廢物利用

 農曆新年嘅時候，買咗個麥嘜風車。

放喺sofa後面已經冇比小檬玩。

有日返到放工屋企見到爛咗，唔知點解齋放喺到都會爛！！！
我諗係婆婆拎比佢玩嘅, 我相信不久嘅將來陸續有嚟～

見啲公仔好靚好新淨，唔捨得dump

於是剪哂D麥dull 呀。。麥咩呀。。之類風車頁出嚟


黐喺玻璃櫃桶
搽搽搽

拍拍拍


完成

又有新裝飾～好在小檬唔會meet

畫畫

返左PG之後，發覺真係要比小檬練習多啲油顏色。

買左呢盒
 

三角型，唔會碌嚟碌去。
又可以被佢練習揸筆

買左本填色冊，有超大嘅蘋果。
仲有啲貼紙跟住油。


拎返張雅培送嘅檯出嚟加埋買比婆婆幫檬BB洗頭嘅凳仔
FIT 哂。

唔係講笑，佢一坐低就會舉手

晨操~ 啱啱瞓醒媽咪就叫我練習
我有少小懷疑小檬係左撇子的，有待觀察。

晨操~ 啱啱瞓醒媽咪就叫我練習
 

仲好似眼腫腫咁

wa..靚唔靚呀？ 
坐到就嚟跌都要照畫


暫時都係喺我監管底下先可以畫，所以啲牆都冇比佢畫花（咪講）
不過我諗好快就。。。

Mickey 乒乓玩具

星期日小檬嫲嫲生日，去咗佢屋企樓下食飯，

食完去咗隔離玩具鋪八。

之前喺吉豬島見到套"噹噹"乒乓波套裝
（小檬叫法~媽媽係會叫叮噹嘅，所以教咗佢叫叮噹，
不過可能遲啲佢可能問我點解人地叫多啦A夢）
有個網仔兩塊板，但個乒乓波凹咗，所以冇買到。

見到呢間玩具鋪有叮噹啲玩具賣，就問佢有冇。佢話斷咗貨！
之後就抄咗呢盒原裝日本Mickey嘅比我地睇。。。

嘩，勁！！


唔係淨係我影得差，佢個盒啲顏色已經退得好勁

一睇個盒就知係倉底貨，打開入面仲好靚，
啲料好好，好實淨（唔知點解以前啲用料真係好好多）
唔使講99梗係話買比個孫啦～
（我要訓練小檬鍾意chanel。。Prada先）

返嚟即開嚟玩～


開之前又係另一樣玩具

加埋四隻腳都唔會搖，OK

波都有mickey樣架


開波喇。先嚟我+ 小檬對爸爸 單 雙 打

佢開頭打得好開心

之後試吓比佢自己嚟。。

當然以執波居多

咪走呀

跟住就開始坐喺到


又睇蘇CF

點解媽媽冇事業線嘅？


跟住佢就走去睇書添


就咁變咗我地單打！


睇住書嚟幫我地做評判
結果，係我地玩到唔捨得去沖涼

原來佢真係咁有文化人氣息嘅

大家估吓呢套玩具幾多錢？

。
。
。
。
。
。
。＄159
日本原裝嘅Mickey嚟講真係超值
可能呢到係舊屋村啦~

去玩。去顛。Ocean park

@2/6/2013

3月嘅時候，喺海港城有個展覽買海洋公園飛有折，$280/pc
6月底前去，當時諗都好
4/5月天氣冇咁熱，可以去吖！

點知，自4月頭請假落雨開始，每個星期六日都係落雨，
直至上星期六先陽光普照,所以唯有熱爆都要去！大家應該仲記得呀檬唔鍾意戴帽，但太曬喇，
所以我一定要佢戴, 喺屋企準備時一戴上之後,  我就讚佢好靚仔，好有型
仲同佢去照鏡，佢就肯戴，
頂帽趺咗仲要我哋幫佢戴返添！
揸車都好快就到，一去到大門，梗係影返張相留念啦，
係小檬第一次嚟海洋公園喎！我地一拎相機出嚟就有位海洋公園哥哥走出嚟幫我地影。。。。

之後仲變魔術咁變一咗架相機幫我地影，
影完就即刻哂埋出嚟比我地買。。。佢影得都OK，又見小檬第一次嚟
就買咗。。。

呢啲錢唔知道點解會乖乖奉獻。另一張整咗啲特別效果，有隻鸚鵡嘅

$168 2pcs 

我拎錢果時好爽，冇猶疑嘅, 而家覺得好貴


不過有埋框...其實都OK吖(自我安慰)

行入一啲，就有另一景點，又影



咁靚嘅景，梗有影相哥哥出嚟賺錢啦!今次買呢張因為小檬笑得咁開心，真係值得，
其實係哥哥引佢笑得好辛苦架

 
第二站就係睇熊貓喇！小檬不停咁貓貓。。貓貓。。貓貓，真係未停過！


我們唔係好早到，所以睇完熊貓已經要食野。。見到海龍皇餐廳，點知好多人，原來係可以對住個水族館食，唔怪之咁爆啦！
終於去咗大熊貓餐廳，雖然啲價錢好貴(＄98一個湯飯)

但唔代表有heart，飯一舊舊硬到呢。。
老公就叫咗呢個得意熊貓奶黃包比小檬，不過媽媽食哂啲奶黃。。肥肥

飲飽食醉，小檬有啲眼瞓，喺餐廳等佢瞓，
見到熊貓又唔肯瞓，唯有照行啦
到左老大街嘅環迴水世界其實即係旋轉木馬，排隊大約都有20分鐘至30分鐘手抱嬰兒要坐南瓜車，其實小檬都可以坐喺前面我扶住佢，不過都係等佢大啲先，一家人坐一架車。。。

佢已經又熱又眼瞓～ 




玩完又要唞吓，老大街好多懷舊食物，我地喺間涼茶舖有風扇，坐吓涼吓。。小檬見到水樽又兩眼發光～


然後就去搭吊車。我唔係畏高嘅。。。不過我有啲怕搭吊車。唔知道點解，
不過每次都叫自己唔好驚。今次攬住小檬又要顧住佢都好啲嘅，
不過當架吊車喺中間唔郁時我又有啲驚喇。。。
小檬冇驚，仲周圍望，佢都好乖乖咁坐喺到。

過咗山之後，我地就去睇水母，都未去到小檬已經教咗豬喇。
我地冇帶車仔，所以我地就去咗呢間景色一流嘅灣景餐廳比小檬涼住冷氣瞓一陣。

註：啤酒唔係我地嘅，係未有人執檯。

都有瞓左大半個鐘喇。。我地走繼續行程

下一站係冰極天地。
先嚟同企鵝合照，小檬居然驚，唔鍾意。。。另一隻都喺喎。。。

攬到我實一實...

(有一次我喺吉之島拎隻大咀鳥同佢玩佢都唔鍾意, 原來佢真係驚啲大咀巴嘅雀。)

企鵝好快跳入水再游，小檬睇得好入神

坐海洋列車回來之後就周圍影吓相，見到好多用草剪成的動物，每個都影返張相。


下一站係海洋奇觀。

魚魚。。魚魚。。魚魚。。魚魚

其他

玩到呢到差唔多7點3，我地已經筋疲力盡，本來已經想走，
但又話有個水表演7點半有得睇，橫掂都係喇，等埋佢啦。
用水柱做水幕，有兩條激光出兩條龍。。。

而果啲煙火表現，嚇親小檬（點解而家先咁細膽？）佢攬到實都唔敢睇，我地就走人喇～

遲啲都應該會買year pass， 因為湊住B真係冇可能一日可以玩得哂或者行得哂，
今次只係揀咗啲嚟玩
十月或者再嚟啦，因為生日，可以免費嘛～