3.06.2012

坐月

有左BB之後都有諗過請陪月,雖然有我媽咪幫手,但係都唔想佢咁辛苦,
但係當時未穩定,又未咁請住,到差不多嘅時候,好多都已經full!
 尤其我預產期係新年時候,好多都唔接。。。
有都係啲未有經驗嘅。。。所以最後決定唔請!

公司同事嘅媽媽係陪月,但佢已經接左order,雖然係咁,佢好好人,
上左嚟過啲料比我媽咪!
教佢煲啲咩煮啲咩,又教點沖涼換片,上左一個short course!

如是坐月就由我媽幫手~
(99初時幫吓手買餸,但後來耳水不平衡,冇嚟lu。。
我媽咪一個攪掂)

坐月嘅時得好快又好單一
早上起來(由於餵奶,其實已經冇分日夜), 先食早飯,通常都係排骨飯呀。
雞飯呀。肉餅飯呀。薑炒飯呀。田雞飯呀
之後嘅時間又應該係鍡奶, 餵完就休息一下,
好快又食中午飯,蒸肉餅呀。蒸雞呀。蒸牛肉呀。蒸豬肉呀。菜心。都係啲清淡啲,
飲吓魚湯 (我之前要輸血,血色素低,所以醫生叫我唔好進補住...)

雖然未進補,但係我體重好似冇減過。。。停滯左。
我生之前98lbs, 最後生之前好似係128lbs,上星期係為114lbs,
即係成個懷孕時間重左30lbs, 而家只係輕左14lbs
點解仲有咁多未減到嘅?

食完飯休息一下就沖涼,我媽咪喺我大肚時已經重覆幾千次話唔可以濕水/沖涼洗頭,
不過我又解釋幾千次以前冇熱水用井水,就梗係驚凍親,而家唔同架喇!!
 健康院姑娘都話可以!
雖然係咁講,我初頭都諗住自己會起碼生完一星期先沖涼洗頭,
但喺醫院返黎第一日,
媽咪已經煲薑水我沖涼,我梗係拿拿林去沖啦!
(我的方法: 將薑水倒入水桶,再用凳long高佢,咁可以唔使彎身,再用水殼畢水淋身)
我仲喺彩豐行買左薑味洗頭水同沖涼液添~
洗完頭即刻吹乾唔好凍親!

沖完就到Baby G 沖
之後又係瞓~

坐月最好飲代茶,媽咪整左炒米茶


坐月其間都有出街,去覆診。。健康院。。去針灸。。
出街要帶頸巾/帽保暖
保暖好緊要,記得著襪,中醫話對腳暖全身都d暖!

在我嚟講,坐月最辛苦唔係要食重複嘅食物,而係身體未復元仲要照顧Baby G
雖然我老公同我媽咪已經幫我唔少,但係要餵人奶時,已經唔可以假手於人,要親力親為!

我生完之後頭一星期傷口雖然唔痛,但係都有啲唔舒適,坐嘅時候都要就住就住
。。。。好痛!!

過多兩星期,再加埋條尾龍骨痛,坐都坐唔到,要則則身坐先得,但坐得耐又突然一吓好痛傳上嚟
。。。。好痛!!

一對手腕又痛, 抱Baby G 餵奶/換片時真係抱一吓痛一吓,但係又唔捨得唔抱,抱住佢已經好開心!
連刷牙,洗頭,呢啲咁簡單嘅動作都痛
(冇諗過生仔對手都痛, 西醫話賀爾蒙影響,叫"媽媽手",中醫話啲係寒氣,教我用艾草煲水浸手,而家都叫好返啲)
相信做左媽媽先只可以忍耐呢啲痛
。。。。好痛!!

我成日問我老公幾時痛完,佢話好快,我話呢句說話我由大肚聽到生完。。。

之前諗坐月好悶,但其實時間好過,
而我,
就喺個痛字裡面渡過,
不過見到Baby G, ,就咩都可以忍受!




11 則留言:

  1. matta*mama6.3.12

    你坐月好似都幾辛苦,而家 D 痛好D 未呀?
    我岩岩生完個排都有朝早起身會手指痛,不過近 D 個星期已經冇野,我相信都係 pregnancy related 既,生完就會慢慢好番架喇~ 另外可能試下D護腕,或者抱佢既時候搵野 support 對手會好D,之前同阿女埋身到差 D 要打交既時候,餵10分鐘,我個手腕就已經硬哂同痛,因為我死力 "ut" 佢埋我個胸度,你會唔會都有 D 個問題呀?幾時要 relax 下同用 nursing pillow 幫手呀~

    回覆刪除
  2. 艾利絲6.3.12

    咁快可以沖涼呀? 而且估唔到生完都咁多地方痛?!
    加油呀, 我都相信好快會唔痛GA LA....

    回覆刪除
  3. 貓豬女7.3.12

    做媽媽真係好偉大!
    [Gen Mami回覆03/12/2012 15:25:46]係呀...

    回覆刪除
  4. Bu媽7.3.12

    gen, 我想問你生之前, 有沒有手痺 ? 因為我不但關節痛, 而幾日訓覺都勁手痺 !
    [Gen Mami回覆03/07/2012 18:19:50]手痺就冇喎。。只係關節痛,其實可能血液運行得唔好,你手指屈唔屈到?

    回覆刪除
  5. 清心9.3.12

    做媽媽真係好偉大,要承受身體既痛楚,我好好好怕痛.....唔敢想像到我生個時會點~
    妳沖涼個方法幾好.....第時可以學下..
    如果幾日唔沖涼..好辛苦架~
    [Gen Mami回覆03/12/2012 15:37:46]其實我覺得又唔係話10級痛, 好唔舒服甘啦
    冇得沖涼真係唔得

    回覆刪除
  6. 小藍9.3.12

    我炒左一盒仔放走佬袋, 頭先唸住買包米返黎炒多d擺屋企, 不過太重買唔成…>< 有冇加紅棗, 黑豆, 陳皮之類?
    [Gen Mami回覆03/12/2012 15:39:54]我加左龍眼肉,溫和d^^

    回覆刪除
  7. rosebud10.3.12

    完來坐月的日子係咁架...我都係唔太清楚, 我而家35w+ 了, 好快到我la, 我明白你見到baby g 咁可愛咁多表情, 坐月幾痛幾辛苦都值得架.
    [Gen Mami回覆03/12/2012 15:47:14]坐月係冇分日夜...湊b only!

    回覆刪除
  8. 莎拉蛋糕Sarah Cake10.3.12

    我都無請陪月呀, 一來今年既陪月價錢實在太貴呢, 二來有自己媽媽加埋有菲傭幫手, 應該搞得掂掛, 希望到時一切順利啦...
    [Gen Mami回覆03/12/2012 15:50:56]放心...你有姐姐應該會好d!! 可以做多d家務

    回覆刪除
  9. ❤細WEN10.3.12

    炒米茶是什麼??有咩好??

    回覆刪除
  10. 小beebee13.3.12

    你係唔係day day 沖涼意&洗頭呢??

    回覆刪除
  11. Mr. and Mrs. Chui14.3.12

    加油

    回覆刪除