B be @ 31W

話咁快就三字頭喇。。。最後階段！

@17/12 28W Dr NG
B be 有一磅幾兩磅，乜好似好輕咁嘅？

果晚之後就夢到B be出世太輕。

@02/01 30W健康院檢查
健康院姑娘話B be 已經轉咗頭仔喇，

不過又有機會轉返喎

檢查時我啲小便有小小蛋白尿，
結果第二日又要留小便拎去，

遲兩日又返去覆診。好煩，
尋日睇Dr Ng檢查時啲小便又冇事，
Dr Ng話好多是可能係啲分泌影響，
冇頭暈眼矇應該冇事嘅。

如果預產期準，就仲有10W。

遲啲又要忙吓過年，免得夜長夢多，

都要快啲執定走佬袋

@07/01 30W6D Dr. Ng

講吓B be，睇數據應該有4磅重，係大碼B喎，吓？
不過要到34W至36W先會準啲，
頭仔已經轉咗落去，
不過又係未準，有可能轉返上嚟嘅。
走佬袋, 仲未買嘅以下 
初生尿片
B be 夾衣 (點解要買？？看下文)

應該都係咁多，其他全部都有。

剛剛買:

檸薑蔗糖洗髮露

黑糖生薑沐浴露

雖然唔知有冇用，但有薑沖完暖笠笠，
小檬果時我都日日用佢地沖涼洗領頭

之前提過，已經請咗姐姐，應該二月嚟，

婆婆會搬過嚟住吓睇住吓，希望一切順利啦！

我對姐姐無咩大嘅要求，最緊要對兩個小朋友好就得，

有朋友教我話如果佢對小朋友好，其他要都隻眼開隻眼閉，

我都係咁諗。

至於點樣安排瞓教嘅地方，真係令人頭痛，

因為我地得兩間房。

應該都會等B be出咗世之後先裝修間房整碌架床比姐姐同婆婆，

小檬同B be應該暫時同我地瞓。

其實都唔知點安排最好（最好應該係換間大屋），
唯有見步行步啦！

上年一執衫，就諗要唔要第二個，結果都係收埋先，

早前換季翻箱倒矓都搵唔到啲衫，

仲要係一定可以著得返嘅打底夾衣！！！

真係激C我！

自己屋企婆婆，屋企同舅父貨艙都冇。

三個人嘅野已經多到亂哂龍，遲啲不敢想像

唉。。。唔同真係連個天都想我連啲夾衣都要買過哂？？？