆又想整好野比大家食,辛苦哂!
飯後啲呀嫂仲幫手洗碗,好溫馨


一班小朋友嘅合照係咁上下。。古靈精怪樣

婆婆:如果我有咁多個孫會點呢???

開心大合照! 
Happy 2014~

1.20.2014

爸爸激嬲我。。。

前兩日,小檬爸爸激嬲我, 我真係氣難吓!!!!!

點知佢使出絕招小檬出馬
喺我剛瞓醒嘅情況下,
抱住小檬喺我邊叫小檬同我講。。
第一吓聽到真係笑咗出嚟
已經嬲唔落喇~ 
到夜晚問返佢,已經唔記得呢兩句野!
經我提點之後再講多一次比我錄低佢先~ 


第二句,唔好嬲"爸爸" 我都講錯哂,
變咗唔好嬲"媽媽"添。。。哈哈

1.17.2014

存貨

之前講過唔見咗小檬啲BB夾衣,
唔憤起,全線大搜查. 都係搵唔到,
反而搵到原來之前RB叔叔比嘅衫辦, 開始有啲啱著。
(之前諗住有排未啱放埋咗喺婆婆床下底)
嘩。。啲衫多到呢~ 

夾衣
同款長短袖大細碼都有
生三四個都可以一人一件款

短袖polo shirt

冷衫/ 頸巾手套
有啲要7/8歲先啱著

有啲係同事留比我大牌Gxp 

長袖

唔同種類嘅褲都有 

2-4歲真係可以唔使買
(媽媽你記得要忍手。。不過好難喎! )

淨係見到呢啲衫就知點解我地越來越唔夠地方放野

暈~ ~ ~ 

ps 王天不負有心人,最後終於喺床頭櫃下面搵返袋夾衣,yeah~
   

1.16.2014

小檬23M喇!!

2歲生日都嚟緊,我23M嘅情況,
已經放咗好耐都未出到。。。

@26/12/2013
小檬23M喇!!



喺婆婆屋企同佢食飯就好好,不
過一到我地同佢出街呢,
就好快手食完要落地去玩。
我地成日話婆婆儲肥佢等我地放假佢又瘦返
(千其唔好比婆婆到,唔係實激C佢)

呢個月有買咗啲小朋友size 嘅維他奶/朱古力牛奶/比佢試吓飲。
佢都鍾意飲,不過通常唔會比佢飲哂一盒,
(其實已經細盒,仲要冇得飲哂。。哈)
其他零食,都係好細個角落頭,有時我食薯片,扮話好辣,
之後問佢要唔要,佢就會唔要。

瞓:
呢個係近期新問題,佢唔肯瞓,已經玩到十點幾,
話入房食奶瞓教佢都唔肯,
有時都比我氹到佢入房食飲支奶,喺張床同佢唱歌R背脊碌碌去之後,
最後都係要落地地
有一次已經瞌埋咗眼瞓,但突然又叫落地地,
之後好似魔人咁發顛。。。爆喊。
唉。。有時堅持由爸爸抱住佢喊,之後就累到瞓著咗。
有時老公唔想嘈住我,唯有同佢出去sofa
其實佢已經好眼瞓,所以放喺sofa一陣佢已經瞓著,就係心野要出去。
有時喺婆婆都返屋企,見佢都有啲呆,
就再遊多一個圈車河先返屋企,搖搖吓就好容易瞓,
但有時佢見到明明經過屋企大閘唔入,佢就知,就會叫屋企呀屋企呀
呢排好啲喇。喺床同佢睇吓巧虎,
佢真係好鍾意,之後掃吓掃吓就瞓,
但係佢好鍾意lui落我隻腳到,成個人攬住我隻腳,
總之就要貼住我先肯瞓。

今月驚喜:
  •       音樂頒獎典禮見到謝賢會叫旅行(三個小生去旅行),但做果個節目時佢係無興趣睇
  •       做貓屎媽媽會話比我地聽,但係佢又唔係睇果喎。
  •       已經記得哂每日做過咩野,夜晚問返佢都答得到大部分
  •       去到惠康比錢,佢主動叫EE,個EE開心到好似執到金咁
  •       呢排有啲咩唔鍾意佢會話驚,明明睇緊好開心,之後唔想睇就話驚,好蠱惑。
  •       記性好好,喺本魚魚書見到海豹,佢識Seal,我都奇怪問點解佢識,佢答我Minnie…basket, 原來隻免費disney VCD裡面Minnie講過Seal, 佢知道呢兩隻樣差不多,就認得。
  •      顏色已經認得八八九九~ 紅黃藍綠粉紅紫橙
  •      數數目已經去到1-20, 英文都係one twenty其實冇特別崔谷,有時同佢瞓數下數下,佢已經記得不過有時69會撈亂
  •       記得哂我同爸爸,舅父,自己中英文名, 住邊到幾多樓
  •        中英文發音都好準,cathatbatmat。全部都分到。但係舅父就fu”. 巧虎就do” 未改到
  •        尋晚買野差不多八點先返到屋企,婆婆話佢叫佢去開門,掛住我,等我返。
  •       之前都有扭要睇電話,而家我地會話電話/Ipad 用嚟做野返工,佢就唔會扭要玩
總結
今個月識嘅野又突飛猛進, 一日千里
繼續加油呀!!



1.15.2014

第二次懷孕小小心聲

由唔知再生唔生,到交比上天有咗,
到有咗B be到而家就32W,真係暫吓眼!

心情方面
小檬時
好緊張好興奮,尤其知道後第一晚好似瞓唔著
所有事都掛個肚。

B  be
由一開始唔敢相信,到cfm 知道嘅時候,
我試過好唔開心喊,果一刻心情好矛盾,
雖然知道有咗BB係開心事,但另一面驚會同小檬會冇咁close
因為冇得抱住佢(天真。。)
果一刻好似接受唔到,真係好矛盾!
過咗一兩日平靜落嚟,就冇野。

初期我都有抱小檬架,不過小檬爸就唔比啦
我都有趁佢唔知抱一兩吓,中秋節仲喺停車場抱住瞓咗嘅小檬去酒樓添!
不過,之後就好少抱喇。

唔抱,就坐喺sofa叫佢上嚟攬吓我,
佢都一樣好黐我,呢排仲比之前更加黐我
(有時連爸爸拍吓瞓教都唔比,唱歌又要我唱,R痕又係我。。。)
我都會成日同佢妹妹,有時買咗啲衫仔都會話係買比妹妹。
我都好希望自己同兩個都係一視同仁,唔會偏心,
雖然好難,但係希望真係得啦!

家務安排
小檬時
爸爸幫手做家務,再加上初期有流啡,我好似冇咩郁過!

B  be
都係差不多全部老公做(其實之前已經好多係老公做,佢真係好錫我)
喺屋企換片同小檬沖涼洗pat都係佢攪掂。
不過我係能力範圍做到之下嘅簡單野,都會幫手做。
唔好諗住我咪好得閒?因為小檬會要我喺則邊陪住佢先得,
不停咁叫媽媽媽媽媽媽媽媽媽媽媽媽媽媽………

屋企啲玩具就因為我冇幫手執返好,好多七零八落,
希望我生完可以搵返哂啲唔見咗嘅puzzle或者積木啦
(唔好問我點解老公唔搵,因為我老公啲野放喺面前佢都會話冇嘅,好神奇!)

飲食
小檬時
孕婦唔可以食嘅我都會盡量唔食, 好少飲凍飲
老公燉過一次湯,媽媽都有,媽媽湯水多啲
有飲媽媽奶,好勤力,醫生話有益,話飲吓冇防(但講漏咗會肥)
後期有飲杏仁茶或者杏仁餬,
有同事話護士長同佢講BB會白啲,
不過又唔可以過量

B  be
今次都有買一罐媽媽奶,不過係肚餓先飲。
湯水好明顯少過之前,因為婆婆要照顧小檬.
介口都一樣,話孕婦唔可以食嘅我都會盡量唔食,
不過薯片呀。。煎炸野都有食少少,汽水好少飲,只係偷飲過老公嘅一兩啖,
凍飲都有飲吓,不過唔多。
總結嚟講,我都應該算乖嘅(自己話)

事前準備
小檬時
如臨大敵,所有物品都要買,所以好緊張檢查清單

B  be
咩都唔想買,盡量用返哥哥嘅
真係要補給嘅先買。
最主要係女仔啲衫仔

倒數階段
有時諗諗吓反而好驚,之前未試過生,心口有個勇字就去。
雖然小檬嘅經歷都唔太差,不過唔知點解而家有啲驚。
上次朝早屋企穿水,老公喺身邊,應該冇咁驚。

雖然都差不多預產期都會叫婆婆喺我身邊
有諗過如果今次咁啱得自己一個睇住小檬又作動咁點?
或者如果老公返咗大陸做野,得我同婆婆都好麻煩,
叫醒小檬一齊去?定係自己去呢?如果係打比舅父都希望佢知醒可以陪我去啦!
當然,最好嘅就係老公喺身邊啦!
B  be 你要乖乖呀~

今次婆婆要照顧埋小檬,應該冇之前淨係要照顧我咁多,
唉。。我唔會再期望有其他人幫手,講就無敵,
話買啲魚煲湯我飲啲魚都應該仲喺大海到,
未撈上嚟。等飲呢啲湯我諗B be識行都未有得飲。

快啲炒定啲米整茶喇!

前一個星期有一晚瞓瞓吓個肚好似有啲痛咁,
果一刻好驚係咪咁早出嚟? 
心諗冇咁快呱,不過吳醫生話其實BB幾時都有機會出嚟果喎
冇話一定要足月先得
我都明,所以我都盡量安排好哂之後嘅野,
B be 出院衫,走佬袋。
要快手啲喇!!