Gen Mami's Blog

6.12.2012

檬檬生病了(1)

上星期話檬檬仲好似有啲鼻涕，打嚇黐，間唔中有兩聲咳，

所以落去婆婆樓下睇兒科，但差不多成個星期都未好，
其實唔係好擔心，因為小檬好活躍，
bb最緊要的食得瞓得玩得，佢樣樣都好得！

但想睇吓第二醫生會唔會清左好啲，
於是返左自己屋企樓下嘅診所睇。

同醫生講之前睇過食左藥，都未好得哂，
佢話原來兒科醫生唔讚成比六個月以下嘅BB食藥，
吓？？？？咁嘅咩？？
(我以前同事嘅口頭禪，一同佢講佢打錯野做錯野，佢就話”咁嘅咩??”)
但我果個都係兒科醫生嚟架喎~
其實我都十萬個唔願意比BB食藥，但見佢有咳又鼻涕先唔想佢"au”咁耐

講返呢個，佢話如果BB唔係氣管炎就唔使食藥,

等佢自己好
聽吓BB
。
。
。
。
我個心都差啲要跳出嚟

係呀，係氣管炎呀！！！
吓。。。。咁點算呀？？

醫生話有兩個option：

1/ 食抗生素一星期，好多時啲小朋友都會好返，如果仲有事先入院照肺，

睇吓個肺有冇花

2/ 即刻寫紙入醫院照肺，佢知我係新手媽咪應該會擔心啲，所以，

如果照左冇事都等我安心啲

不過通常都要住院 (BB要住院？？我地唔想啊！)

吓吓吓???
有冇咁嚴重呀???

我攬住嘅檬檬好可愛精靈架，點解會咁架??!!

侍續.....

6.11.2012

湊檬檬

一個星期又過去，返工加湊檬嘅時間真係好忙又好充實但又好簡單!

講吓weekday返工嘅時間點過

通常檬檬朝早6/7點起身，食第一餐奶,
食完之後，會喺床仔自己玩，
又望吓佢嘅至愛pooh pooh 轉轉轉，就算冇開都好，佢都睇得好興奮，
又會對住佢笑 (呢個玩具真係值回票價!) 又會自己講野~

(不過有時佢好似貓仔叫喊…好細聲，所以我地都未必會知道佢起左身。
喊左好耐都冇人理，到左佢唔能夠容忍嘅情度，佢先會爆喊!)

食完奶就自己玩吓，都係唔使我地理，
如果佢唔瞓返，我會喺床罅隙度拖住佢，
雖然我半夢半醒，但我都知道知佢喺度玩緊,
佢一捉住我隻手，就同我隻手傾計。。。

有時就會放佢喺地墊，到我地梳洗換好衫，就可以出門口！
帶埋3抽2lung之後就揸車去婆婆到,
雖然話婆婆果邊好多BB 用品都有，但都係有啲野拎，
eg 車上用嘅被仔，外套仔，紗巾，扇仔…….

上到婆婆到，交代一吓小檬嘅食奶時間就走,
我返工9：30,通常差不多9：00～ 9：15先到（有時仲遲）
都有啲趕(其實好趕)，但呢個時呀婆婆仲好似當我冇到咁，係咁同BB玩 ~
{ 呀B啊～小朦檬呀～。。。。鼻哥仔～鼻哥仔。。。。! 真係比佢激死! }

返工之後又打另一場仗！

放工爸爸會嚟車媽媽一齊返去食埋飯, (通常會同佢玩一陣)先再返屋企!
返到自己屋企，就同小檬沖涼，又玩一陣先比佢食奶，食完奶又係瞓教嘅時候!!

(而家檬檬都叫做介左夜奶，所以都唔係好使半夜餵奶, 有時例外{多謝老公起身餵}
佢臨瞓之前食太眼瞓,瞓左, 就邊個都餵唔到佢食。)

好在佢而家好乖,夜晚自己瞓,唔使氹~!

唉，返工嘅日子真係好少時間同佢玩。。。。
所以，我一放工就第一時間返屋企！

(如果爸爸返左大陸or 出trip我仲更加忙~)

行街，買衫，整頭髮，修甲，游水，跑步減肥仲邊會有時間吖！
(定係我管理時間有問題呢？？)

注意仲未計係屋企清潔~打掃~洗衫~晾衫~洗床單~洗被仔~洗睡袋~洗BB玩具~洗奶樽~時間,
我連BB嘅都未有時間哂出嚟入相架！！
好在老公都好肯幫手做家務，雖然有一日有鐘點幫手，但都係好多野要做

原來to do list唔係BTB先要做，我都要整返個提自己~

整理相片（呢樣好緊要，我同檬檬影好多相，又大機又IP，要放返一齊，分返時間file，好好好好煩！）

哂相

Shopping (冇諗過我最鍾意嘅shopping 會係to do list 裡面, 比著以前去左啦, 仲等咩)

整頭髮

修甲

游水

跑步

hea ~

Mami 苦水

上星期已經知小檬咳，初頭以為佢比自己啲口水濁到，
冇理佢，到後來又有鼻水，手仔摺位又有啲紅，於是自己帶佢同落樓下睇醫生，
原來真係有啲冷親
（果一刻好唔唔開心，覺得自己好大意）返嚟見到佢食藥真係唔忍心，
佢不停掙扎，一見到拎住針筒已經拎轉晒頭！係咁喊唔肯食 (乜唔係甜嘅咩??)
啲藥水喺個口到咕嚕咕嚕…..（我記得我細個都係）

爸爸又去左上海，媽媽又有啲唔舒服，放工又要一個照顧檬檬，
但又要開會見客，唔返工唔得，婆婆喺我屋企幫手，返工前婆婆餵完奶，

又叫我拿濕綿花，又呢樣又果樣,
又要餵佢食藥，又要同佢搽藥膏……..

廳個衰冷氣又要喺呢個時候漏水，漏到唔開得，