兒室兒居~ 後感

想大執間屋好耐，不過又唔想太大工程，

於是一路擱置，見到人地屋企雖然玩具都多但好整齊，

最重要嘅係小朋友嘅食吓飯玩吓畫吓都有張檯，又可以坐喺到睇吓書，

返到自己間屋, 見到自己嘅屋企真係坐咗半個鐘先接受
，亦好慚愧冇好好幫小檬同B be安排吓屋企嘅家具比佢地，

屋企佢地都有份。。於是一觸即發！

地方有限，要添置新家具，唯有忍痛揼野。

之後開始諗點擺，睇家具，度尺寸，又比較價錢，又要靚，

又唔想太貴，又要啱尺寸，因為小朋友大得快，

亦應該會粗用。。真係小啲心機都會求其買就算。。。

最幣自己又唔求其得, 所以雖然看似好少野，
但都足以令我嘔心瀝血，因為冇時間
唯有等佢地瞓咗之後睇
到12點1點想躂低瞓嘅時候

，呀B be 就喊醒，於是我又抱住佢拍佢瞓（暈）

我上個月嘅日子就係咁過。。。

成個工程用咗大概一個月時間，大約二千幾蚊。

電腦椅/層板/貓頭鷹掛勾

玩具櫃小朋友檯套裝

All fr IKEA

木色動物掛勾/書櫃

fr TB

執完真係舒服哂

多謝老公支持呢個兒室兒居嘅大工程，

又要拆sofa（多謝舅父三更半夜上嚟幫手），

又要拋棄大垃圾去垃圾站，當我睇好哂啲家具，

佢又去幫手買。

兩個櫃返嚟仲要自己砌，起哂水泡。

尋日放工返到去都未喺好變樣，肥妹豬就開始扶住企。

呢兩晚都要我坐喺到陪佢睇書，所以一定要安排好個位置比小朋友
等佢地可以主動容易閱讀, 雖然遲咗啲不過有心唔怕遲

挨更底夜完成換來嘅

sweet moment