V 。 V

特別報告～ 

尋晚小檬終於成功喺屋企青蛙廁所仔去到一次 V V 喇！！！！！

真係好開心呀～ 

上星期學校老師就同我講，今個星期返到學校就會唔著片，

所以要帶定兩套衫，以便濕咗換。

第一日

星期一返學老師打比我話佢肯入面廁所，不過應該冇去到，
結果出嚟十一點嘅就失手。

返到屋企，亦一樣冇著片，結果濕咗兩條褲。

第二日，學校都係濕咗一條褲，連自己對鞋都濕埋。。。
要借學校spare 鞋返嚟

屋企濕左兩條，其間佢自己有話Wee，有同佢入去，不過唔成功。
（肯講已經好好）

第三日，學校好似冇濕（我已經唔記得）

屋企：濕咗一條，跟住成成功Wee到！

（我啱啱返到屋企見證住呢件事）

今日學校情況就未知，不過爸爸話佢頭先都成功Wee到去廁所仔！！！

原來介片真係需要學校幫手，會冇咁痛苦！

雖然仲未係百分百，不過我都已經好開心喇！

放工即刻走去買隻恐龍比佢以示獎勵

（呢排鍾意恐龍）

老師話如果到冬天仲未得就唔會介，驚凍親佢，

希望喺冬天前可以100％ 介到啦！！