家長新體驗

星期六早上，到咗小檬學校當家長義工。

十點前已經到學校報到，

我負責協助小朋友排隊玩遊戲，維持秩序。

十點鐘正式開門，已經有部分家長帶同小朋友排隊，可能諗住早啲冇咁多人。

我partner 係一普通話老師，我嘅普通話都"蟹楷意"，雖然未算流利，

但溝通都應該冇問題。

學校用哂關於海洋嘅生物佈置，相信老師們都用咗好多時間整

趁未開始搵吓我地嘅親子手工，初時以為有排搵，

點知一入大門對住就見到。

雖然應該唔係因為靚先放咁當眼處，

（因為仲有好多好多好靚好有心思嘅）唔理咩原因我都好開心架喇！

我負責嘅遊戲係保護海洋，清潔海洋，

小朋友要幫手喺海洋度拑走啲垃圾。

大部分小朋友（應該係兩至三歲最多）都好乖，玩完就走，

大部分家長都好有禮貌，臨走會叫小朋友唔該我地，不過都有啲例外。

仲有位blogger媽咪搵我打招呼～好開心見到佢

人太多講野大聲咗，喉嚨都有啲沙,

最辛苦就係要踎低執好海洋啲垃圾同啲魚，

可能加上前一晚有少少唔舒服，之後起身暈一暈！

真係唔認老唔得喇！

兩個鐘嘅當值時間好快過，之後小檬都有返嚟熱鬧吓

睇吓自己作品先

B be都有嚟視察吓環境～  

  

 之後仲同我好鍾意嘅英文老師影張相，

佢扮美人魚講故事比小朋友聽呀～

（我好鍾意呢位英文老師，佢好親切，好錫小朋友，講英文又好好聽～）

活動仲有好多講故事／做小手工／整茶點  。。。

不過我地冇玩喇，因為要返婆婆屋企

因為舅父呢日過大禮喇～