回到過年前～準備篇

學校放年假之前，有個華服日。

由於姐姐放假。爸爸一個湊兩個，所有野都攪得掂，係攪唔掂個頭啫！

於是lunch就飛過去，幫妹妹整頭！

原本想整春麗頭架，

不過冇時間喇。。求其喇！

呢對雞仔夾係自己整架。。

原本係吊飾嚟嘅，自己變成夾仔

襯埋呢件兔仔中國服，靚晒！

爸爸差不多出門口先記得叫佢攞埋比小檬，

就咁將佢掛上身就算！

呢日小檬正日生日，於是下午放假一天，飲完茶就同佢睇戲

佢成日同我講，我真係好鍾意睇戲架！

呢套。。。真係悶到我同爸爸瞓著咗！！zzzzz

晚餐之前見仲有時間，爸爸話去花墟買花喎。。

趁平日下午應該冇咁多人。不過我就話唔想小檬生日要佢陪我哋買花，

佢實會好悶。不過唔去又已經冇晒時間

點知佢話我陪你哋吖！！真係乖仔！

快手買完就會合兩個舅父！

真正 Birthday Boy 

食完就大戰花市

一入場未見到波，未識興奮

買完即刻生猛晒！

唔知幾時開始，小朋友行花市，就等於買波波

多謝舅父！

又買又抱（我慳錢又慳力)

過年最後一日衝刺

入利是～

真係忙到最後一日先有時間

雞蛋

小雞

公雞

你鍾意邊個？

妹妹豬仲幫手貼貼紙

eeeeeeee

又到小朋友興奮時間

入全盒

做咩咁癡纏呀？

入完全盒, 就貼揮春

好努力

自己貼，歪哂都咁開心

今年嘅年花～

蘭花～今年買盤大少少嘅。。花墟買。 

聖誕樹呢間個姨姨認得我，仲送對雀仔比小朋友

唔記得叫咩花，好靚就買

水仙，開得好靚

舅父買lego送嘅雞年lego 

蛇仔媽送嘅雞公仔，

襯埋小檬畫畫堂都畫下新年, 夠晒氣氛

校服鎖匙扣@姑里手作

多謝Little K 媽咪通知，
等我可以同小檬班同學仔組團整鎖匙扣！

經過一輪混戰
追交相片，相片像數唔夠大，再追，終於齊，
交錢，打表，相片檔案改名，upload相，
同supplier clarify資料，工廠開工，
收到貨，對貨人名數量，分貨，約交貨！

以上過程歷時兩個月！！

終於收到貨！
好得意呀～

如果已經有呢間學校校服喺到，就唔使再比設計費用

越多人一齊訂價錢就越平，
有興趣嘅可以睇睇啦～

姑里手作

Lost and Took~

記得細個嘅時候
成日見我哥哥返學返嚟唔見呢樣，唔見果樣
(註:我 細時係無發生呢啲情況嘅)

水壺啦。。雨褸啦，遮啦，外套啦，運動衫啦，
筆盒裡面文具就當然唔小得，
就知道小朋友返學咗之後會唔見好多野

除咗小朋友返學，湊仔都係喎
者湊住小朋友出街，太多零碎嘅物品，
好多時返到屋企都會唔見緊啲

由有咗小檬到妹妹豬嘅
lost list

媽咪太陽眼鏡
小檬漁夫帽

影完呢張相已經唔見咗小檬漁夫帽

玩完呢個小小世界就唔見埋自己太陽眼鏡

水壺

出完街唔見咗
仲要好似只係買咗幾日～～

一隻鞋仔

妹妹去完南丫島唔見個咗一隻鞋仔！
係一隻，另一隻喺腳上面
就係哥哥呢對白色彩虹das


到最近期~雨褸

同表舅母食飯慶祝完生日之前去撻水之後，就唔見咗
仲要喺返嚟之後兩日後婆婆問我哋書包裡面點解冇咗件雨褸

我哋先知!!
姐姐話上到酒樓有收好佢地兩件雨褸，
亦有拎返屋企放入書包，
但點解會突然間唔見咗？
我又問過學校又冇執到
問小檬記唔記得返嚟之後果日有冇件雨衣，但佢點會記得吖～

摷勻間屋都冇。。車又冇。。。
唔通真係喺酒樓？打返去問酒樓話冇。

臨食飯都仲有


我好鍾意呢件雨褸架。。喺日本買，好靚，又冇臭膠味，又唔貴！
真係有少少唔開心，又會怪自己唔再跟多眼！
我傾向跟眼睇住小朋友多啲。。。

好想有一日你唔搵佢，佢自己出現！
（不過到時唔知仲啱唔啱著！？！)

講完唔見，又講吓攞左啲咩返嚟

舅父喺日本買咗固背囊比小檬, 連個價錢牌都拎埋花返嚟!!


有日係屋企又冇啦啦見到個街市買毛巾嘅紙牌！

婆婆同舅父兩母子都係一樣

到我哋喇, 尋日小檬喺背囊仔邏左呢個落單牌返嚟。。。

 wakaka!! 

係咪小檬自己執玩具時唔知放埋入去????
好在唔係啲咩貴重物品，唔係我哋就變小偷！

我聽朋友講過百貨公司減價，
孭住嘅BB拎住咗啲毛巾返到屋企唔記得比錢！

我有一次都拎住啲圖書又顧住拖住兩個差啲唔記得比錢，
行到門口先諗好似差啲野未做！！

所以我都成日提小檬要比咗錢先好離開，
等佢又提吓我，哈哈!! 

小遊戲分享

前兩同小朋友gathering時，玩咗個遊戲，見燒腩媽都好鍾意，

可以再分享一吓

近排喺屋企或者喺街
同小檬妹妹豬都會玩呢啲遊戲

小朋友等待期間冇耐性（其實大人都係，不過有時迫不得以）

呢啲遊戲係唔需要道具嘅，或者好少道具身邊一定有嘅

務求隨時隨地就玩得 又學到野

1. 鬥唔笑

大家互相望住對方眼睛 鬥唔笑
呢個妹妹豬都玩得

我對小檬，小檬對妹妹豬都得。

唔好諗住唔笑，咪好慘？

當兩個小朋友見到對方果樣好快就會笑，

唔使道具又會笑到碌地，等車等位等咩...都唔會悶

妹妹豬細個啲，唔使兩秒就笑返。。。萬試萬靈，

gathering時候燒腩仔就叻，可以忍到，

小檬見佢個樣忍得咁辛苦即笑

呢個遊戲去到邊隨時隨地都玩得，

又可以kill time，小朋友又可以笑一餐。。好開心架！

適合年齡，兩歲開始，太細唔知做咩。。哈哈

2. 物品想像

用一件物品發揮想像力

上次去澳門等落船，唔知袋到有個綠色嘅圈圈，

(可能係其中一part玩具)

我就同小檬輪流一人一句，話呢個係咩野嚟，

e.g 用個圈圈扮眼鏡，講呢個係一個綠色的眼鏡，

或者呢係一個巴士手環，

小檬都講到好多，佢講唔到時，就叫佢再留意吓身邊係圓形物品。

呢個係一個鐘，呢個係一個耳環。。戒指。。車轆。。

（用正方型，三角形都得）

呢個遊戲要用句子講，可以訓練埋用句子講野

(開始大，要多啲用句子講野)

可以訓練/發揮想像力，叫佢下次行街留意身邊事物，

會多啲聯想力

呢個妹妹未係好識，不過都可以用啲簡單佢認識嘅物品玩

小檬就不知幾鍾意，講到好多佢諗到嘅野

3.估物品
要喺固定地方，叫小朋友睇住一樣野，
叫大人估（或者調轉，不過小朋友諗會容易啲）
例如，小朋友睇到米奇鼠鼠，
就問係咪紅色架？
係咪黃色架？係咪會郁㗎。。。

調返轉大人睇物品呢
初時要教吓佢地問
小檬問就可以用唔同方式.佢嘅諗法問 
冇咩所謂，深淺自己調校

advance level只可以問" 係唔係" 

呢個妹妹豬未係好識玩，
不過都可以叫佢揸住一樣野，望住問，
佢識答都好叻

4. 找形狀

行街時唔好淨係睇玩具，可以留意身邊事物，

我會同小檬鬥搵三角形／正方形／長方形物品，

圓形三角形容易啲搵

呢個妹妹豬都識少少，圓型最叻，其他學緊。

小檬就advance level 開始學橢圓形，就會搵橢圓形

好似D字就係橢圓形，手袋扣。。。等等

5.找顏色 

適合妹妹豬搵啲基本顏色，紅／黃／藍／綠

小檬，advance level好似啡色／灰色／金色/銀色...

例如：搵灰色，叫小檬見到灰色嘅物品就出聲，

大家輪流講。都係用句子講
我見到銀色波鞋

6.找標誌／警告語

叫佢見到標誌就出聲，再估吓係咩，諗下個標誌點解

呢個只限小檬

先認識一啲比較容易理解嘅，好似公園不准踩踏草地，不准玩單車...

出口／緊急出口/防火門標誌，順便教埋佢出街自己照顧自己嘅能力

7.講英文生字

小檬學letterland，會一人講一個字母開頭嘅英文字。

A～ apple，ant，arrow.....

呢個只限小檬

呢啲小遊戲都係我喺生活上自己諗出嚟嘅。。

如果大家有好嘅遊戲都分享一吓～

小朋友如果可以爸爸媽媽玩，其實玩咩都咁開心啦!! 

妹妹豬& 小檬成長記錄 。生活照

為咗妹妹豬嘅N班面試，好耐都冇寫兩個嘅成長日記。

的起心肝先

妹妹豬26M

食

食從來未擔心過。

飯／麵／粉／通粉～樣樣啱 

最鍾意食魚，有時話唔食肉肉，

咩都會試吓，都肯食菜
鍾意飲湯，中西都得。

鍾意食生果，蘋果橙提子車里子士多啤利芒果西瓜，

係冇食香蕉，食親咀仔附近就紅晒敏感。

好鍾意飲水水，已經試緊用杯杯飲水。

好肯自己筆，有時想餵下都唔得。

一塊餅，搣開一半唔得要成塊！

食咩都話大舊 =___=

活動能力

識行識跑，跳就差啲啲兩腳吓郁吓

好動，喺屋企可以喺我唔知道嘅情況吓

由大床跨過床仔欄跳入床仔！！！！！！

情況就好似大人跨過啲欄杆過馬路咁！！！

呢兩日先親眼見到嚇到我暈！！

（小檬哥哥從來未咁周圍琴過！）

呢個妹，真係似男仔過哥哥

自理能力

自己著鞋除鞋除襪，自己食飯，自己拎袋，自己擰蓋，自己搣開
咩都鍾意自己做

妹妹自己~妹妹自己~咩都話妹妹自己!!

人哋幫佢都唔得，聽落好似好生性，

但當有啲事佢未做到有危險時就好煩。

自己走去洗手！！ 

自己要揸住成個甜筒食，唔可以爸爸揸！

說話能力

已經可以用句子表達

見到爸爸用緊電腦，會問 "爸爸你做咩呀？" 或者" 你係咪好忙呀？"

哥哥想開樽糖，唔係咁識，反而妹妹豬話"你打開呢到。。咁咁呀。。"

（我喺側邊聽到真係好好笑）

好多句子說話語氣動靜都跟晒哥哥，

好在哥哥都算乖，如果唔係變咗兩隻monkey

有時有啲脾氣，唔鍾意就發脾氣！ 

發脾氣會自己坐去走廊，扁住咀仔。

有時好似同佢洗手特登話唔要婆婆，

或者唔要姐姐，唔要媽咪，或者唔要爸爸，即係睇佢心情～

有時會特燈唔叫某一個。

雖然同哥哥都好sweet，不過總有嘈交時候，

總之trouble 2真係有啲trouble。

可能應該係正常trouble 2，不過小檬唔trouble，所以我唔習慣 =p

去到公園會話小朋友sir咗佢條滑梯，係，條滑梯好似係佢咁，會指住人。

但又時又會話一齊玩～又係睇心情。

唯有用佢為食呢點去教吓佢，希望改好啲曳野先

好鍾意唱，小檬果時唔會～

成日叫我唱，到我唱唱吓又話

妹妹自己唱，話我好唱

（一開始明明係佢叫我唱嘅=__=）

性格活潑可愛，懂得o爹人。

笑起黎鬼鬼馬馬，氹C你!

生活照
Happy Playmas

神探妹妹豬

棉花糖！

好在免費, 食兩食俾返我，唔鍾意，因為好黐立立

石春路 行得好輕鬆

c

女仔天生鍾意扮靚

媽咪同我鬢下辮仔

自己食

又係自己食

有雪糕食就最開心～

都係食


繼續食


唔好影！！阻住我食


唔好意思。。仲係食

B模

古靈精怪

唔知道大家搵唔搵到隻爛瞓豬呢？


太曬

冬天溫暖都可以去沙灘嘅


好朋友，食茶點梗會預佢一份


小檬四歲三個月
食 
食量俾之前多咗，每餐都可以食到一大碗飯，肉肉菜菜啲餸都食到。
最叻仔就係大部分都係時間自己食！
終於肯飲吓湯，一開始係餌誘，試咗之後都鍾意就話好味！
呢個湯係番茄薯仔肉碎湯
種類又冇咩突破，有時係喺學校試吓啲新食物，
希望遲吓再有進步。

活動能力
公園擒鋼架可以自己玩，可以自己sir消防員條柱。
好鍾意睇書，好鍾意讀英文！玩具盒嘅英文都唔放過，
自己拼音升讀晒，雖然有啲錯，不過我都覺得好叻。
每晚食完飯就係功課時間，叫佢做永冇話一陣先，好願意做。
做完就可以玩，畫畫，睇書，lego。。。不過叫瞓教就成日一陣一陣。。
而家瞓教叻咗，唔使起身vee vee，不過有時候醒咗冇人陪
要搵我哋陪佢瞓一陣，佢瞓返我哋就可以走

好鍾意畫畫，成日自己跟住啲物件畫。

有時候，好似啲同學仔聚會，會話唔玩，
唔知係咪怕啲家長呢？突然間會唔同人social，
明明係親善大使黎架。。？？少男心事又有邊個知？？

不過佢都係好乖巧，絕大部分時間都唔用勞氣嘅，都繼續係我嘅小乖乖

送咗張陪伴兩位小朋友長大嘅high chair俾個就做媽媽嘅朋友，
結果交換禮物！收到呢架大車車

食燒腩媽介紹嘅好味炒蛋

其實佢冇食，因為唔食蛋

會唔會太嬌悄??


四歲生日前夕，佢講出嚟, 叫我幫寫落日歷
小檬 is now 4 years old. He is now bigger and bigger.


扮龍貓

   

繼續自創lego

消防員燒野食，有間屋企，有張床
有個人賣野食

ED哥哥突然送套書，50本，開心到佢呢～

終於嘗試食薯片。全靠為食的媽咪


有日睇玩具，小檬睇完再要睇，於是我話我拎住好多野好重，
叫佢幫吓我手，體驗一吓，等佢知道媽咪嘅辛苦


大個仔，自己吹頭（媽咪嘆吓～其實唔得=p）


自然堂執松果


個個也愛Bear bear糖


有心機油顏色時都幾靚嘅。。


多謝Ivy EE襪襪

 自創軌道

媽咪時間
兩個小朋友出街喺車瞓咗，我終於有丁點時間嘆吓～
真係丁點，因為妹妹喺半小時後已經醒！



妹妹豬的頭號粉絲

另一粉絲送來一箱神秘禮物


西瓜波，餅餅，紙飛機

多謝NT哥哥

小檬同學仔生日會
小檬：媽咪我想帶埋妹妹去，我想妹妹見識吓！

笑C我

和表舅父慶祝生日


YEAH

元旦日風和日麗，走去沙灘玩


love this pic


食最愛老虎拉麵，差不多可以食晒！


和婆婆嘆下午茶

溫馨自拍


妹妹充當髮型C
注意舅父手上的鏡不可以放下來的

復活節迪士尼遊戲室
媽咪砌咗間屋企俾我哋


一齊睇電視 hahaha


do~ re~ me with表哥


最開心送哥哥返學


一年前去日本；
一年後去日本城！！


媽咪自製檯墊紙


開心食甜品



食牛扒（其實係雪糕！）

兩位仲想扮型？

飲完扮辣，妹妹就唔會飲架喇。。哈哈

多謝WY姐姐puzzle！

原來佢地都識小丸子喎

玩玩吓磁石puzzle，玩到上面，妹妹呢個表情好夾呀

探蛇仔明妹妹～

拜完公公餵魚魚

好鍾意畫畫，估吓我畫咩？

開估～

佢冇對住畫架。。我覺得好似呀

仲自己寫戲名同Judy名添

妹妹豬又唔執輸，自己拎本影吓 wakaka

哥哥食完飯去走廊睇書，妹妹又跟住，呢個貪玩舅父又走去食飯 =___="

舅父咁好玩, 梗係鍾意黐住

妹妹豬生日
一家四口。。。

KK叔叔仲未交相呀!!!!!!

唔知下次生活照時有未呢？