學校水果日@K2 & PN

每年學校也會舉辦水果日，今年都唔例外！
第一年小檬扮pear，其實都唔係扮，只係著件TEE係啤梨仔。
學校水果日

第二年小檬扮西瓜仔！
小檬學校水果日@K1

到今年，水果日差不多殺到埋身嘅時候，
我都未諗到同未有時間整，今年仲要一整整兩個！
最後一個星期，入直路！問過兩位主角，要扮咩先真正動手，
唔係攪完一大輪又話唔肯就麻煩！

小檬大個仔喇，太卡通未必適合，
於是買咗件黃色tee比小檬，然後簡單咁加啲v扮菠蘿釘，
再加頂帽仔扮菠蘿葉。






妹妹豬呢，當然要扮可愛嘅水果啦～ 
好快就鎖定目標做士多啤利妹妹！

上身搵咗件紅色TEE
剛好RB叔叔之前俾嘅聖誕節tee係紅色，但身上啲聖誕鹿太礙眼，

於是反轉佢著就算，一日半日，影相冇人發現嘅！
淨紅色好似好悶，

又剪啲綠葉襯托一吓加埋個名就完工！

買咗條紗裙，再剪好啲士多啤梨核，

貼上去就得

  

再埋啲葉~

 完成


士多啤利妹妹與菠蘿仔

學校嘅返圖！ 

拎埋個菠蘿仔！！

不過妹妹應該被認錯為西瓜！！哈哈哈

係喎。。又幾似喎！
整吓整吓我都唔知自己整咗啲咩！
唔緊要啦。。。（自我安慰中）

小檬Christmas Performance@K2

學校節目一浪接一浪，學校旅行之後，

就到最期待嘅聖誕表演！

（樣樣都話最期待！=p)

請好假返學校準備睇表演！

一如以往，為保持神秘感，

小朋友都係密不透風咁唔會向家長透露表演嘅內容！

小檬老師同佢講，上一年前已經做過小司儀，今年比啲機會其他小朋友！

明白嘅，都係比小檬好好嘅一課！

等佢知道唔係次次都有司儀／主角／第一做。。。

開始喇。。。今年嘅表演節奏好輕快／全部動作都好有動感

小朋友都跟得上節奏，又跳又唱，不停走位，好熱鬧

我哋家長們都睇到好興奮，被勁歌熱舞感染到！

小檬跟到個拍子。。。自己識走位

隨著節奏扭扭扭

雖然唔係全部第一排
要喺人群中尋找小檬，不過我依然好enjoy

今次場面咁熱鬧，以為有過往經驗，唔會失手

但原來都仲係好感動!!

上年見到擔大旗做司儀，跳舞郁郁吓嘅小檬已經好感動，

平時比媽媽認定音樂感跳舞麻麻嘅小檬，今次見到佢勁歌熱舞，

渾身是勁投入又唱又跳

又點能夠唔感動呢？

返學短短幾小時，要上堂／學寫字。。

仲要抽時間學習跳舞／唱歌／走位！

見到佢地個個都跳得咁好，真係好感動!! 

三首節奏強勁嘅聖誕歌加上小朋友精彩舞蹈，真係令人目不暇給！！

單單靠學校嘅時間練習，真係冇諗過佢地可以跳得咁好！

老師真係落左唔少功勞！

小檬end pose開心到跳起

Good Show！

看到小檬嘅成長懂事，媽媽又感動眼濕濕中

表演完之後

老師們先和小朋友大合照。。。小檬咁嬌俏扮花

同爸爸媽媽合照喇！！！

小檬好開心～ 媽媽見到佢都好開心。

So Proud of You！

之後仲同其他小朋友一大班影相！

又突然記起上年唔太肯一大班同其他小朋友影相

（只係肯同一兩個女仔影）

今年大個仔, 有自己嘅朋輩小圈子

媽咪看在眼裡又好安慰！

小檬嘅英文老師知道妹妹讀N班，

於是同我哋講可以叫埋妹妹出嚟影全家幅

(好多謝佢嘅好意

好窩心咁混亂都記得我哋)

不過我知妹妹好怕咁多家長，於是我諗住最後先叫佢。。

點知老師以為我唔敢，幫我湊妹妹豬出嚟！！！

一出到嚟。。。妹妹豬都唔知發生咩事。。

見到咁多人。。就算我哋都唔肯影。。垂哂頭！

跟住就爆喊

我都知唔迫得佢，於是就算，

佢班嘅老師見到就安慰佢湊返佢入課室

睇到妹妹豬嘅表現，第二日就係佢嘅聖誕表演

大家應該明白我擔心妹妹豬明天表演情況嘅感受

唉。。。。

p.s. 沒有這個小天地，

我可能已經將這些情深感覺藏於心底，未能回味!

我喜愛寫blog，可以讓之前過得太快嘅片段，

 放慢腳步，將點滴逐一回味，

從匆忙嘅生活中，用心細細感受！

School Christmas Party Snack

好喇。。到第二個project喇～

就係準備學校聖誕小食，

要健康，容易整，小朋友鍾意（即係唔健康啦）

真係頭到爆！

又係x2(暈) 

點都要搵啲容易整嘅整！

先整小檬嘅

一開始當然係偷食時間

買左啲朱古力餅乾, 先黐對耳仔

用朱古力醬容易好多

黐對眼睛／鼻／咀

（買左啲聖誕葉當咀。紅色波當鼻）

細細粒，黐到眼到矇

耳朵就用餅乾

小檬完成呢個作品，五官不太端正，不過都算係咁啦

小檬當然整唔到咁多，分工合作，佢都好肯整，跟住雪一晚

登凳~

靚唔靚呀？？？ 當場搵個最靚嘅影相啦～

後面有啲冇咁靚仔架。。

不過都唔算難整，就咁黐住啲眼耳口鼻就得！

而妹妹班BB啲，於是用生果！

好容易，只係切切切／吉吉吉

（不過建議即日做，因為香蕉返到學校都有啲黑咗

學校唔敢比小朋友食！）

切好晒之後，妹妹豬幫手整幾支！

呢個為食肥妹仔當然有係一路整一路話要食

婆婆都有幫手，所以先咁快完成！

媽咪, 好靚呀!!（我知，媽咪好靚!!!)

媽咪食得未呀？？

第二朝，吉好落盒就完成！（自製包裝紙！）

整好咗，如果唔自己送返學，佢地應該拎唔到，

於是lunch時間爸爸就出嚟接埋我，一齊送佢地返學校！

全家總動員！

希望小朋友食得開心，媽咪就開心！！

yeah 又KO一樣～

School Artwork ~ 親子環保廢料盆栽

好喇好喇。。。全家病完一輪

終於回複正常！

有三樣事情排住隊等我哋（我）～

• 親子環保廢料立體盆栽或植物
• 聖誕派對食物
• 聖誕咭

首先KO第一樣～

學校一月份有開放日，主題為「親親地球」
選取環保廢料，設計立體盆栽或植物，

材料：舊雜誌／朱古力盒／飲管

做法：好簡單剪剪黐黐貼貼

見公司有啲舊雜誌，色彩繽紛，於是就用雜誌紙啦～

花盆就用朱古力盒，用photo apps print啲靚圖案出貼上去，
就變靚靚花盆

雜誌紙盡量用唔同顏色嘅，
花嘅顏色都會五彩繽紛！

難就唔難, 不過呢個真係side心機，
我做咗兩種花咋

將紙對摺之後就剪成一條條，一捲就會成花型狀！

小檬都好努力幫手架。。雖然有啲佢做唔到，但捲吓黐吓貼吓都冇問題

剪好之後用幼條捲灣佢，花瓣就會捲曲～

唔望一步登天，整咗大約一星期，晚上剪吓貼吓！

登登登凳～ 

貼返個圖片襯返學校主題，順便遮吓牌子名


盡量用唔同顏色嘅雜誌紙，呢本係客人時裝雜誌，
啲顏色感覺都好有品味！wahhahah..


我就最鍾意呢朵粉紅小花花




呢朵紫色都好鍾意


整啲圖畫貼住啲朱古力label


整多個牌寫個名先


橙色呢朵都好燦爛

（有邊朵唔鍾意架？)

最後仲將個製作過程貼喺後面


小檬都好滿意個作品！！


唔好以為我收得工！仲有妹妹嘅～ 

準備好晒啲材料～


用裝雞蛋嘅盒，剪好


再上顏色


小心亦亦


好比心機油架


完成花花喇～

紅綠藍色紫果個係小檬哥哥幫手嘅

繼續....
搣雙面膠紙，

貼貼貼

再嚟搣泥土

妹妹豬大個喇。。。真係做到架喇。。

雖然唔靚，但都係佢做吖！

妹妹豬作品

前後左右就寫吓學校名／自己名

open day主題

最後仲將個製作過程貼喺後面 

妹妹豬好滿意個作品！！

上星期去睇佢地聖誕表演時

順便比佢地自己拎埋入學校

老師見到讚靚，兩位小朋友好開心～～

當然啦。。有媽媽嘅愛心+心機襯底，

open day當天應該都洋溢住我哋滿滿嘅愛~