笑。媽媽的ink門

@19。08。2012. 婆婆家

小檬檬。。。。你在笑媽媽的 "Ink 門" 嗎 ??

尋。小檬

在office的媽媽問爸爸為何要send這相片給我？？？
相信並不是要介紹小檬的床，而是要尋找小檬。
。
。
。

找到了吧！

他就是喜歡揭起床圍，申頭入去，亦愛玩那個嘜頭
（我應該找Uncle Kent送些給你）



試過把床圍攝實在床褥入面，他一樣抽到出來，
不放床圍呢，他會lam那個床欄，或者，訖pat時額頭撞到床欄。。。。。
(他到現在都仍然訖Pat，沒有停過)



小檬檬。。。你可以乖點嗎？

爸爸湊檬

 爸爸媽媽返工, 是就婆婆湊小檬

昨天婆婆要準備燒街衣的事，
所以爸爸自我放假一天，負責湊檬。

之前初生時都有試過爸爸單獨湊檬，其實難度分不高，
如果小檬乖乖的話，只是餵奶及換片。

但，現在小檬開始吃半固體食物，
爸爸便要學習煮食，不過那麼簡單，難不到他，

而餵檬呢…就有點難度, 因為小檬坐不定，
有一次我叫他試試, 第一下已餵到小檬的鼻。。。

在office 的媽媽就一直掛念著他們兩仔爺

上午的一餐，順利過關（ 味道呢。。。檬檬，爸爸弄的好吃嗎？）

誰不知，到下午收到爸爸的一張相片
。
。
。

小檬竟然睡著了

哈~~
莫非爸爸落了藥，想你乖乖的吃？

小檬7個月喇!!

@26。08。 2012

檬檬 7個月喇！

Happy 7 Months~

回顧時間:

樣貌

呢排好多人同我講佢越大越似爸爸！
但另一方面，又好多人話佢好靚女喎。。。
同佢出街都有人咁講

喺TST強國人小朋友都行埋嚟話
  {姐哥笑呂蟹肯笑哦}仲有呢句 
{姐哥笑may may肯笑哦}
仲搵隻手指篤佢添～好彩我眼明手快，即刻推開架車

之前後面有一撻冇左頭髮，而家生返dd！
證明唔係皮膚有問題，係瞓教磨到
雙眼皮依然o尼埋，只係眼瞓或瞓醒先見到。

大個仔咗，d皮膚好似都好咗，手摺都冇咁易紅。

社交技巧

認人，有日舅婆抱住佢影相，但爸爸媽媽婆婆喺唒前面，
再加上未瞓醒 即爆喊！
我一抱返就收聲，果一刻好開心，
因覺得佢知我係媽媽，好有存在感！
而家黐人左，有時淨返佢喺床仔一個, 見到你行過唔抱佢，即刻扭下叫兩聲你聽

出街唔肯瞓，幾眼瞓都頂住，後備電都用埋之後，
手手腳腳唔郁save energy 去撐住對眼！

肌能活動

已經識反身，爬，坐。不過坐坐下累會自己瞓低，
訖pat會訖到勁高，差d中去前面，所以一定唔可以比佢出地墊。
企都可以企都好耐，不過要扶住下。
食

試左食米餬，粥仔，
菜心，節瓜，紅蘿蔔，南瓜，冬瓜，
蕃薯，三文魚，豬肉，桃，蘋果，奇異果。

米餬or 粥仔一日兩餐，奶與奶之間食。
有日啲粥粥冇落肉肉，婆婆話佢食左三四啖就唔食！

喂小朋友..唔做得咁揀飲擇食架。。。有粥食粥，有飯食飯哦

奶量都係差不多

便便

好正常, 日日都有。而家poo poo好臭, 有時已經一條條

重量高度

肥仔左，但喺健康院話佢under生長線，

但你睇佢個肥豬樣係唔會明白點解嘅, 可能我細粒啦，佢都係細粒B，
我成日同佢講你再唔食多啲（佢有時一食夠眼瞓就收工）
返學就坐第一個位架喇!! 所以3個月後再返去見醫生，睇吓點，
小檬你要加油喇！唔好淨係長肉，要長高呀~~

健康

JJ冇紅喇！其他感謝都ok!

小檬繼續加油呀, 媽媽錫錫~

爬行大賽

而家小檬爬得勁快。。。。

有冇人知道邊度有爬行大賽參加呀？
係咪淨係BB展先有架?

同其他BB玩吓都好吖~唔知佢去到咁多人, 會唔會驚驚呢？

頑皮小檬

媽咪

你唔好以為有張地墊我就淨係會喺入面爬，

我而家係周圍捐嘅小B，
放喺到嘅玩具都唔好玩嘅，我最鍾就係去玩凳腳，
玩電線玩遙控器, 玩垃圾筒


仲有呀，媽咪對kitty拖鞋好靚呀，又有臭腳味，正！！
我諗都唔諗就放哂入口，媽咪梗會覺得我愛佢架，
今次仲唔讚我乖仔！

我仲放哂所有喺我手上嘅野入口，人一世，物一世，
咩都試吓嘛

唔怕話埋你哋知，我已經喺bumbo chair度偷走左三次，
仲比媽媽即刻影低比爸爸  (圖一左上)佢地就大驚嚇小怪，唔知點解我爬到出嚟,
婆婆就見到我偷走呢，我側側地身，
一chok咪出到嚟囉，
雖然會撞到個頭仔落地墊到，但唔怕啦，
細路仔要跌跌吓先大架嘛～
而家新聞都有講有啲BB都好似我咁啦！

有次媽媽返婆婆屋企，我就爬去門口等媽咪，佢一開門就見到我大家唔使驚
仲有兩三吋位先bang落我個頭，係我媽咪驚青啫！

不過我會乖啲架喇，我都唔想我媽咪擔心我 !!

清點存貨

8月份行街街，已經有啲鋪頭開始賣Fall Winter衫!

小檬有兩件背心仔夾衣都未出動就已經話要轉季，
真係要拿拿林同佢著先得喇!

再摷吓啲衫，已經知道唔係好使買冬天衫

淨係做”辦仔”都夠

(yeah， 有啲係湯美仔嚟架)

有啲係番薯EE喺我未結婚已經留定比佢嘅!

不過有啲好似大件左啲

上星期爸爸又去左個short trip，反而喺Next 買到啲好野，
間條有帽T shirt 半價rmb 85
恤衫仔好靚呀!

仲有Uncle RB啲夾衣，淨係買返啲褸仔同長袖T shirt,就得!! 

不過睇吓我忍唔忍到手啦!

第一張證件相

除左出世紙之外，都未幫佢申請啲咩證件，
帶住B，真係冇諗過去邊到玩住，好佩服啲帶B出去玩嘅爸爸媽媽

不過都有諗吓遲啲近近地去下澳門試下先，
所以都要幫佢申請回港證。

要申請證件，梗係要有證件相，
原本諗住去TC哥哥嘅studio度影，再自己哂，不過佢有去左美國，
唉，我都有睇過啲媽媽自己整相執照去曬，不過自己整又要咁又要咁，
唔好煩喇，用錢買返啲時間啦！
 （衰在又唔係大把錢喎！）

去到快&美，冇人，可以影，佢而家啱啱識坐，但又未係好穩，
我要喺則邊扶住佢，爸爸去引佢，但是佢左擰右擰，
又有啲路人甲乙，係咁話好得意，佢又望住哂人！
 影左十幾張都未有一張得，唯有比人影先，佢都已經開始眼瞓

戇居居咁。。。

第二round，
又有一眾姨媽姑姐喺到睇住佢，掛住望佢地，
偏偏唔望鏡頭， 終於影左十令張，

有呢張叫做好啲嘅。。。

就成為小檬嘅第一張證件相喇!(藍邊我加的)

( 價錢＄60/8 張，另加＄10有CD留底)

上鏡真係肥仔啲! 


肥豬王!!
(有冇人記得肥豬王係邊套戲嘅呢？)

與檬檬的兩天假

有左小朋友之後啲時間真係由佢控制嘅。。。Sat

今週係short week，有朋友嚟我到同我食飯，小檬有啲眼瞓，
喺樓下大快樂食完拿拿林上屋企，
喺商場lift時，見到有個4/5歲嘅小朋友想入嚟，
我叫住佢唔好入住, 要等埋媽咪先，
我禁住部lift，都等左一吓，等埋佢嘅家長先，
跟住佢地三個人小朋友加埋爸爸媽媽姐姐絲絲然咁行入嚟，
冇一個有反應講句唔該，
我同我個friend都互o卑左一眼。

我想講我幫人唔係要聽返一句唔該,
你幾衰我覺得你有需要嘅,我都會幫你,
但你哋係咪應該有啲禮貌身教吓你啲小朋友呀？

之後返到屋企明明眼瞓都唔肯瞓，朋友走左好耐都唔肯瞓，
終於到四點幾先瞓。。。本來想出去行吓又唔忍心吵醒佢，又一day。

扭計.....

Sun

又係食呀，玩呀，瞓呀,扭呀，(唔知係咪出牙，呢兩日好扭)
到左四點幾，都要出去影證件相，

之後仲去左TST，由於係人地嘅晚飯時間，所以都唔係咁多人行街，車位一去到就有添！！
原來好多人去影叮噹（我唔識叫佢做多啦A夢）
我地經過呢間用叮噹做主題嘅餐廳，有隻冇人影，我地先影。。。哈哈！

呢個場我嘅。。。。

大肚時都有用礦物粉，覺得好好用，
（唔係beyond organic 果啲(麻麻)，用左snidel入面嘅日本牌子礦物粉！）
所以想再用返礦物粉，今次試bare Minerals
$615/set
(foundation/ loose powder/ blush x 2,prime time/ brush)

買埋concealer & blush /  洗掃劑／洗面泡泡／水份overnight gel

又出血~

成日都好想買個比爸爸睇小檬嘅倒後鏡，但唔想太貴，
終於係jusco買到，不過個吸盤有啲流，吸唔實，

唯有土炮用膠紙黐一黐，算啦, 十二蚊咋!!

兩日假期又結束！

小檬成長的另一步

大家覺得呢兩張相同之前果啲有咩唔同呢???


.



答案就係就係~~ 檬檬識坐喇！ 

坐得冇十分穩，都應該有8/9分架喇！



都見過佢可能累, 自己lui 低。。。好彩係塊墊到。
不過試過唔小心撞左埋去櫃桶門到。。。
嚇C媽媽

識反身，識爬，識坐，下一步係。。。企

其實而家已經企到一陣半陣， 當然唔係好耐，
婆婆睇佢嘅進度，應該十個月識行喇。。。

到時應該會係媽媽最好嘅生日禮物，
如果識叫埋媽媽就仲好！

 

Gatsby 檬

舅父生日，除左BBQ之外，果日我地去食左餐飯，

為隆重其事，我地著返件恤衫

(實情係我見件衫好快唔啱著，就快啲比佢著得一次得一次~)

著得咁靚，影吓相先
。
。
。
。
。Gatsby 檬

呢張相，真係冇得頂！
自我讚賞

唔知點解我會影埋啲風位，好似漫畫啲風咁！！
定係我手震問題？

臨出門口先影，已經熄左冷氣, 唯有用BBQ把扇潑吓，

佢係咁索…係咁索，好好笑咪影吓佢

(佢細細個我用口吹佢，佢都即刻索我啲風，萬試萬靈，爸爸仲喺咁吹佢添~)

 

其實同BB影相真係好考耐性，實情我都影左好多張
先有一兩張四正啲嘅:

附上其他郁來郁去的