小檬學校水果日@K1

又到一年一度嘅學校水果日。

今年戚起條筋，想整件衫俾小檬，

就走去深水埗買布。

想整件西瓜衫, 容易吖嘛
於是目標係紅色／綠色嘅布。

呢條街啲屋仔檔, 賣散紙布, 啱晒我哋啲整手作仔買。

好快就搵啲唔太柔，比較挺身嘅斜布，著起應該好睇啲。
＄10／碼 買一碼就算造得唔好再做都夠。

 我絕對唔係啲咩手作達人，

只係想分享一吓

其實要做過程都唔係十分好難嘅，不過要花時間同心機。

材料
斜布＄20/碼 (紅色綠色各一碼) @SSP 15分鐘買完

激絨布$9/碼 (紅色綠色各一碼) @ 0 鐘 (公司supplier幫手買=D)

其雜色之前做letterland party淨的

時間
大約4-5晚飯後時間 + 1日返工食lunch時間剪貼

首先搵件小檬著緊嘅衫仔度位，用mark粉畫好要裁布嘅大細

要留好紙口，因為都諗住係就咁笠落去，所以預鬆啲。

對摺之後先剪，出嚟就會比較對稱，

細時家政堂學嘅野都用得著，不過已經好耐冇做，有啲生疏

係屋企冇衣車，用針線聯起一邊試吓效果。

試過尺寸都得, 先拎返婆婆屋企

叫婆婆幫手車好

以前我都識車吓，而家完全唔記得，

啲手工又冇婆婆咁好，所以都係勞煩婆婆喇！
兩個八卦中

車好一邊叫小檬試吓
就完成埋另一邊～

因為啲布冇咩彈性，所以條領預闊啲，唔使開鈕。。（懶）

跟住再outline啲字同啲西瓜核  

先剪好紙嘅字母，

再放上激絨布，再剪一次

要搵啲大頭針或者膠紙固定一吓
（我懶就用手咁住就算）

再懶啲可以同張紙一齊剪！

中間啲窿窿就要再修一吓喇。

完成

剪好晒啲字母同核，就試吓排位

A

B

C

D

A? B? C? D? 

呢個簡單時候請返小檬幫吓手 

黐上去就攪掂  終於整咗呢個version

 試著之後後面好dry。。

再於是又剪啲激絨布做西瓜紋！ 

再比蛇仔明媽媽睇吓。。佢提議整多頂帽！ um。。。其實我都有諗過，不過又懶得整。

又不過最後都係有郁手 =p

搵頂生日帽，照住剪再黐好

 

 剪埋白色同綠色

白色底，再加綠色邊

再整核   

其實頂帽有啲黐得麻麻，起皺 = ___=

  

於是搵個靚仔位做前面，

整多個笑容咀仔俾小檬認住做前面

full dress rehearsal

睇個笑容就知幾滿意啦

背面嘅西瓜紋

頂帽仔都好靚呀。。加個笑容都OK吖（自我安慰！）

冇時間去行街買衫，但就有時間行深水埗買布

夜晚冇時間敷mask但就有時間剪貼縫，

這些人就叫做媽媽。

唔係做得好靚，不過媽媽及婆婆愛心滿滿，

希望小檬著住呢套水果衫都感受得到

當你見到小朋友著住你親手造的衫

好開心好自豪咁周圍同人講 "件衫係媽媽同婆婆做"嘅時候

你就會發覺，花啲心機同時間，都係值得嘅!!

送比小朋友呢啲寶貴嘅童年回憶，將來想追也追不到！

再帶來埋個西瓜仔返去一齊分享 

Have fun my boy～

學校水果日@N班