Zootopia@優先場

不得不承認而家嘅小朋友真係好幸福，
以往只係大時大節先有戲睇，之前先話睇完套恐龍，
而家又有套zootopia
迪迪妮啲戲真係出得密，家長啲錢想袋耐啲都唔得。

真係好幸運，有個做電影嘅師妹，
邀請我哋一家四口睇優先場！！

呢套戲有啲劇情，小檬未必睇得好明，
不過都大概知道，笑位時都識得笑，
到中間好緊湊嘅時候又會捉住我隻手，
用個背囊去遮住眼仔，睇啲唔睇啲。

而妹妹豬呢，都好乖，唔會嘈，
只係主角兔仔出場講咗個rabbit 呀。。
妹妹鍾意兔呀。
跟住另一主角出場，呢個係noisy nick。。哈哈哈

睇晒套戲冇曳過。

睇晒全場, 比起上兩次睇snoopy同恐龍都有瞓，
已經叻咗。
妹妹豬好鍾意呢隻rabbit

好似同啲動物一齊搭地鐵咁 

 妹妹豬今次由爸爸抱住睇

 呢隻樹懶好好笑架。。大人都睇得好開心

啲動物手機後面個logo會由蘋果變成有關動物嘅野，

好似主角兔仔個手機logo係個紅蘿蔔，大象手機就係自己隻象印。

尋日師妹仲send呢兩張相俾我

原來都市入面啲動物會著Elsa同Anna衫

有啲動物小朋友就拎住mickey公仔

迪迪妮係有啲計嘅，抵佢賺

最後就要多謝姐姐嘅安排！