妹妹豬~N班大作戰 {完結}

千言萬語，不知道從哪裡說起！

最心儀目標的一間1st in之後，

就等通知是否需要2nd in。

據了解 通常有兄姊的小朋友都不需要
(其實只是自己一廂情願)

因為聽聞2nd in都是in父母，

而小檬哥哥已經讀緊的話，

學校對我們都已經有一定的了解

當日收到通知要2nd in的當天，我好像失戀一樣。。想喊。

不是說很擔心有沒有offer （又其實當然都擔心) 

而是我又要面對面試的壓力。

有兄姊就不需要2nd in的想法是我們自己想出來的！

原本預備好的復活澳門遊都差點因此泡湯~ 

收拾心情，又要進入interview mode，

又要洗腦interview時要乖乖。。。

2nd in當日

第1部分 : 妹妹豬表現OK，全部做到老師的指示

老師問妹妹食了什麼早餐，她還回答通粉 =D

第2部分: 妹妹豬入課室見到兩個老師同校長時，有少少想退後，

還想坐到我大髀上，我一手扶她坐落凳，好在沒有喊，

好快就投入返同老師玩。

校長問我們的問題都答得不錯（又其實不知好不好，只是自我感覺良好 =P）

完了之後輕鬆晒。。得唔得都好，都已經唔理

（又其實都成日諗，因為表現好好嘅一定唔止得我們一個！）

到公佈結果的前一日，和另一媽咪又傾一論，

傾來傾去都是說好緊張。。哈哈

晨早時間未到我倆已經坐到電腦前面等結果，
是我和這媽咪（教育部部長仍然大教睡中)

突然收到另一個媽咪的鼓勵打氣message
不知道是什麼原因便眼濕濕，大概是感觸。。。

未收到結果已經想喊～

不停的F5~F5~F5~F5 
終於彈出結果, 
輸入資料便看到
"取錄"

妹妹豬考到N班的offer呀！！！

YEAH～

衝到房間和仍然未醒的老公報喜，

(教育部部長好淡定，當然~成件事我in charge)

妹妹豬也被我嘈醒, 連忙錫她兩啖! 

終於有offer~ 

這場仗終於打完~~~

小檬考這學校的時候。。可以說是毫無準備毫無練習，

突然早出來的妹妹. 要我坐緊月和小檬去面試, 

這間分校是所有分校最少位的一間，亦是口碑最好的一間

叻仔的小檬又要幸運才考到!!

而我為咗妹妹豬這次interview的準備功夫

已經默默由一年前做起！

這一點一滴。。非三言兩語可以形容。

考N班的確不需要太緊張，不過我知道如果這一步行得好，

我之後煩惱便會大減, 於是盡我最大的努力

盡了力，便無愧於心。

Offer不用多，一個最好的已經足夠!!

一年前，小檬有位女同學N班後會轉校，
知道妹妹會考N班，送了她的校服給我們，希望妹妹用得著！


終於妹妹豬可以穿起佢這校服裙，
和哥哥一起踏進學校校園！！

妹妹豬，媽咪為你做的都已經做到，

往後的路就要看你了！

p.s. 很感激一些和我一同戰鬥的媽媽們，
很感激一些給予我鼓勵及支持的媽媽們，
每一次收到你們的whatsapp，很窩心也很感動，
很多謝你們對我及妹妹豬的記掛！
也慶幸認識到一些沒有寫blog，
有問我關於學校上意見的朋友，
感激你們對我的信任，
雖然我並不是專家，
也沒有做到很多的資料搜集，
不過你們每一個的問題，我也會衷心回答或跟你分享，
沿路上有我給你(或你給我)輕輕扶,媽媽們並不孤單!! 

妹妹豬Last Interview 後感
妹妹豬N班大作戰~Last but not least Interview

妹妹豬Last Interview 後感

妹妹豬Last interview, 背後媽咪所背負嘅係沈重壓力

過年見好多親戚朋友，開始問關於妹妹讀書嘅問題：

妹妹豬唔係讀緊書咩？==>唔係，啱啱兩歲之嘛 =_=

係咪讀返呀哥果間？？==> 我都想，不過要interview之後先知收唔收 =__=

唔係呀哥讀緊，就收嘅咩 ？？==>唔係，如果係我就唔使咁惆悵=___=

(不過學校話如果同分會有優先)

呀哥喺到，應該實收啦！？==>無呢個理論/規定嘅，學校只係睇小朋友=____=

身邊人尤其冇小朋友或者係長輩
唔會諗到而家小朋友讀書係咁麻煩

（唔同之前個世界,朋友話幼稚園都未算，到小學先知！）

而且眼見妹妹豬之前咁多個面試雖然不過不失，
不過成績都唔太理想，
到而家為止，
妹妹豬都只係得一個offer
其他全部waiting，
開始擔心佢點應付呢個面試。
（其實係我點應付=_="）

一齊讀同一間，唔好計呢間學校好唔好，

返學放學時間／放假日期／學校活動日一樣，
照顧方面，返工請假方面，一定方便好多

突然都有諗, 早之唔好入間咁難
做跟尾嘅（佢呀媽）咪唔使咁辛苦！！哈哈

我亦冷靜落嚟，小檬適合呢間學校，所以佢學得好開心。
始終兩個小朋友係兩個獨立個體，唔應該放埋一齊諗。
如果妹妹豬唔適合呢間學校，可能佢會好辛苦，
所以盡咗力，睇吓學校揀唔揀佢，或者佢揀唔揀呢間讀！
口雖然咁講，心又盡力想妹妹考到
因真心覺得呢間學校好好。好好。。

自己開始視覺失調@@

呢個月做咩，安排咩，都先諗妹妹豬嘅呢個interview

排流感嚴重，interview之前兩星期，

唔敢到太多人地方，亦冇約朋友

開始閉關

又不能困住太耐，又要都公園走走

見小小凍，即刻著衫，超級小心保護呢個小baby

絕對不能生病

不停教吓interview內容，但又不能太過pushing。。

不停講吓要點做，但又不能長氣。。。

interview 之前一晚
佢媽咪我，雖然好早瞓落床，

但係都瞓得唔好，唔知係咪真係緊張呢？

冚住晒被又熱，唔冚就凍，成晚郁嚟郁去
醒吓，
又轉嚟轉去，
瞓返。

如是者好快就到天光,未夠鐘就彈起身

快手快腳攪掂好晒自己梳洗化妝換衫，

準備妹妹豬起身，雖然有姐姐幫手，
不過都盡量親力親為幫佢換片換衫衫，

唔想有任何令佢唔鍾意嘅事情發生，
即係話就晒佢（一日咁多）

當你為咗佢，做咗咁多功夫，
而最後見到佢interview超水準表現，
相信唔難理解
點解我內心的激動淘湧而上
眼淚不受控制,有如缺堤之水
奪眶而出~ 

妹妹豬N班大作戰~Last but not least Interview

妹妹豬最後一間N班interview
亦係小檬哥哥讀緊嘅呢間
媽咪壓力之大，可想而之。。。

妹妹豬一起身，心情算好靚，妹妹豬一著好衫就話返學，

面試時間係早上十點半，時間好好
其實起身食完早餐出去就啱啱好，
不過如果好平靜咁去in我怕妹妹豬又怕陌生唔講野。。。
於是要佢開心吓，諗樣令佢hyper啲嘅活動開佢個早晨
～ 食麥當當。

食完食麥當當心情靚靚之後
去到時間啱啱好，登記之後就入校園等，
一如以往，入去之前不停洗腦，
見到老師要叫早晨，
老師問問題要答，
叫佢出去拍拍/做要出。
見到校長叫校長，
媽咪忙緊做野，自己要乖乖睇書，唔準行開
雙手俾問卷校長......

好多小朋友玩緊滑梯，我冇俾佢玩，都係講吓壁佈板上面勞作。
今次有啲凳安排喺壁佈板下俾家長坐，所以好難咁近咁講，
唔係咁好意思喺人哋面前企咁耐,唯有再行吓

見到兩個普通話老師話我好熟面口，又要用僅有嘅打結普通話
同老師講話都係到哥哥讀緊，
而家妹妹嚟面試，我抱起妹妹叫佢同老師打招呼
妹妹豬居然笠水。。。唔出聲，撲喺我膊頭 =___=
我心涼咗一大截，喺屋企已經認得呢兩個老師怎至叫咩名，
點解見到真人會唔出聲兼怕醜？
今日就係要出聲，咁樣一陣點算???點撬個口都唔開，
老師話好多小朋友都會咁，

一陣面試唔喊就得（我心諗有冇咁容易入？）
同老師吹咗一陣之後就走人。。

睇咗一陣書，呢個妹妹豬見有個小朋友行埋嚟又投訴咗一吓，
見未爆發衝突就拖佢走

好快就叫我哋名，拿拿臨就去排隊。
(今次唔使等上次咁耐，好快有得入，完全唔使用糖糖)

part 1 英文 group in
老師要求小朋友取指定嘅水果俾紙版公仔~男仔或者女仔食。
一入呢間房，我就好開心，我諗妹妹豬都係，
因為教哥哥嘅英文老師同興趣班外籍男老師都喺到，
兩個熟悉嘅面孔應該令我哋兩個都定啲, 
已經唔似interview，好似平時返學校啲活動咁

外籍男老師，講出指令，第一個小朋友唔肯出。。。
個pat pat黐喺張凳上面，
爸爸不停講不停推佢都唔出，
老師叫爸爸陪佢，佢先肯出，勉強都肯做。

第二個叫妹妹豬，一樣唔肯出"___"
擰轉個頭一副委屈家嫂樣 
叫"媽咪"

老師望住我同我講可以陪佢一齊出，
其實我只喺行緊
佢自己已經行咗出去
自己揀咗蘋果放入男仔口。
(因有朋友第一日In咗，知道有呢個項目，
所以喺屋企練習過一吓，佢唔肯入男仔到架，
C都話要俾女仔食,，好在今次都叫完成到,  真係抹一抹冷汗)

其他小朋友都唔太順利，一個都係要媽媽一齊，
另一個就喊，唔肯出。
(隔離果個小朋友爸爸見自己完成, 就叫個女同妹妹豬say hi
um...我想講人哋老師仲同其他小朋友in緊，
點解叫個女同其他人傾計？
你可唔可以尊重一吓老師呢？我冇即時出聲，
過一吓我同妹妹豬講留心老師講咩)

當in完水果之後就唱bye bye song，
妹妹豬隻手冇咩揮動，我亦有推一推，
clap my hand同step the feet嘅時候就有做,不過動作好細
跟住老師就拜拜小朋友，
到妹妹豬時，手仔bye完之後
佢居然走埋去攬攬男老師，男老師好驚訝, 好開心!
哈哈，我真係估佢唔到!
行出去就再攬攬英文Miss! 
Miss 話佢 "u'r so cute !! " 

Part 2 中文individual in

之前嘅經驗係我自己揀檯坐，我見到三個認識嘅老師，
諗住揀其中一個坐落去，

錯～唔係我揀，係安排!! 
(我估之前係我揀因為果時係新仔)

安排咗我去其中一張檯。
一個唔認識嘅老師(應該其他分校)
我諗係因為要公平, 避免同校老師面試。
都啱嘅，有實力係唔需要怕 (wakaka其實冇)

呢位老師好溫柔咁問妹妹豬叫咩名，妹妹豬亦好溫柔咁回答，
我都差不多聽唔到佢講，不過好過唔講嘅
再指住面試相問呢個邊個嚟，
都有答, 雖然細聲d , 我諗老師都聽到佢講呱

跟住物品，手偶公仔小花想要牙刷／筆／毛巾，
妹妹豬全部拎到（果刻我仲諗三樣佢記唔記得曬呀？）
仲唔係俾老師，係俾小花添！（叻）
跟住老師話小花話個咀污jo咗，用咩抹呀？ 

妹妹豬用手巾幫佢抹咀。
老師再問呢條咩嚟呀？
 妹妹豬答"唔知"（哈哈）

老師教返佢叫毛巾。
拎住水杯問呢個咩嚟？杯杯。
呢支咩嚟呀？？畫畫！
老師話係喎，筆筆畫畫喎

呢個呢？刷牙, 妹妹豬想講係用嚟刷牙,
 老師可能以為佢調轉咗讀
（不過識刷牙已經叻叻）

仲叫妹妹幫小花刷牙，妹妹豬就幫小花刷刷刷。。

老師mark分就叫妹妹睇書，問佢見到咩野？
佢答rabbit，另一隻呢？elephant
(但點解用晒英文答？)

好快就完成，老師提妹妹豬推凳，
妹妹豬呢方面做得好好，
唔使提都會主動推
仲推埋我果張添，老師都有讚佢！

part 3 媽咪填問卷
 我用咗大約5分鐘完成，妹妹豬真係坐定定乖乖自己睇書。
等校長嚟嘅時候，有少少冇耐性想企起身，
不過個pat pat都係黐住張凳。

最後好有禮貌咁少少鞠躬. 用雙手交問券俾校長
講"校長"  
eye contact就差咗啲，不過我提返佢就望眼睛講多次
接過禮物講 "thank you"就完成！

出門口之後，好似小檬In完果時咁，啲眼淚又開始失控。。
終於完成喇。。仲要係算好滿意嘅完成！
唔知喊啲咩。。總之就好激動

出到嚟緊係讚吓妹妹豬啦！！
（雖然喺入面已經都不停咁讚佢）
有跟指令做，肯開口，有問有答，有推凳，肯坐定定，
有雙手交問券，仲送多個擁抱俾老師，
媽咪真係覺得佢超額完成！！

買定個Elza諗住如果佢喺入面唔合作用嚟氹吓佢，
完全唔使用
IN就梗係送俾佢獎勵佢啦！！

呢間學校競爭咁大，雖然in得算好，都唔可以諗住一定得，
不過點都好，妹妹豬已經係媽咪心目中嘅100分叻豬！！
心情仍然滾動中!!!! 

妹妹豬N班大作戰~4rd Interview

第4次interview咁啱同哥哥學校旅行撞期，本來諗住放棄，
因為呢間係要自己跟老師入去
妹妹性格一定唔肯跟陌生老師行。

點知收到契媽媽簡報如下:

家長坐係出面，但小朋友會見到的。
妹妹肯跟老師入去面試區，但面有點難色！經常回頭望我，我向她yeah.
她便繼續跟老師，有眨嘴，玩大型積木時全程木口木面。
運波時D眼涙就黎出甘濟，委屈家嫂表情出囇黎，但都叫follow instruction 
最後在枱上玩D波波甘，就好少少，可能因為面對面望到我。
老師話：雖然有D怕醜，但是她都好勇敢完成指示。 

報告完畢！

好感動呀。。。妹妹豬真係好叻豬呀

當日小檬哥哥就衰咗自己走咗去玩呢個廚房而冇offer喇!

叮囑契媽媽事後先可以影相，因為妹妹豬一見到電話就失控

一心打定輸數連In到In唔到嘅呢間，出乎意料之外，

居然in到喎！！

面試完咗之後，契媽媽梗係獎勵食吓麥當當啦

妹妹豬又一次教導我唔試過嘅事

就唔好放棄!!!

非常感謝契媽媽嘅幫手呀！！

妹妹豬PN ~1st offer

妹妹豬嘅第一offer到手喇～

如我所料，第二間In嘅呢間真係得。哥哥果時都有offer，

不過最後冇讀，今次interview老師都有問哥哥讀邊間，
我都有一秒猶疑點答,不過最後都實話實說。

以大B嚟計，唔算最叻果個，不過都算幾好，
媽媽亦成功令佢肯留低喺課室，

又化解咗場爭執（妹妹投訴小朋友玩咗佢個廚房）

第一個OFFER得來都唔簡單㗎~ 

不過尋日再收到學校職員通知先知，
原來呢間學校冇校車嚟我哋果區！
報之前真係冇諗過冇，唔通算近？
如果搭巴士/小巴，都係10分鐘車程。
都可以姐姐幫手帶嘅，
不過打風落雨，始終冇校車door to door咁方便安全


所以呢個offer都係會袋住先。
漫漫長路，三月先係關鍵時刻~

講到呢到我唔知道點解眼濕濕。。。

妹妹豬N班大作戰~2nd Interview

妹妹豬N班大作戰~3rd Interview

第三間~
呢間哥哥冇報, 車程十分鐘。

面試時間係一點幾，正是妹妹豬食飽瞓教教豬時候，

雖然之前果日去咗迪士尼，哥哥同爸爸就仲瞓緊

不過呢日妹妹豬都好早起身，

食完早餐就同佢落樓下放電。

返到嚟就玩咗一陣就食飯。

特登早啲出門口等佢喺車Nap一陣，

果然一上到車就瞓咗！

十分鐘車程好快到，未到面試時間可以比佢瞓多一陣，

瞓咗40分鐘就要叫醒佢，

好在被摷醒都冇發脾氣，只係天然呆！

登記咗之後，好快就叫名入課室

1st part

係個老師表現唔好，冇錯係個老師
成個Sadness咁，冇表情，唔多高，

攪到妹妹好Sad!  
爬隧道，唔爬，望住老師
妹妹豬已經唔係狀態，仲要係呢個老師，
情況更糟！

老師行埋嚟叫妹妹豬做咩都唔做，連我叫都唔理。
我唯有又用個口interview，話佢啱啱瞓醒！

好在第二部分得佢一個可以自己坐定定聽故事！
其他小朋友全部係父母抱住坐凳仔in
呢part應該可以攞下分。

第三部分，冇開金口，不過都肯做指令啦！
有講吓妹妹豬平時嘅情況

最重要係老師讚佢條兔仔裙好靚！
in完讚下佢叻，跟住獎佢行吓Seven。

買左糖仔獎勵佢。

今次呢間個校舍好新，好靚，朋友仔仔讀緊都話OK好。

眼見有啲坐唔定，又啲剛一歲啱啱識行，

相信真係唔會in到啲咩出嚟。

雖然妹妹豬未發揮到佢最好嘅一面，不過其實都算唔差。

冇喊都有啲反應嘅妹妹豬應該都可以呱。。。

妹妹豬N班大作戰~2nd Interview

妹妹豬N班Interview

第二間

離屋企車程大約10分鐘，

考慮如果姐姐要到學校接送一程巴士/小巴都到

呢間果時哥哥都有in,亦有offer,

所以流程我都大概知道。

一去到交咗報名費就可以入課室等面試，

裡面已經有兩位小朋友等緊。

老師叫我哋玩住玩具等，我同妹妹豬坐喺其中一張枱玩。

玩咗一陣就走咗去其他枱取玩具，應該冇問題嘅。

老師開始in 其他小朋友，妹妹豬去咗玩廚房仔，

玩完又玩吓其他，有個小朋友in完去咗廚房仔玩。

妹妹豬居然指住小朋友表示不滿！

投訴人哋玩咗佢個玩具。(汗)

我拿拿臨抱住佢睇其他小朋友啲美勞作品引開佢注意…

等待嘅時間真係好漫長，終於等到我哋面試

老師攞咗籃玩具嚟玩

老師問：你叫咩名呀？

妹妹豬一貫作風，唔會答陌生人問題

媽咪：你叫咩名叫？(語氣百感交雜)

當你個小朋友平時喺屋企吱吱喳喳，

講自己個名已經快到要叫佢慢d講，

而突然喺陌生人連媽咪問都唔答嘅時候，

你應該想像到我有幾咁無奈。

雖然，有d小朋友都未識講，我哋未至於輸蝕，

但如果明明識講就可以再攞下分㗎嘛～

我同老師講，佢平時講到，

老師話對住陌生人唔講係正常嘅！ 

算（其實冇得唔算: P ）

好在跟住老師同佢玩，佢都有聽指令，

比個蘋果公仔食，同佢握手，比個蘋果媽咪，比個橙媽咪。

打開書，問妹妹豬邊隻係豬？牛？羊？

（每邊一隻動物，即就算唔識你都有二份一機會啱:-D）

跟住在封面一大堆動物問邊隻係豬，妹妹豬都指到。

老師都有問我平時會同小朋友去邊到玩。

妹妹豬又自己clean up (可能心諗快啲執嘢可以走!)

推凳，都肯冋老師拜拜，飛吻，

最後送個笑容四萬咁口都冇問題！

有室外playground老師話N班比較少出去

今次面試都算唔錯，

不過interview 最攰嘅應該係媽咪

bye~ 

妹妹豬N班大作戰~1st Interview

時間飛逝，轉眼就到妹妹豬面試日喇。

今次妹妹同哥哥報嘅學校都差不多，所以大部分我都叫有經驗。

第一間~
離屋企車程大約15分鐘。
聽聞同哥哥學校班底有啲關係
哥哥之前冇報, 今次報係想( 如果收的話)
 要啲近啲又算好嘅backup

食完飯瞓足教就起身interview

有自信嘅笑容

契媽媽送嘅戰衣，好靚呀。。仲好名貴添！

呢間學校分兩part interview同時間進行

我同妹妹豬去interview ; 爸爸就負責見校長

爸爸同我哋到咗學校門口之後就行返去等, 
爸爸行開後，妹妹突然叫爸爸。。。好驚，快啲講其他野引開佢注意力。

我地喺門口排第一，要小朋友有耐性排隊其實係考家長。
講吓東，講吓西就入去。
貼好貼紙之後就分顏色企好聽音樂，跳舞, 
妹妹豬嘅反應係零, 呢部分冇見到老師記分。

跟住就分小組進行，一張枱大概五個小朋友，
揀咗一個水果木板玩，妹妹豬自己好快砌好之後
就示意要其他小朋友果個-_-#

老師第一個就走嚟我哋果位，
老師問: 妹妹豬，今日邊個同你嚟呀？
妹妹豬: (眼望一下, 漠視老師嘅問題, 自己玩） 
媽咪: (尷尬笑吓) 妹妹豬。。老師問你野喎˜
繼續ignore
老師: 係咪媽咪帶你嚟呀??
妹妹豬: (繼續自己玩） 
媽咪: 佢好專注做完一樣野先做一樣 (敵汗中=_=")
老師: 比個人蘋果媽咪吖
妹妹豬: (繼續自己玩） 
媽咪: 比個人蘋果媽咪吖
妹妹豬: (望一望，繼續自己玩=_____= )

跟住老師問吓媽咪一啲湊小朋友嘅問題。

老師去問第二位小朋友嘅時候，
妹妹豬又玩完自己塊版，於是我去同人交換。
未玩佢又已經想要第二玩具（我好驚佢走去搶。。。好在都冇）

玩完第一張檯之後，去第二張檯。
呢到係煮飯仔玩具. 又有第二個老師嚟問，

老師問: 妹妹豬，今日邊個同你嚟呀？
妹妹豬: 媽咪~

(媽咪心裡叫, 咁咪好囉, 妹妹豬, 真係好叻呀 ~wakaka)

老師: 比個蛋糕我吖。。。
妹妹豬: 比~
老師: 好叻喎!
好似變左第二個人
媽咪順勢同老師講: 佢比較慢熱，要啲時間warm up。
老師: 都唔係吖，佢好斯文呀，都肯答問題呀! 

跟住clean up song 響起
妹妹就好乖咁自己clean up 啲玩具，
連隔離小朋友個叉都幫手放好，跟手媽咪提佢推凳
佢都有推，又係連隔離小朋友0張凳都推埋，

走嘅時候叫佢拜拜老師都有拜，仲有飛吻添!

而爸爸方面，同各家長分享一吓小朋友嘅事情，對於爸爸應該冇咩難度

完左interview特別風騷

頭半段真係in得麻麻，

後半段我已經好滿意！！

都係果句，歲幾嘅小朋友in得完冇喊已經好叻，

媽媽都比滿分你架喇!! 

妹妹豬~ N班大作戰

收到呢張學生相，

妹妹豬嘅N班大作戰

正式開始～

選校心水~ 

對啲學校都熟悉咗，已經有一個框架，

唔似小檬果時咁要做大搜查。

有新手媽咪問我點去揀？

其實我就分開三種類型，

第一類，近屋企，容易入，打定底。

第二類，要揀真係鍾意嘅，地點都要自己接受到，

真係入咗都會讀嘅。

第三類，大家口中好難入自己都算鍾意嘅學校，

真係唔讀到都去in吓見識吓，睇吓啲小朋友同家長係點。

面試練習~

手抓板認動物入型狀~ OK

認顏色~ 識識地, 比小檬果時一啲都唔識叻啲。

推車車~ OK仲加埋自己發wu一聲

坐定定~ 應該係妹妹豬最難攪嘅一項，

所以終於都報咗啲PG比佢上吓，希望有改善。

對我嚟講，所有學校嘅interview就係練習面試嘅好機會!!

因為我嘅目標學校喺最遲面試嘅一間。

心情:

因為有咗小檬嘅經驗，我地知道個情況係點，

今次冇之前小檬咁緊張, 冇咩特別準備。。。

於是影學生相就拖得就拖

唔同嘅地方係今次嘅目標好清晰。

唔緊張唔代表冇壓力

亦因為目標只係一個，我感到嘅壓力就更加大

目標當然係哥哥間學校，學校主要係睇小朋友表現，

所以有哥哥讀唔代表妹妹豬一定入到。

其實妹妹豬讀邊間都係其次，如果兩兄妹唔同學校，

到時啲活動日期／放假日期／交功課時間／

學校制度/安排請假日期

全部唔同!!!!!

我淨係諗起都已經頭痛!!!!

真係唔明，點解小朋友讀書挑戰嘅要係媽媽呢？？？

都係睇返我嘅collection放鬆吓先～

妹妹大包包面都唔咁勁喇

小檬越拉越長就越瘦

N班路上，我並不孤軍！

媽媽們，大家加油～

妹妹豬學生相

話咁快妹妹豬又話要去學校面試，

要去面試，首先係交申請表， 

要交申請表，又首先要影返張學生相！

之前小檬的學生相除一張快圖靚之外, 
全部由NT大師操刀，

不過今年大師有自己嘅業務，

要就時間, 我都唔好意思阻佢搵食

本來想揾好熱門果間，但人地booking 已經full 到11月！

只怪我地太悠閒！

終於喺Facebook 見到呢間，有期就book go go go ...

喺屋企等妹妹瞓醒先出發，養足精神！

我靚唔靚呀？

一去到坐一陣就到，小檬叫聲攝影師哥哥，攝影師叔叔就即刻開心哂！

攝影師叔叔好玩得，好friendly ,

好識同小朋友玩，呢個同小朋友影相好緊要！

妹妹一坐上去有少少緊張氹下佢都未係好識笑！

跟住出bubble，情況好好多，不過太興奮，隻手不停舉高！

唯有叫爸爸同姐姐輕輕力捉住佢，我就喺攝影師叔叔個頭後面引佢笑！

好難捕捉

都係笑得好勉強！

側哂頭

呢算係好四正 

我哋輪流引佢笑，最後我拎咗頂帽扮跌於是就引到佢笑！

呢張笑得好開心

同小朋友影學生相真係好有心機

難道分十分難！

最後揀咗邊張？

答案呢到冇嘅。。因為我地都要等