帶BB出街遇到要等(去醫生checking)或者食飯
要扭落地或者行嚟行去都幾煩
我就帶定簿同筆，比佢畫，咩都畫得一餐，
時畫公仔畫到悶,就用筆圍住畫手
佢睇得都不知幾開心！
其他嘅筆跡係小檬嘅大C級演繹
有時都會睇書，或者帶定啲貼紙，
唔使買貴果啲，呢張＄5一大張
我會分開細細張帶出街，可以放自己個袋，以備不時之需，
比佢乖乖地慢慢貼。
陪我等見B be中
你睇吓佢貼哂落自己隻手到。
咁又可以到一排。
有時喺屋企，我會同佢玩捉迷藏。
佢會係sofa 僕埋，我就好簡單行去門後面，
等佢搵到，已經好開心
好簡單喺返sofa坐喺到，
佢都會走咗去搵唔知我坐喺佢隔離。。wahaha，
慳水慳力。
玩到悶，就會開始收埋啲公仔，
突返少少出嚟比吃見到，等佢搵到。。
或者會問佢 where is the
kitchen ／
touch the kitchen。toilet， door， TV，sofa，chair table
有時或者喺婆婆hand 呀。婆婆ear。咩都得。
咁又可以放吓電，我又唔使郁喇！！
當然果啲低B玩意小明呀, 玩手指呀 梗係唔少得啦！
大家有咩慳水慳力嘅玩意比啲BB玩呢？
幾好喎，我地既玩意就係電話，哈哈哈
回覆刪除唔想比慣電話呀。。一發不可收拾架！
刪除我懶，貪方便！不過好彩多數都可以收拾既
刪除我都係鐘意匿埋跟住 boo 佢，又話者點虫虫小明小明，再唔係隨手拎啲大人物件如水樽呀盒呀，佢不知幾鐘意玩/硏究。反而好少比筆佢玩因為怕佢放入口/周圍畫。
回覆刪除小檬又好少放野入口喎。筆通常喺街先比佢，屋企盡量唔比，不過過有一日放工返到嚟見到新買嘅袋仔比佢畫到，想暈低！ 原來婆婆失手比咗佢。。。其實我屋企啲牆已經失手。。嗚嗚
刪除5元咁多咁大貼纸，幾好喎，我都留意下边到有得買先！
回覆刪除一仔都係玩手机多！
我喺一田買，＄5咁大張亂玩都唔肉痛，佢又開心，見到小朋友又可以送比人，
刪除手機玩得多唔好吖嘛～而家佢已經冇再要手機架喇
我地唔係畫手掌, 係要佢撐開5隻手指"那", 然後我地用筆穿手指"那", 哈哈~ 好變態~
回覆刪除小檬媽真係有心機同小朋友玩呀~ 我地都要向你學習, 因為我地都想堅持唔比小朋友玩電話, 但去飲茶食飯要一個小朋友坐咁耐, 確實係唔容易~
好彩晉依家好鐘意食野, 出街飲茶食飯只有比我地D大人野佢食就可以坐定定~
wakaka，咁佢開心時你哋有高興咪得囉！
刪除係呀。。真係唔容易架，咪諗啲野同佢玩，或者有時都會同佢行吓望吓其他野囉！
晉晉鍾意食野咪好囉，小檬咩都唔係好鍾意，淨係鍾意喺屋企食，所以用食物留住佢係冇可能嘅！！
其實我只係盡量想同佢一齊嘅時間係開心，咪成日同佢玩或者陪住佢囉，大肚又唔可以咁勞動，喺屋企唯有叫佢走東走西
我見我嫂都係帶畫簿俾佢地坐係度亂畫一通～ 呢招都幾好！哈哈唔使陪住佢跑
回覆刪除係呀。。。佢地精力無限，我就冇佢咁好力喇～
刪除btw，嚟唔到試你手勢呀。。小檬都好想嚟同你地玩架,嗚嗚
依家湊B出去想安靜食餐好d真係好難咖~
回覆刪除我地都會帶一兩架車仔玩具俾yin b..之後就要出動Youtube..
再頂唔順就只好快食早走為上策><"
唉。。。真係好麻煩，自己一家都仲好啲，同埋朋友仲煩
刪除我好彩D，燒腩仔超為食，要佢跟我哋坐定食飯無難度，但要佢去人哋屋企唔扭計就一定要帶定D玩具車或者波旁身，再唔係就隨手係人哋屋人止執D人哋唔要嘅廢物畀佢玩，我都好想堅持到唔畀電話佢玩呀﹗
回覆刪除其實為食容易留佢喺食飯檯容易啲，我個仔鍾意玩多過食。。
刪除係呀。。我都盡量唔比手機
小檬一定係天才, 咁細個識畫自己隻手 ^0^
回覆刪除我地瞕瞕仲細個, 出街唔可以賣甩佢, 要親自同佢玩, 最鍾意玩bu bu git, 咬手指(係你咬佢手指)
梗係唔係啦，我捉住佢手仔畫架！細細個已經算好好，大大吓就真係知味道
刪除咬手指都好吖。。。我個仔鍾意我咬佢腳仔呀。。。哈
買部相機比佢 等佢自己周圍影
回覆刪除你快啲比架叻高相機資料我啦
刪除係姐姐上網係 amazon 度訂架 香港好似無得賣
刪除其實一家人出去食飯, 都真係好難攪~ 小寶又唔係太中意食野~ 食得多又怕佢唔食自己正餐~ 我地就要俾一大堆野佢玩~ 玩到頂唔順都最後要俾電話佢玩~ 我同意呀, 真係玩開有條路...唉....
回覆刪除