回到聖誕時～平安夜 + 聖誕老人禮物

平安夜

約左表舅父母去隆濤院飲茶

是日湊仔人手充足，我都可以盡情咁食！

食完出嚟走吓玩吓

  

換咗機，真係會不停影！wahaha

拍吓拖先！

一齊玩吓行吓商場就返屋企，

夜晚冇出去喇～

喺屋企靜靜渡過平安夜！

(順便執吓屋第二有同學仔嚟開party)

小朋友好合作，乖乖瞓教。。。因為柑聖誕老人先會嚟派禮物！

記得小檬同聖誕老人寫嘅信嘛？

預先買好一心以為小檬實會同聖誕老人講要啲咩啲

marvels superheroes 做禮物，

點知好遲先寫信嘅佢

突然純真要個聖誕老人🏻同鹿公仔！

臨時臨急周圍搵，諗住聖誕節喺條街到搵個聖誕老人公仔唔難吖～

有時就真係唔知道點解咁難搵（又唔想咁貴咁大隻）

終於比我係百貨公司搵到！但太趕買唔到鹿。。。

返到屋企，原來自己棵聖誕樹有隻鹿公仔裝飾！

好在佢唔認得隻鹿仔其實係掛喺聖誕樹果隻！

第二朝，小檬早過我平日返工起身嘅時間，

摷醒我話：媽咪，聖誕老人真係送咗隻聖誕老人公仔同鹿仔俾我呀！

我扮唔知睜大隻眼話：真係㗎？！（好戲！）

呀仔帶我出廳，指住個被風吹到開好大個嘅窗話：

你睇，聖誕老人因為太肥，

開大個窗喺到爬入嚟！（冇錯，推斷得好好！）

睇到呢三個開心到震嘅表情，點辛苦都係值得嘅！ 

至於妹妹，佢只係要求MELL CHAN 玩具

我哋再買咗盒印仔放入襪到。

妹妹比較冷靜，因為其實佢未瞓醒，

只係比哥哥興奮聲音嘈醒！！哈哈

回到聖誕時~Oh X'mas Tree

每年年尾節目一籮籮。。。記得舊年差不多到聖誕先走去買聖誕樹，

今年終於的起個心干，早啲去買！

好積極呀!!! 鼓掌

 今年價錢比較貴，可能比較早買，

到都係去返上年果間買。我仲講返上年個笑話比店員聽

笑C佢於是又平少少。

（笑話 : 我同小檬講，呢棵聖誕係真嘅，

小檬就問，係咪即係有腳識行？）

返到屋企,

佈置下先

將食飯檯移去客廳

(食飯檯好好，可以升高降低做茶几)

燈登凳~ 

今年都比上年瘦啲，冇辦法，屋企地方有限！上年太肥好阻位

過多兩日就叫小朋友們掛好隻聖誕襪, 

同聖誕老人講要咩禮物~ 

當然有提醒話聖誕老人只會送禮物比乖嘅小朋友架～～

有日返到屋企仲見小檬自己靜靜雞寫左封信比聖誕老人添。。。

封信仲畫左兩隻好可愛嘅聖誕老人同聖誕鹿

大家又睇唔睇得明呢？

回到聖誕假期前～結婚6週年紀念

@18 。12
來到結婚6週年，匆匆忙忙換好晒衫，

就到老公安排好嘅地方慶祝！
未到到達嘅一刻都未知去邊。。
到喇~到喇~ 科學園

之前聽得多有間餐廳可以又玩又食，今次終於嚟到

安排一張四人枱比我哋

呢到好多圖書可以比小朋友睇 

好多玩具可以比小朋友玩 

妹妹豬個位真係好啱影靚相！！

 
    

 

   

不停咁影相！！睇厭未？冇辦法
爸爸送咗新機比媽媽，個人像mode真係好用到不得了

真係襟個制就影到咁嘅水準




對於湊兩個，已經冇咗熱誠拎相機嘅我，真係天大喜訊！

不過都又小小限制，唔可以太遠，又唔可以太近，自己用手或者腳調校遠近，

有時小朋友郁得太勁都影唔到！
不過點都好，普通鏡頭同呢個雙鏡頭都好靚，連夜晚喺屋企自拍都靚咗
我家黃燈，好多時都唔靚
(不停sell.....)

影返張一家四口先~


影完一大餐。。。食野喇
比我預期好食喎。。
通常有得玩有得食嘅都唔多好食，不過呢到價錢唔算平@@

食完之後就出去玩， 

 呢度好多唔同嘅兒童設施比小朋友玩。

兩三個擒木架／sir滑梯／打韆鞦／兩個吹氣彈床

 

   小朋友玩，媽媽當然不忘影相！

妹妹呢個眼神！！

食埋小朋友至愛香蕉船就走喇 

 第一次嚟呢到，環境好靚呀～ 周圍影到好靚

  

  

啲相係咪好靚呢？？雙鏡頭真係做到野
下次可以帶忙單車嚟踩
行吓玩吓就一個下午

返屋企休息一陣，就到下場（是日好full可能提早做冬）

食個early dinner

週年紀念又嚟返我哋擺酒嘅地方

今年妹妹再大啲，又好似輕鬆啲。  
扮吓命運爸爸媽媽先

今日同兩位小朋友講係爸爸媽媽結婚週年紀念，
小檬到識講週年紀念快樂，好簡單，你講佢知道咩日子，
就喺個日子後面加快樂兩個字。。。
佢都知道大約咩係結婚，就係要簽名。。
影啲相，著婚紗！

妹妹豬呢，就未識，總之後見到啲好靚好長嘅紗裙，

就係結婚。仲同我哋講生日快樂！！
哈哈哈哈好可愛～

一家人簡簡單單就開開心心！

多謝你永遠放我們一家在第一位！

感謝你！

Happy 2017 ~

先來一個2016小事回顧

小檬

四歲生日。K2仔。第一次賣旗。操行獎

妹妹豬

兩歲生日。PN女。成功和哥哥一起返幼稚園

婆婆

七十一歲大壽

一家四口周圍遊

澳門。迪士妮。繩網。Halloween。

寒冬。X'Mas。CNY。睇紅葉。消防局。

長洲。大樹先生。。。。不能盡錄！

一家總算開開心心，健健康康，溫馨和睦渡過！感恩！！

2017將會有更多挑戰，我們一家會繼續努力！

在此多謝照顧過、關心過我們及陪我們渡過2016的每一位朋友！