第一張證件相

除左出世紙之外，都未幫佢申請啲咩證件，
帶住B，真係冇諗過去邊到玩住，好佩服啲帶B出去玩嘅爸爸媽媽

不過都有諗吓遲啲近近地去下澳門試下先，
所以都要幫佢申請回港證。

要申請證件，梗係要有證件相，
原本諗住去TC哥哥嘅studio度影，再自己哂，不過佢有去左美國，
唉，我都有睇過啲媽媽自己整相執照去曬，不過自己整又要咁又要咁，
唔好煩喇，用錢買返啲時間啦！
 （衰在又唔係大把錢喎！）

去到快&美，冇人，可以影，佢而家啱啱識坐，但又未係好穩，
我要喺則邊扶住佢，爸爸去引佢，但是佢左擰右擰，
又有啲路人甲乙，係咁話好得意，佢又望住哂人！
 影左十幾張都未有一張得，唯有比人影先，佢都已經開始眼瞓

戇居居咁。。。

第二round，
又有一眾姨媽姑姐喺到睇住佢，掛住望佢地，
偏偏唔望鏡頭， 終於影左十令張，

有呢張叫做好啲嘅。。。

就成為小檬嘅第一張證件相喇!(藍邊我加的)

( 價錢＄60/8 張，另加＄10有CD留底)

上鏡真係肥仔啲! 


肥豬王!!
(有冇人記得肥豬王係邊套戲嘅呢？)