4.19.2016

妹妹豬~N班大作戰 {完結}

千言萬語,不知道從哪裡說起!

最心儀目標的一間1st in之後,
就等通知是否需要2nd in
據了解 通常有兄姊的小朋友都不需要
(其實只是自己一廂情願)
因為聽聞2nd in都in父母
而小檬哥哥已經讀緊的話,
學校對我們都已經有一定的了解

當日收到通知要2nd in的當天,我好像失戀一樣。。想喊。
不是說很擔心有沒有offer (其實當然都擔心) 
我又要面對面試壓力。
兄姊就不需要2nd in想法是我們自己想出來的

原本預備好復活澳門遊都差點因此泡湯~ 
收拾心情,又要進入interview mode,
又要洗腦interview時要乖乖。。。

2nd in當日
第1部分 : 妹妹豬表現OK,全部做到老師的指示
老師問妹妹食了什麼早餐,答通粉 =D

第2部分: 妹妹豬入課室見到兩個老師同校長時,有少少想退後
還想坐到我大髀上,我一手扶坐落凳,好在沒有喊,
好快就投入返同老師玩。
校長問我們的問題都答得不錯其實不知好不好,只是自我感覺良好 =P)

完了之後輕鬆晒。。得唔得都好,都已經唔理
其實都成日諗,因為表現好好嘅一定唔止得我們一個!)

到公佈結果的前一日,和另一媽咪又傾一論,
傾來傾去都是說好緊張。。哈哈

晨早時間未到我倆已經坐到電腦前面等結果,
是我和這媽咪(教育部部長仍然大教睡中)
突然收到另一個媽咪鼓勵打氣message
不知道是什麼原因便眼濕濕,大概是感觸。。。
未收到結果已經想喊~

不停F5~F5~F5~F5 
終於彈出結果, 
輸入資料便看到
"取錄"
妹妹豬考到N班的offer呀!!!
YEAH~

衝到房間和仍然未醒的老公報喜
(教育部部長好淡定,當然~成件事我in charge)
妹妹豬也被我嘈醒, 連忙錫她兩啖! 

終於有offer~ 
這場仗終於打完~~~

小檬考這學校的時候。。可以說是毫無準備毫無練習,
突然出來的妹妹. 要我坐緊月和小檬去面試
這間分校是所有分校最少位一間,亦口碑最好一間
叻仔小檬又要幸運才考到!!

而我為咗妹妹豬這次interview準備功夫
已經默默由一年前做起!
這一點一滴。。非三言兩語可以形容。

考N班的確不需要太緊張,不過我知道如果一步行得好,
我之後煩惱便會大減, 於是盡我最大的努力
盡了力,便無愧於心。

Offer不用多,一個最好的已經足夠!!
一年前,小檬有位女同學N班後會轉校,
知道妹妹會考N班,送了她的校服給我們,希望妹妹用得著!


終於妹妹豬可以穿起佢這校服裙,

和哥哥一起踏進學校校園!!

妹妹豬,媽咪為你做的都已經做到,
往後的就要看你

p.s. 很感激一些和我一同戰鬥的媽媽

很感激一些給予我鼓勵及支持的媽媽們,
每一次收到你們的whatsapp,很窩心也很感動,
很多謝你們對我及妹妹豬的記掛!
也慶幸認識到一些沒有寫blog,
有問我關於學校上意見的朋友,
感激你們對我的信任,
雖然我並不是專家,
也沒有做到很多的資料搜集,
不過你們每一個的問題,我也會衷心回答或跟你分享,
沿路上有我給你(或你給我)輕輕扶,媽媽們並不孤單!! 


35 則留言:

  1. 恭喜妹妹豬.依家一天都光晒,開學時見到2兄妹拖住手返學,到時你應該感動

    回覆刪除
    回覆
    1. 哈哈。thanks!!! 個個都知道我好容易簡動!

      刪除
  2. 妹妹豬叻女,檬媽更叻女!好替你地開心呀 ^^
    我唸遲啲你送兩兄妹返學又會感觸兼感動到喊

    回覆刪除
    回覆
    1. 多謝肚B媽媽!! 係呀應該都會。。而家我好容易感動。。情感爆棚!

      刪除
  3. 鄧你好開心呀
    你嘅感受完全明白呀! 同埋我屋企個男人又係唔多理, 仲要做馬後炮話:一早叫你唔洗咁緊張, hahahahaha

    回覆刪除
    回覆
    1. 多謝你呀!! 有咩大事小事都聽我呻。。
      之前嘅教育部長,今年應該要炒魷!遲吓到小學要到我hea!

      刪除
  4. 妹妹豬叻叻~ 媽媽其實仲叻叻~ 相信事前功夫真係要做好多, 先有今日既成功, 好鄧你地開心呀~ 第時兩兄妹一齊返學, 真係好開心~

    回覆刪除
    回覆
    1. 多謝美子!我突然間都覺得自己好叻叻
      之前嘅功夫,真係好似乎賭神果600鋪緊張捽戒指咁之前慢慢咁加落去。。唔係一朝一夕嘅。遲吓到細佬你就明白!

      刪除
  5. Congratulations! 我囡都係今年八月讀N,明白媽媽的緊張和擔心呢! 等學校出offer真係緊張過當年自己睇Jupus Result..... 哈哈!

    回覆刪除
    回覆
    1. 係呀。。。做媽咪真係零捨擔心~ 而家大家都安落晒~

      刪除
  6. Gen mami 你好,我因為巧虎開始睇你個blog 架,今年囡囡報pn..心情同你一樣,我過左星期六先去睇小檬學校生活blog..呢間學校真係好鐘意,希望我囡都可以讀得開心😆

    回覆刪除
    回覆
    1. 你好呀。。多謝你!都係呢間呀??恭喜你,你一定會好鍾意呢間學校!

      刪除
  7. 恭喜你呀!!!真係好替你開心~~~妹妹叻叻

    回覆刪除
    回覆
    1. 多謝小寶媽,妹妹最叻就係喺呢間先發揮佢嘅小宇宙

      刪除
  8. 恭喜晒﹗一睇到你喺FB公布結果,忍唔住YEAH埋一份,睇得出你喺背後做咗好多嘢,有今日呢個結果係應得㗎﹗
    BTW,到開學日兩兄妹手拖手返學,媽媽你記得準備定紙巾畀自己呀﹗哈哈...

    回覆刪除
    回覆
    1. thanks! 真係自己知!如果妹妹穩定啲會好啲,佢嘅表現。。。真係!得一個offer揸手,仲要冇校車!唔知佢係咪知道呢間好嘅呢,咁多間in得最好係呢間,真係畀佢嚇C
      係呀。。應該又做喊包喇。。。嗚嗚

      刪除
  9. 真的很佩服你,事實證明你既心血無白費。

    恭喜哂。

    回覆刪除
    回覆
    1. 我都恭喜你
      唔盡力,唔安落,一出力,就出全力

      刪除
  10. 我雖然無咁大壓力 (係囉點解可以大覺訓到過左鐘),但都睇到眼濕濕! 媽媽的努力無白廢! 恭喜妹妹豬!

    回覆刪除
    回覆
    1. 多謝!木木咁叻,一定入到,你唔使睇都知啦
      其實壓力來自己自己,希望可以盡吓力。唔想之後咁多野煩~

      刪除
  11. 恭喜晒,妹妹連校服都有齊,真係同學校好有緣。

    回覆刪除
    回覆
    1. thanks!
      咁啱之前小檬哥哥嘅同學轉校,於是有校服轉贈,於是就留起睇吓可唔可以入到

      刪除
  12. 恭喜哂! 放心哂嘞~! 兩兄妹可以一齊返學嘞!!!

    回覆刪除
    回覆
    1. 真係安樂晒!到時你都明白我架喇

      刪除