小檬生日會點滴與後感

一如以往，我哋都係好遲先決定攪生日會 =p

初時諗住唔book地方，不過我哋又諗訂個靚生日蛋糕，

叫家人朋友一齊食，屋企地方有限，

都要book地方先夠位，橫掂都係，就book會所攪個簡單勁hea嘅生日會。

曾經有諗過同妹妹豬一齊慶祝，反正都係自己家人同朋友，

唔諗住請同學仔。不過兩個生日隔三個星期，

要妹妹提早又好似乎早得滯。結果都係好分開慶祝。

佈置今次見到小檬嘅最愛，巴斯光年。

於是決定使佢做主題

得我一個攪唔掂，好在舅母，契媽媽，KK叔叔幫吓手

Welcome Board

Happy Birthday Banner

好努力嘅媽咪

生日蛋糕當然配合返～ 都係搵返妹妹豬一歲生日果間

上層巴斯光年朱古力，下層woody earl grey，

好靚～ 唔係得個樣，蛋糕大家都話好好食

襯哂

仲有啲檯面佈置

飲品貼紙碟都係巴斯

KK叔叔冇咩close up  =__=

好求其嘅買咗啲汽球

都買咗啲回禮小禮物，係動物擺設

我隻隻都好鍾意

後面仲有個thank you 牌仔

食物

都係喺屋企附近嘅茶檔買啲雞亦，

牛扒，豬扒。零食。。等等

當日溫度得兩度~~~~

我就拎埋屋企個熱水壺/茶包落去，等啲朋友嚟到有熱茶飲。

另外呢個蚊型生日會，都有一拍一攝，認真厲害！

小檬拍攝video中

video大C舅父

攝影大C  uncle KK

小檬一月頭嘅時候參加咗一個同學仔嘅生日會，

呢個生日會有魔術表演/有face painting

跟住我同小檬講幫佢安排咗個好簡單嘅生日會，佢即刻問我係咪有魔術師？

問我係咪啲同學仔都會嚟?

我就話俾佢知唔係個個生日會都會有魔術表演，有魔術C，

亦唔一定會請同學仔，要睇情況。

唔安排咁多節目，除左唔想用咁多錢之外，

其實想比小檬知道，其實有朋友家人陪佢過生日，

同佢一齊唱生日歌食蛋糕已經係好開心嘅事，

唔需要咁多其他節目!

多啲人與人之間嘅互動，接觸，溝通比起各自坐喺到睇魔法更加好。

講完小檬都好似都知道。

回想起細個時候住屋邨生日都係同鄰居一人一支多多，

唱吓生日歌，食吓蛋糕，就已經好開心！

希望小檬都明白最珍貴都係人及人之間嘅感情/愛，

要好好珍惜！