成長椅 & 子母廁板

如果係屋企食飯，通常都係姐姐或者婆婆先同妹妹食飯，

攪掂佢, 我哋先開始食。

到而家妹妹豬大咗啲，

我有啲想佢可以多啲黐住我們一齊食。

咁啱有好朋友大肚，於是決定要用緊嘅high chair 退役轉送俾佢，

買咗呢張high chair

呢張凳調校唔同高度，可以由BB坐到大人

（不過BB stage好似好危險？！）

其實都有塊板可以放前面食飯

我就唔使用

想妹妹豬直接喺檯食。

妹妹都學緊用筷子

再買多塊墊可以坐得舒服啲

個設計要有條安全帶先可以綁住個墊，

所以我求其攝住佢算

不過呢張凳冇安全帶，有我呢妹都唔肯扣，

唯有不停教育唔可以自己落嚟，要落就叫大人。

腳仔果個位有條木可以晾腳。高低可以自己調校

妹妹高咗又可以自己調校另外一個高度

其實俾想像中大少少，不過都OK嘅。

終於一齊食吓野喇。。。

至於小檬方面，而家坐緊我張可以升高少少嘅電腦凳

高度啱啱好，遲吓就應該可以坐大人凳，唔另外再買喇！

呢張咁靚凳喺邊到買？就係偉大嘅TB喇~ 

成長椅

RMB $732. (包郵)

其實初頭唔包架。。只係老闆攪錯咗，

後來佢都冇收返我，叫我幫佢寫啲好評！！哈哈

如果大家想買，可以試吓話我介紹

睇吓老闆肯唔肯再包郵啦~ 

我買咗先知原來有另一張先係日本正品！！

不過呢張價錢啱，貨質量OK，所以都好滿意！

整開又整，終於整咗呢個子母廁板。

@一田 $250 ( 咁上下 ? )

之前喺TB買過一個，不過啲窿位唔啱。

放棄咗，見到呢個應該得，

買返嚟再試，終於攪掂。

大人嘅廁板就有油壓慢慢落

小朋友嘅就冇喇

有個攝石攝住唔好秩落嚟

以後唔使再放小童墊喇，廁所唔用咁多雜物！

而個小童廁所呢，小檬都唔知道有冇用過一次半次，

不過好快又到訓練妹妹如廁

點都應該要keep，

如果兩個一齊poo poo 都起碼有個細嘅頂住吓先！

家庭遊戲~ Shopping List

小檬學校有自己嘅團隊設計課程同教材。

除書本外，仲有video，遊戲，

中英文普通話兒歌...

學校有啲遊戲將會派返屋企同爸爸媽媽一齊玩，

遊戲中學習。又有親子時間。

之前有商店街（學習店舖名稱／大小顏色之分）

穿繩（練習小肌肉）

入錢箱（學習顏色／練習小肌肉）

今次就有超級市場買野遊戲。

(學習食物名稱，同售貨員用英文對答，

說出要買食物嘅名稱，知道買野有錢嘅概念/分種類/揀出相同嘅食物)

有紙幣 & 唔同種類嘅食物

shopping list

我心諗，咁難，點會識呀？

不過照教佢啦，比咗個袋佢，放啲錢入去，

就教佢要照shopping list 去買，

啲食物放喺sofa度，

睇住佢跟個shopping list一個一個執出嚟，

一對，真係啱哂喎！

第二次都啱哂

然係交比扮收銀員嘅婆婆比錢，好玩學到野又開心！！

冇諗過佢會識架，可能係學校已經學咗

即係話比張清單佢， 

就可以幫我落樓吓超級市場買野喇！

所以話

唔睹唔知時運高

唔玩唔知佢咁叻！

真係唔好低估啲小朋友呀！

有得揀，好過冇得揀!!

學校之前有個talk 教我地有時要比小朋友有選擇，

如果你就咁問佢，
你想飲咩呀？
佢嘅答案當然係橙汁啦。

尤其想佢飲水嘅時候, 應該問佢，你想飲"半杯水"定係"一杯水呀。。。"（哈哈）

老師話佢地一樣好開心有得揀，好似大個仔咁。

尋日買咗幾種麵包，今朝爸爸問小檬

爸爸:你食唔食呢個麵包呀？？

(大家估吓佢點答？唔係咁鍾意食野嘅佢梗係...)

小檬: 唔食喇! 

其實係唔需要問佢食唔食嘅（極權媽媽）媽媽教路之後結果如下:

爸爸：你食邊個麵包呀？？ 

小檬：A啦！！

哈哈哈，爸爸跟本冇話邊個麵包係邊A，邊個麵包係B，

係佢自己無啦啦話A
覺得有得揀，就好開心，仲成個食哂添！！

Say Hello

大大吓嘅小檬變得怕羞咗，有時會唔肯叫人！

於是半天假嘅時候同小檬學習咗
社交發展，語言發展，自信心發展。

見到呢三個points 好似好勁去上咗啲咩course咁，其實好簡單。。。
見到有個外籍叔叔行過，
我就鼓勵小檬舉起手仔同佢say hello，

好似好無聊, 而我就當做可以訓練小檬膽量

要主動同人打招呼，又鼓勵佢講英文

對於我嚟講我細個都係唔敢做架！

小檬都好叻仔，真係有揮手講Hello，

外籍叔叔都有同佢講返hello

事後小檬話自己。。。

唔使上啲咩課程，一樣學到

不過當然唔可以一步登天啦，

要靠時間嘅!

B be 衫買買買~ 2

對於我, 生女最大嘅使費就係買衫！

B be都未夠一歲，都唔知買咗幾多轉！

B be 衫買買買

屋企著嘅衫都大部分都係著返哥哥嘅，

出街就買多兩件替換（邊止兩件吖！！）

小檬哥哥果時有RB粥粥啲sample，到B be 而家冇得賣喇，

開始諗要買啲冬天衫, 爸爸同事又拎咗袋衫仔比我地

佢地供應咗B be唔少衫！ 

感激！！！

雖然係咁，行過都忍唔住買買買，

因為部分已經有供應，

所以自己買嘅時候我都唔係好肉痛

爸爸同事Sample 

淨係褲仔都7~8條

再買~ 

原來我咁鍾意買花

呢件雞仔大減價，四百幾賣百幾，忍唔住

再買Z家

雖然小檬都有鞋仔，不過呢對係我至愛嘅瘀粉紅色

小檬都有，近期佢鍾意嘅恐龍Tee

同方便VV嘅橡筋褲頭褲

大細超嘅情況麻煩唔好同我當事人講!! （o殊。。。)

V 。 V

特別報告～ 

尋晚小檬終於成功喺屋企青蛙廁所仔去到一次 V V 喇！！！！！

真係好開心呀～ 

上星期學校老師就同我講，今個星期返到學校就會唔著片，

所以要帶定兩套衫，以便濕咗換。

第一日

星期一返學老師打比我話佢肯入面廁所，不過應該冇去到，
結果出嚟十一點嘅就失手。

返到屋企，亦一樣冇著片，結果濕咗兩條褲。

第二日，學校都係濕咗一條褲，連自己對鞋都濕埋。。。
要借學校spare 鞋返嚟

屋企濕左兩條，其間佢自己有話Wee，有同佢入去，不過唔成功。
（肯講已經好好）

第三日，學校好似冇濕（我已經唔記得）

屋企：濕咗一條，跟住成成功Wee到！

（我啱啱返到屋企見證住呢件事）

今日學校情況就未知，不過爸爸話佢頭先都成功Wee到去廁所仔！！！

原來介片真係需要學校幫手，會冇咁痛苦！

雖然仲未係百分百，不過我都已經好開心喇！

放工即刻走去買隻恐龍比佢以示獎勵

（呢排鍾意恐龍）

老師話如果到冬天仲未得就唔會介，驚凍親佢，

希望喺冬天前可以100％ 介到啦！！

兒室兒居有辦法 ~ 2

續。。。

這個兒室兒居嘅大工程完成後，仲有啲小工程！

<掛衣架>

用嚟掛書包

一路都唔係好鍾意黐掛勾或者轉牆，

不過終於要接受現實唔夠位要高空發展或者用牆身幫手

搵到呢個發覺原來掛勾都可以好靚

<著鞋凳>

之前張凳周圍放 =__=

放好張凳比佢自己著鞋除鞋

(自戀中)

<相架>

個相架買左差不多成年，

終於重見天日，裝好。不過未有相

<掛衣架>

自己房整返啲掛衣架。

<雜物架>

  太多雜物，要向高空發展先得

<小擺設架>

呢兩個架整好咗好耐，總算將自己嘅小擺設放置好

<電腦凳>

之前張電腦凳太大張喇，兩個人嘅時候唔會發覺呢點，

於是換張細啲，遲啲比小檬房用都得

<雜物架>

啲軟餅糖果麵包星星餅司各脫維他命多到。。。

一個人架放好哂，唔使亂七八糟

<School Corner>

書櫃有三層，中文／英文，分多個corner 係比學校用

黐埋個學校logo，姐姐小檬都唔會亂啦（希望）

<姓名牌>

跟學校一樣，一人一個位唔使爭

（雖然呀妹未識）

用apps整相print out 面黐膠紙就得，好簡單~

大工告成～

兒室兒居有辦法 ~ 1

好，決定繼續我嘅小小湊仔女天地

由娘家搬咗新屋之後到結婚嘅呢段時間，

sweet home都可以keep到好整齊，因為得兩個人。

終於有自己嘅屋企，小擺設/蠟燭懶型懶靚嘅都會買。

到結婚之後有咗生埋小檬之後，屋企開始變樣，

一歲之前都仲好啲，一歲之後情況一落千丈!! 

活動多咗啲整齊感覺蕩然無存！

亦冇的起心肝去整，唔使幾耐，有B be，佗B唔郁得，

生完又要安排姐姐婆婆小檬睡房，所有野同客廳都冇執好過。

姐姐嚟咗之後已經好好多，因為佢成日幫我執好啲野，

無奈地方有限，執極都好似乎好亂，

前排去到同學仔屋企見到人地好整齊，樣樣都井井有條，好羨慕，

當然人地間屋成千尺，梗係多啲位安排，

不過我相信我地方雖小，都可以執執佢。

於是的起心肝~ action!!

<玩具櫃>


分門別類

最高嘅唔可以放重野，因為驚整到妹妹。

<小朋友檯>

話說到小檬都差不多10個月識坐，我都仲未諗過話買張檯比佢!! 

多得雅培嘅blogger活動個PR姐姐送咗張熊bear bear 玩具檯比小檬，
之後開始大咗就用嚟玩同食飯。
張凳呢，係舊鄰居婆婆送嘅A貨lego凳，如果唔係小檬都冇凳坐, wahaha~

有埋妹妹，於是就買張檯仔佢地個, 之前睇咗好多間都唔係好合心水，
太細張又唔得，兩個會迫，太大又阻住。。。
睇咗TB一排，都有啲啱，不過再比較一吓
睇返IKEA真係好平平平....終於敗喺價錢上


雖然i真係輕聲聲，不過算啦，唯有睇實啲呀妹，
平平地用住先，整污JO都唔心痛！

<書櫃>

Sofa有張貴妃椅，其實都好徙位，而家大人都坐地下多,唔要喇！

本來啲書本放喺房嘅床櫃，佢都會久唔久入去睇，

不過活動時間一定冇喺廳咁多，

放個書櫃喺到就可以隨時隨地坐喺到睇書喇！

留返貴妃椅個墊比佢坐，又唔使買凳

（其實我睇中張凳。。不過如果而家咁都得就忍手唔買喇....忍忍忍）

哥哥返咗學，有請未瞓醒嘅B be示範住先。

最高一格都係唔可以放太多書~

待續。。。