如果係屋企食飯，通常都係姐姐或者婆婆先同妹妹食飯，
攪掂佢, 我哋先開始食。
到而家妹妹豬大咗啲，
我有啲想佢可以多啲黐住我們一齊食。
咁啱有好朋友大肚，於是決定要用緊嘅high chair 退役轉送俾佢，
買咗呢張high chair
呢張凳調校唔同高度，可以由BB坐到大人
（不過BB stage好似好危險？！）
其實都有塊板可以放前面食飯
我就唔使用
想妹妹豬直接喺檯食。
妹妹都學緊用筷子
再買多塊墊可以坐得舒服啲
個設計要有條安全帶先可以綁住個墊，
所以我求其攝住佢算
不過呢張凳冇安全帶，有我呢妹都唔肯扣，
唯有不停教育唔可以自己落嚟，要落就叫大人。
腳仔果個位有條木可以晾腳。高低可以自己調校
妹妹高咗又可以自己調校另外一個高度
其實俾想像中大少少，不過都OK嘅。
終於一齊食吓野喇。。。
至於小檬方面，而家坐緊我張可以升高少少嘅電腦凳
高度啱啱好，遲吓就應該可以坐大人凳，唔另外再買喇！
呢張咁靚凳喺邊到買？就係偉大嘅TB喇~
RMB $732. (包郵)
其實初頭唔包架。。只係老闆攪錯咗，
後來佢都冇收返我，叫我幫佢寫啲好評！！哈哈
如果大家想買，可以試吓話我介紹
睇吓老闆肯唔肯再包郵啦~
我買咗先知原來有另一張先係日本正品！！
不過呢張價錢啱，貨質量OK，所以都好滿意！
整開又整，終於整咗呢個子母廁板。
@一田 $250 ( 咁上下 ? )
之前喺TB買過一個，不過啲窿位唔啱。
放棄咗，見到呢個應該得，
買返嚟再試，終於攪掂。
大人嘅廁板就有油壓慢慢落
小朋友嘅就冇喇
有個攝石攝住唔好秩落嚟
以後唔使再放小童墊喇，廁所唔用咁多雜物！
而個小童廁所呢，小檬都唔知道有冇用過一次半次，
不過好快又到訓練妹妹如廁
點都應該要keep，
如果兩個一齊poo poo 都起碼有個細嘅頂住吓先！
張櫈好似好大張咁...不過幾靚喎~
回覆刪除比起之前果張算冇咁呀位，比我想像中大，不過又唔係十分好大，都OK啦。買之前居然冇睇吓尺寸。。哈哈哈
刪除作者已經移除這則留言。
刪除作者已經移除這則留言。
刪除子母廁板好好呀，最近好似好多朋友轉左用子母廁板呢 ^^
回覆刪除係呀。。。有小朋友好多雜物，我而家不停咁將雜物扔！！！
刪除而個小童廁所呢，小檬都唔知道有冇用過一次半次 >> 咁小檬係用大人廁板去poo poo！？
回覆刪除如果兩個一齊poo poo 都起碼有個細嘅頂住吓先 >> 呢個啱啱尋日發生，南瓜仔poo poo中，南瓜妹話要vee vee，屋企得一個廁所，唯有叫南瓜妹屙係尿片先，我都要諗下辦法解決！(南瓜兄妹唔坐potty)
小檬去大人廁所加塊小童墊去poo poo。。係個廁所仔potty冇用過呀。。。
刪除南瓜妹咁快去人廁所咁叻呀？ 妹妹豬先日投訴條片片，不過自己又肯去廁所去。
我本來都有個子母板,不過爛左,用個拎走個D,不過而家個大女話big girl, 直頭唔肯用,真係吹脹!
回覆刪除咁佢坐大人板唔會跌？唔跌咪得囉，最緊佢鍾意
刪除張high chair OK喎，睇唔出係淘寶貨﹗我當日買張新嘅畀燒腩仔埋枱食飯，買完真係覺得方便好多，而且暫時解決我哋買兒童枱做功課嘅問題
回覆刪除講開想當年，燒腩仔又係唔知用咗個potty幾多次，一學識好快已經去大人廁所加小童板，但來緊有個細又真係唔可以話唔要個potty就唔要，呢樣嘢唔可以周圍放兼確係好阻地方...
potty呢樣野真係唔可以冇，有唔用又好阻地方～我都唔敢扔住
刪除我都搵緊high chair，但想要有安全帶，ET太癲，一定要綁！XDDD
回覆刪除