10.04.2014

小檬@32M

(已經拖咗兩星期。。心情很差,但寫好咗都要埋尾post)

小檬32M喇 ~ @26/09



今個食野有一大進步,就會食肉喇
(其實煮粉嘅時候都會到肉碎)
不過而家係成舊比佢食,叫佢咬,
初頭都有啲抗拒架,唔知用咩野威迫嘅情況吓發生咗第一次,
面部出現極到難食咁嘅表情,不過都叫OK,
繼續叫佢食,而且仲要唔好剪太細粒,
因為要比佢多啲咬同咀嚼,等兩邊面仔肌肉運動吓,
咁講野發音先更加清楚!

飲湯又係,都叫飲返湯,細個好鍾意飲,突然唔鍾意,
而家叫佢都會飲,不過又係表現極為不願意。
有日爸爸買外賣返嚟食吉吉家牛肉,
佢居然好鍾意,仲指明要食牛肉添~
佢慢慢應該知道咩叫人間美食喇!

婆婆話佢食野叻咗,食好大碗。不過有時都係好慢,
老師都有同我講佢喺學校食得好慢
(慢呢方面完全唔似我,佢爸爸應該知道咩事)
而家都有跟學校教比時限佢,如果過咗就會收。希望可以激勵佢。
自己畢,其實都完全可以,但我諗有時佢食得好慢
下半集婆婆都會忍唔住餵佢,唉,都唔可以話得咁多,
希望佢自己都主動啲快啲啦!
揸快子,都大致可以,係真係夾到嚟食果隻,
不過功力有限,所以只限容易夾嘅食物。

V V,喺學校已經開始試咗冇著片片,
老師都話有成功去到廁所仔,不過亦都試過賴濕咗兩次。
今天開始亦同佢著埋正常嘅底褲仔加片片,
老師話佢第時冇著片,就繼續著住而家嘅底褲仔喎。
下星期應該到喺屋企再試吓介片喇,希望得啦!

講野句子啦,問問題啦,對答如流
好耐嘅事都記得好清楚
有日行過商場撞到中學同學同佢仔仔之後傾咗幾句,
再過一個月後到返呢個商場
佢同我講話媽媽行行吓見到個EE同個哥哥之後傾計呀

自己著鞋,都算掌握到,不過有啲論盡,有需要都會幫助吓佢,
著襪仔就未識,不過會叫佢幫手拉上去。
除褲著褲已經算得(橡筋褲)當然條褲唔會好四正
著外套都係,都算識搵啲袖先,不過都未係好識。
自己拎書包,每日一出門口放學落學車都係佢自己咩。
佢都好乖冇叫過我地拎

開始識怕醜,有時入面鋪頭啲姐姐望住佢話佢靚仔之後就攬住我,
有時就好大方叫姐姐,通常臨走都有啲餅餅呀糖糖呀。。
同妹妹"溝通"又多咗,因為妹妹爬去佢啲玩具一掂到就話唔好!
this is gor gor(應該係姐姐同妹妹講)佢又學埋。之後仲會話NO!! 
天真嘅妹妹又以為同佢玩,又卡卡笑!

所有玩具要入盒時要入面返同位,有日我將玩具底面調轉,
佢即刻好緊張話,媽咪唔係咁架!!
姐姐試過揼咗扭蛋裡面果張叫你小心細件玩具嘅警告紙,
佢即刻唔比姐姐揼。
可能佢要儲成一套第日拎去賣呱!
所以我地揼佢啲野真係會問過佢,都啱嘅,要尊重佢嘛~


自己著鞋,雖然論盡啲

不過都算著到
(新鞋仔)



呢日心情勁靚食早餐

各位觀眾,DR MARTIN~ 
多謝表舅父,真係好型!
(比我冇諗過買,不過原本著起行得好好,應該都舒服)

拜完公公餵魚魚

自己玩轉轉,轉完落嚟真係暈。。。企唔穩!

同妹妹一齊"分享"

朝早起身錫錫妹妹
(媽媽喺則邊好想繼續瞓)

同妹妹落會所玩

 落朋友嘅海味舖幫舅父買過大禮海味....
哥哥,你心跳有啲快喎?!

等我自己聽吓?

一家大細食炸豬扒

自己磨磨磨

第一次一家大細去飲

一齊去公園最開心

Running 檬

eeeeeee

和媽媽一齊留意新聞,關心香港!大家努力!

16 則留言:

  1. 唉~~呢排真係唔多開心
    不過見到小檬同B be心情輕鬆返啲..


    回覆刪除
    回覆
    1. 係呀。。我都係返嚟呢到搵返我嘅快樂

      刪除
  2. 小檬錫Be b好sweet呀!
    係啦,依個星期睇見啲新聞同fb post都好唔開心,見到香港搞成咁... 睇下大家小朋友先可以搵番一點寧靜同開心

    回覆刪除
    回覆
    1. 係呀。。我都係返嚟呢到搵返我嘅快樂

      刪除
  3. 小檬真係好錫妹妹, 見到佢地d相, 完全是構想中兄弟姊妹相親相愛的畫面
    希望HK快d搞返掂啦

    回覆刪除
    回覆
    1. 係呀,哥哥好錫妹妹,雖然都有時唔肯分享,呀妹就見到哥哥同佢玩就笑

      刪除
  4. 小檬同B be 好好感情, 睇到相都覺得好窩心~

    回覆刪除
    回覆
    1. 係呀,哥哥好錫妹妹,雖然都有時唔肯分享,呀妹就見到哥哥同佢玩就笑

      刪除
  5. 而家最想就係佢地學識自己食飯, 咁我地就可以輕鬆D LA~~~~

    回覆刪除
    回覆
    1. 我記得BBG好似好早識揸快子架?佢未可以自己食咩?小檬都肯自己食,不過食好耐,同埋會揀餸食

      刪除
  6. 如果食嘢快慢都有遺傳就好喇, 我同蛇仔爸都閃電咀, 但蛇仔明好熨慢板, 真係激死我哋

    回覆刪除
    回覆
    1. 享受人生,其實係我地唔啱

      刪除
  7. 唔開心的時侯見到小檬同b be就開心返晒啦~

    回覆刪除
    回覆
    1. 你見到木木都心情開朗啦

      刪除
  8. 小檬啲鞋好靚呀!
    小檬著就更型仔!

    回覆刪除