me is go to space

小檬的功課有啲聯線部分，

老師除咗比剔之外，如果畫得好，仲會俾啲comment，

好似 wow ~ good job ! 

wow ~ great work! 之類 

由於呢頁係喺學校做，所以一定出自小檬手，

絕對唔會有我哋幫手。

不過就算喺屋企我哋亦唔會幫佢手，一定等佢一手一腳，

唔係習慣咗我哋會幫手就麻煩

檬爸每次見到佢做得好老師有comments果啲，

都好欣賞，好驚訝小檬畫得咁好

我反而覺得係咪個個都係咁架？

唔好大驚小怪，永遠覺得自己個仔就好叻先得。。。

曾經有諗過問下啲同學仔，不過最後都冇，

因為個個發展唔同，唔需要比較，老師覺得靚，俾咗讚賞就得！

啱啱喺＄12店買咗本遊戲書俾小檬，

有日佢自己畫完，就自己寫咗個good job比自己 

so cute! 

=D =D =D 

油埋顏色之後,仲問我哋rocket 點串

跟住自己寫 rocket 同 me is go to space

雖然語法錯咗，不過至少佢肯嘗試，

佢肯主動問同寫出嚟，我已經覺得佢好叻！！ 

小檬真係一個好積極，好正面！！ 

懂得自我鼓勵嘅小朋友~