Beach Boy

已經落咗成個月雨喇！

上個月月尾先因落雨cancel咗BBQ，

到而家都未停過雨
呢兩日諗住淨係有太陽有舊雲喺天氣報告果到, 但終於都係落大雨!!

星期日諗住一早未落雨之前走去海灘玩吓，

點知我全家都瞓到十一點幾～(爽)

好在食完個Brunch 之後，就冇咩雨，

即刻出動去附近嘅沙灘玩～

BEACH BOY

（雖然冇A＆F 果啲咁大隻，不過勝在笑容搭夠！
紅褲仔又係RB叔叔啲sample，正！）

記得細個好怕沙嘅佢，而家為咗玩，佢可以唔理啲沙喇！
唔知有冇啲金粒呢....

初頭都唔係咁放，好快就笑哂

行到咁近已經好叻，之後又話驚

好重，不過都要自己拎，又係個"玩"字

NT哥哥話小檬呢個look好靚仔 hehe..

B be 第一次去沙灘，估唔到仲細個哥哥已經去沙灘

湊完Bbe返到嚟見到小檬砌咗個沙城堡，好叻呀!!!

原本係爸爸砌。。。我都奇怪佢點會咁勁..haha

沙灘唔係咁乾淨，有啲熱心市民一齊幫手清潔。

B be食飽飽，聽住海浪聲瞓，不知幾好瞓！

同小檬去踢水，點知仲係驚水，樹熊咁箝住我。

沙灘係附近，所以如果突然落雨都可以即刻走，
天氣唔穩定，所以今次冇諗住落水。

下次天晴可以落埋水～

B be @3 Months~

B be 3個月喇！！！

真係好快好快！話咁快就3個月！

食

之前B be兩三個鐘就食一次奶，而家可能大咗啲，
都可以三四個鐘，食緊120ml，

佢比哥哥吸收，所以面仔，手仔，腳仔都係比哥哥果時漲，

隻脾脾，都係一截截。
生長線係50，比哥哥大隻

瞓
兩個零月已經介咗夜奶，所以都係一覺瞓到大天光

開始欣賞自己隻手，食到daap daap 聲
好鍾意沖涼，換片唔會喊 (唔似呀哥哥)

基本上除咗肚餓會叫一兩聲之外（係叫，唔係喊）
都唔係成日喊，見佢咁乖, 有時扭抱我地都會抱吓佢，
尤其係我，小檬一唔纏住我時，我就會盡量抱住佢。

傾計，好鍾意人地同佢傾，eerr，冇停，
對住佢笑佢就笑到咪哂眼。

面仔皮膚，冇咩粒粒，哥哥果時反而有。(咪講)

頸仔都算有力，已經可以自己支撐到。

睇吓生活相啦~

雖然媽媽買咗好多靚衫，但係我都有著哥哥啲衫架，

所以媽媽會幫我夾返隻夾仔

或者用返條女仔口水肩，其實未有口水流
點解咁可憐？問吓小檬哥哥啦，又係佢嚟錫我囉

媽媽至愛兔仔衫衫

遮住吓個雙下巴先

啜面仔先見到嘅酒笠

未來舅母韓國買嘅泳衣，好靚呀。。。

不過點解頂帽變咗浴帽？ wakaka...

愛錫我嘅哥哥

媽媽試新機

BB最鍾意玩俐仔

比個正面睇吓個包包面~ 

笑吓先～

B be 乖乖～媽媽錫哂!!

B be & 小檬

兩歲多嘅小檬平時點對妹妹呢？

喺B be 仲係食同瞓嘅情況吓，大部分嘅情況下，佢地通常各不相干。

不過有時B be 喊，佢都好乖會走埋去拍吓佢，

同High Chair 嘅高度差不多，佢會捉住B be隻腳仔玩，

有時會錫吓佢腳仔，有時又話要錫吓佢面仔。

而家B be硬淨啲，可以埃住坐，不過一定要睇住,

小檬一見妹妹就會又攬又錫，我同B be影相，佢又會話軒軒同妹妹影張相先，

影兩吓又話唔好（明明係你自己話要影之嘛～）

攝於舅公生日

（以下為小檬:真實對話）

小檬: 妹妹呀～ 妹妹

B be : ......(又係你呀哥哥？)

小檬: 軒軒拖住妹妹先

B be : ......

B be : ......(唔好咁大力呀。。我係BB嚟架)

小檬: 軒軒錫啖手手先

B be : ......(好喇..好喇)

小檬: 再錫多啖

B be : ......(夠未呀？)

小檬: 錫錫錫

B be : ......(媽咪呀~ )

好感恩小檬咁錫B be（喺未爭玩具打交之前）

51 舅公生日+動植物公園

{back issue}

5。1  假期我地去咗賀舅公生日。

同上年一樣，去香港仔珍寶海鮮舫。

賭神上身

而家影相就係咁，一拎起機就話"唔好~唔好~"

上年兩個帶一個，今年連埋婆婆三個帶兩個，姐姐放假。

爸爸放低我地去泊車，已經遇到第一個挑戰，小檬要爸爸，佢好麻煩，

邊個行開就搵邊個，即係一個都不能少！！

終於等到爸爸返嚟，一齊上船

B be第一次坐船

到~ 

都係同Bbe影爽啲，任影唔嬲

去到先餵咗大細豬食。

細豬食完眼仔碌碌，邊個抱都得，啲親戚個個都打吓大脾仔先。

果日好熱，可以著雞亦袖

B be 有一對同我一樣嘅麒麟臂

 

大豬（即係小檬）好識食，好鍾意食呢到啲西蘭花帶子，
所以今餐食得好好！

佢表哥仔好高大，大佢一年, 依然高小檬成個頭！

我全程冇手影相，好在有表E姨丈啲相，仲攞埋舊年果張做對比

食完之後，去咗動植物公園。
原來而家有條天橋由科達停車場則直接行到公園果邊。
有BB車都好方便喇

自己行大大步，好似好勁咁 

免費遊戲，執樹葉

估吓同邊個打招呼？

猩猩？

no.....

係佢隊友～ 12號仔

原來唔同國家 

B be全程瞓教

啤啲猩猩

難得一見嘅正經合照

不過得一秒佢一行埋黎就影，影相冇take 2

小檬話呢隻係Madagascar嘅king julian 喎

（又真係有啲似嘅）

 

見人地騎，佢又要試吓

小檬搶波

自製相片bubble effect

影張全家幅, 到此一遊

（而家去親地方都影定張相張全家幅，因為之後返學做功課，

e.g.一家人到動物園, 去公園呀。。。之類, 應該好有用）

影咗萬千張，都總算有一張見得到人。