又買!!!!

又買!!!!

小檬飲水用過

1. combi學習杯
唔係飲得好好。一兩吓貨仔

2.麵包超人喝管杯 (99買)
玩吓玩吓
未係好識啜，成日申前個頭比條飲管吉到自己

3.Diro 水樽仔
朋友送，名牌唔用又好徙 OK啜到!!不過開始大個仔啲，要用杯杯
(媽媽你唔好咁市井啦)


4.Richell喝管學習杯, 媽媽朋友們推介呢個


睇吓會唔會好啲先,
反而啜到幾啖!!

行過見到呢對好得意嘅鬆弛熊拖鞋



其實好大對未啱著，
之前我未見過，而家少行街，見好得意忍唔住

都話女人錢易賺！

頑皮小檬

小檬係一個坐唔定嘅B，而家識得扶住企之後，更加勁！
佢見到心愛嘅遙控喺sofa
但又拎唔到，即刻踩住rody

一踩。。。一撐。。。一爬。。。
已經成功上左sofa!!



今次已經係第二次，
第一次媽媽都比佢嚇親，即刻扶實佢，
見佢身手敏捷應該唔會跌，
先係則邊榜住下，拎相機影底佢！

由於我們屋企冇再買網床，
所以基本上返到屋企我地就變成body guard
貼身保護佢!!

小檬學行

其實佢已經成日扶住床仔，sofa，自己行嚟行去，K哥哥買之前買左呢㗎車仔而家就啱哂佢！
而家喺屋企成日推嚟推去，媽媽就要做佢body guard，痴住佢嚟行，

嘩，條腰都直埋！！
今日放開就行到一兩步，係平衡差少少。。。

婆婆話原來舅父係個月就識行，睇吓小檬會唔會打破記錄先？

爬行大賽 + 朗豪酒店buffet

@26/10/2012.
自從結婚在Langham擺酒時候join了 supper club 之後，

每年我的生日都會寄一張Birthday treat Buffet Voucher 給我，
可以半價享受buffet，tea/dinner buffet都可以。
上年懷著小檬只吃了tea buffet。
今年，趁小檬9個月大那天，
媽媽放了半天假去了吃dinner buffet。
我們不太好buffet， 但一位免費便等於半價，便不要浪費。(什麼理論？)

小檬又有得坐BB椅喇，今朗豪呢張好穩陣，唔使驚佢跌。

食物質素都OK啦，不過品種不是太多，
我反而食得最多是甜品！（已經肥的我也不顧一切）

小檬都算乖，自己坐著玩，
我也有帶他去看每一樣食物，playgroup 也是教這些呀。。

@27/10/2012.

小檬參加了的第一場賽事~爬行大賽
出門之前瞓飽吃飽到了會場，人山人海，
那邊有星星星的新手機展覽，這邊便是爬行大賽。
只是尋找龍尾已經想放棄。
我和老公講，這便是我們排隊生涯的開始...

排完登記就排到準備區，幸好都算快我們是第8線，賽道都算清晰。



我們拎了小檬最愛的遙控器出去
一開始小檬都有爬兩三步，之後就突然坐下來看隔離的BB，
我連忙將遙控放在他面前搖動吸引他注意，於是他又再爬，
然後又爬幾步之後，
坐下來！
終於有BB已經衝過終點小檬也未完成賽事因為太八卦，哈哈！

鳴謝贊助商

好幸運。有唔同嘅物資都有人送比小檬

衫仔就有Uncle RB 公司啲買辦啦，媽媽公司啲辦啦，
仲有啲T哥哥同W哥哥嘅舊衫（不過啲衫一啲都唔舊）
而玩具呢，有個親戚文仔叔叔係做玩具貿易，即係買返啲舊玩具再轉去啲貧窮的國家

個盒有啲舊，但裡面一樣OK，只要有樣野比BB玩，咩都一樣，
不過好在佢都係大牌子，combi... fisher price..etc， 都係安全嘅

所以佢送嚟嘅玩具呢。。。多到要成箱速遞比我地

再加埋舅父同啲朋友買, 契twins 佢地嘅玩具，我地真係唔使再買！

文仔叔叔嘅玩具

uncle RB & 舅父

仲有Amy EE嘅鼓


UNCLE ET


多到好多都未拆....


當然仲有啲係爸爸媽媽買啦

呢個最勁。。

呢個我地其中一個朋友買比契twins 嘅，但好似只係玩左一次，
由於太大舊，同佢嘅速度對小BB 嚟講，係快左啲，所以契twins都冇咩點玩。

我相信Uncle RB一知我有左就已經plan 左快啲拎過嚟。。。哈哈

好在婆婆屋企個廳都夠大，先可以砌出嚟， 不過都係玩左一次咁大把

而家啲小朋友真幸福!!

教教豬

近日見到blog友說BB到差不多一歲都要人抱住先肯瞓，婆婆隔離屋嘅BB都係，日頭瞓教，夜晚要人抱，他的婆婆就mei住佢，搖吓搖吓，晚晚如是。。。。

我真慶幸小檬真係好乖，自己瞓教

可能我地喺佢初生時都係放佢落床仔拍吓拍吓等佢自己瞓，都唔會成日抱住。
當然亦經歷過沒有能要抱住瞓嘅時候，不過佢都算乖，唔係咁多時係咁

而家佢一教瞓到大天光, 到第二朝8點幾有時我地都未起身，佢就自己企喺床邊叫。。。。

佢而家最叻係"噓"。。。。。仲要係好大聲果隻

佢一早就已經咁high架喇

你個頭想點呀？

起身喇，懶瞓豬!!!!!

不過呢個月曳左，夜晚明明好眼瞓，又唔肯瞓，仲要玩，放佢喺床仔，又自己爬起身，噤住佢隻手又大叫，又掙扎！
要喺我地張床同佢"女"一陣, 拍拍佢先肯瞓。。。

喺間房，燈光又暗又靜，所以我好多時都比佢K.O.!! 即係自己都瞓著佢都未瞓呀

之前教過佢打關抖，而家佢自己喺床就成日想打

小檬9個月喇!!

@26/10/2012.

我9個月喇!!!

回顧時間

樣貌

 媽媽每一天看著，真的不知道有什麼大的改變，但好像大個仔咗
頭髮好快厚又好快長，又要剪喇！

社交技巧

認人，唔係個個都抱得，由其是一見面，要熟絡咗先得

 好野拍手，拜拜都係未識嘅，識自己拎餅餅嚟食, 食完餅餅會自己好開心搖手，
唔知喺咪等於佢嘅好野！
問佢邊個係媽媽，佢識得即刻望住我，問婆婆爸爸都識

肌能活動

 推住學行車仔已經行得好好，有野踩住，唔使三吓已經爬左上sofa！
自己企到都好耐，尤其有野玩或者有野集中住
咩都扶住起身，所以要成日睇住，如果扶住玩具借唔到力就會跌

食
婆婆日日都整唔同嘅粥仔比佢，反而媽媽真係懶左。。。
有時我地食飯，有啲食物我都會比少少少少佢試吓

其他
瞓教係難左，因為佢爛玩，明明好眼瞓都要繼續玩。點都要係床仔碌一陣先瞓到，

呢排成日咆哮，咩都"噓噓"聲
我生日同佢講"開心心"，佢即刻跟住講"開dump dump"
我地都唔知佢係咪真係跟我講，定係咁啱

 有時都會聽到佢發出"媽"字嘅發音，但係唔會知道佢係咪講緊我

重量高度
下個星期返健康院
先知，不過抱完佢會累左

健康

感謝ok!

檬檬, 我愛你！

小檬 ＠ 8M

今天post 小檬8M的相片先

小檬，你好似唔多like呢個髮型喎...


呢個好好多。。。

開心公園遊

C˜H˜Õ˜K

等媽媽望清楚你先˜

食粥粥

回味無窮

喂，唔好呀，小心禽流感呀

得米!!

整車仔？

by Uncle Eric Y.

又係食手手