1st 政府產檢醫院@16W3D

今日到了PMH檢查，是到健康院之後第一次到政府醫院檢查，

已經知道在政府做產檢不應有多大的期望。

約了9:45，準時到達已經有很人排隊，登記完之後便驗尿，

磅重，量血壓，做齊之後便等護士叫名。

10:20等到見護士，循例問了基本問題(應該有3句)，

便又出去等….. 

終於等到大約11時多，便見到醫生。入到坐好，

由於醫生仍未打好上一份的報告，

於是我便靜靜地坐著等他。他和護士商談剛才的孕婦的情況，

講了幾個專業的名詞，之後便怒氣沖沖的拍mouse，

按enter 時候也感到枱面的震動, 他更和護士小姐說，自己慘過做呀4! 

接下來的我，唯有更好笑容更有禮貌，

醫生第一句問我叫咩名，之後問我oscar test 是否在私家做，

我便拿報告給他參考，之後便叫我到床，檢查的是一位護士

（應該是護士的助手）幫我上床後，幫我量度，之後便聽bb心跳，

聽到bb心跳好像風聲~fa fa 聲！ 

跟住醫生便入來按了我肚3吓，係3吓，之後，

便完成檢查! 有朋友說我佗得低，便問問醫生意見， 

結果醫生問返我點叫佗得低????? 咩叫佗得低?????? (語氣帶諷刺) 

醫生先生，我是一個普通的婦人，唔通我真係知道答案，

又分析過唔合邏輯之後仲問你咩。懷孕希望開開心心做檢查，唔係嚟受你氣架!!! 

已經用左成個早上時間等，唔係要VIP服務，只係唔希望受你的氣!

當然我都相信有好多態度好的醫生，默默耕耘,  

我爸爸病的時間我都見唔少!

希望下次唔係見返佢 

Free Counter