Gen Mami's Blog

12.23.2011

COPY AND PASTE ?!

點解要抄人寫嘅blog??

寫blog是抒發自己感受;分享生活點滴;

有用的資料我可分享給大家.

如果有需要,我不介意將我的資料再分享出去,
有些資料我也是從綢上找回來的.
但可否不只是copy and paste????

一個字都唔改!?

P.S. 我也喜愛有禮貌及友善的BLOG友!!

12.21.2011

PMH checking @34W

今個星期一(19/12)再到MPH覆診，
原本應該22/12 覆診的，但由於聽日（冬至）有得放早12:30 ~~~ 已經約好同事去食semi-buffet lunch做節兼慶祝聖誕, 所以試吓打電話去改時間，又好好比我改!

距離上次18/08到這裡, 已經是4個月之前的事，
其間應該到健康院覆診，但其間由於啱啱打風，

冇去到，之後都冇再自己返去！

我的預約時間是2點半，我2點已經到左，
終於成個過程要差不多4點幾5點先走!

今次老公也有一齊去，託他的鴻福，
今次遇見的是位好好的女醫生!!!

雖然入到去，
反而係佢問返我喺私家醫生睇到的情況，
好似我報告返比佢聽。。。

之後就上床，
女醫生用超快的速度用尺度吓我子宮的大細，
按肚底的位置，
就話比我知BB已經轉左頭喺下面，
姑娘再用超快的手勢,”o即”gel聽BB的心跳，
再幫我整乾淨,
都只係用左20秒! 整個見醫生過程都係用左大約5分鐘!
超快!!!

之後就約返下次05/01到健康院覆診!

到是已經係36W了~

1st Wedding Anniversary @18/12

昨天是我們的結婚一週年紀念！

沒有特別的活動，只舊地重遊

我們中午到了黃金海岸遊艇會喝茶，
之後回家睡午睡。(我的生活好好像只是食和瞓)

晚上便到了我們的晚宴場地，明閣吃飯！

點了些家常小菜

明閣的陳經理得悉我們是一週年紀念到來吃飯，
便送給我們香檳（我那杯是沒有酒精的）

最後還給我們甜品"翅晶瑩"

今天沒有什麼禮物準備給老公，他應該不會介意的。。。

但剛才在朗豪坊我反而買了Nars 的eyeliner 及eye shadow 給自己，哈哈

反之佢訂了Tony Wong 的迷你蛋糕給我一個驚喜！

多謝老公！

唔知點解要有蠟燭。。要吹蠟燭?! ～

nice Chocolate cake..Tony Wong again~

今日特別帶咗公公比媽媽,舊年結婚時媽媽再給我的這隻珍珠介子紀念一下!
好大粒...
其實仲未好襯自己

唉..已經好耐好懶冇用handcream, 隻手好乾!

晚宴時我們也有在這酒滘影相

今年的我已經同埋Baby G 一齊影, 但我肥咗2個碼

這年不能做太稱職的莫太,常常煮飯給老公吃,希望之後可以啦!

12.06.2011

Baby G @ 32W

好快又到32W!!

相信已經過咗蜜月期,而家真係比較辛苦:

我本來就鍾意平瞓，由三四個月嘅時候，已經改為側睡，

其實都冇咩野，有三角枕攝住肚與床之間的空位已經好好多，

加上我再用毛巾填滿空位, 都瞓得OK!

但而家肚再大咗，瞓教時就更加辛苦! 有時瞓瞓吓，

成邊盤骨會好痺，又會轉身第邊瞓。

到呢個多月，情況仲差，有時瞓左唔夠十分鐘，已經要轉身，

覺得唔舒服，又轉，唉。。。

老公已經比左大半張床我瞓，但郁嚟郁去，大家都瞓唔到，

到瞓左，又咁上下又要去廁所。。。

有日到早上六點多，索性坐喺到瞓，反而都OK，

但又到隻手累。。。

不過有時都可以瞓得OK!! 如果唔係就慘!!

手手腳腳都有開始啲腫，尤期瞓醒之後，手指屈埋都痛,

戒指都唔使指意帶得落! 腳都係，有啲之前剛剛啱著的鞋，而家就有啲迫!!

食量依然係少食多餐，食野種類就可以寬鬆啲，

不過雪糕／魚生／蟹／木瓜都係唔會食!

而家BB活動能力都好勁！

有時會出連環拳，或者扯行哂撐我!

有時又好似好激動咁，我同papa 都都會叫佢冷靜啲~

附上大肚照兩張~

Baby G 加油呀!!

11.06.2011

Baby G MaMi 飲糖水@ 27W4D

5/11 到了瑪嘉烈做糖水測試

即係check 吓我有冇妊娠糖尿病，

前一晚12點開始禁食, 8:30 要到醫院，
首先係要空肚抽血，之後姑娘就比一碗糖水我飲，
喺網上的媽媽話啲糖水好好好甜，我同事飲完仲暈暈地，有啲飲完會嘔，
但係如果嘔左出嚟又要再book 過時間再飲過，所以我一定要堅持!

嘩，點解我見人地果啲係用杯，但係呢度成碗嘅？
照片-16

我用左兩分鐘時間飲哂，連老公預先準備嘅檸檬都唔使用!

（老公驚我飲唔到會嘔，準備左個檸檬帶嚟, 真抵o錫!! 佢話上網見到可以好飲啲，
又唔影響結果喎，不過我都冇去睇係咪真~)

其實糖水有啲似凍檸茶果啲糖水，不過係超甜，我覺得甜到有啲拿喉!!
飲完又冇說話想嘔，不過空肚飲咁大碗咁甜嘅糖水，真係有啲啲唔係咁好受

飲完之後，要兩個鐘後返去再抽血，由於喺醫院泊車超貴
（第1個鐘＄18，第2個鍾好似係＄48,每半個鐘要＄24)
所以我地去左附近嘅祖堯邨嘅酒樓飲茶
（其實只係老公飲，因為我唔可以飲水或食野）
老公去泊車我先去搵位，點知撞啱壞冷氣～
我驚太焗, 所以只係去左茶餐廳等老公食個早餐，
之後就返左車坐，瞓就一陣......

好快就過左兩個鐘，上返去再抽血！！

姑娘話如果有問題，一星期之內就會通知我，冇事就唔會打比我架喇!!

上網到見啲case 唔食甜野，好似小雞仔咁嘅食量都有事，
我都有啲驚，希望唔好收到醫院電話啦, 如果唔係要見營養師就弊喇!!

10.30.2011

Baby G @ 27W ~第三階段

_{踏入第三階段了......}

,
寶寶真正開始裝滿妳的子宮了。本周他的重量將近兩磅，腳伸直時身長約 14.4 英吋。他現在可以張開、閉上眼睛了，他睡著和醒著的時間也比較規律了。他或許會啜手指，雖然他的肺還不成熟，但如果早產的話，在協助之下，他的肺還是有能力運作的。請記下任何有節奏的活動，妳或許會感覺到寶寶在打嗝，這種情況從現在開始會越來越常見。每次打嗝的時間都很短，對寶寶也不會造成困擾，所以好好享受這呵癢吧。隨著更多的腦部組織開始發展，寶寶的腦部現在非常活躍呢。

妳的身體已經準備好進入最後的一段旅程了，所以妳可能開始注意到一些新的症狀如背痛等等。半數以上的孕婦都會有不同狀況的背痛。下背部是比較常見的疼痛部位，但有更多的孕婦有後骨盆腔疼痛的經驗，這是一種臀部深處的疼痛，可能只有一邊，也可能兩邊都痛，有些還會連背部或大腿都痛。這些疼痛的原因可能是因為走路、爬樓梯、從低的椅子中爬起坐下、轉身、抬東西等。會讓妳的臀部彎曲的姿勢，如坐在椅子上身體向前傾，會讓後骨盆腔疼痛更嚴重。
妳還發現有時妳的腿部肌肉會抽筋，因為妳的腿部現正負荷額外的重量，不幸地，抽筋的情況會隨著懷孕越來越糟。腿部抽筋的情況通常出現在夜裡，但白天也有可能出現。伸展小腿肌肉（將腳趾往前伸，然後往脛節的方向放鬆）應該可以讓妳覺得好過些。走幾分鐘或按摩小腿幾分鐘也會有幫助。

info from http://www.johnsonsbaby.com.hk

Baby G 而家都好活躍, 其實我感受唔到電視所謂的"第一踢" 咁實在的踢! , 只感覺到佢喺入面"了吓了吓", 彈吓彈吓, 有時由左至右橫掃一吓! 感覺好微妙!

而上面所講嘅抽筋,我就今星期嘅一個晚上第一次試過!! 夜晚瞓瞓吓,突然小腿抽住,好好好痛, 立刻大叫,老公即刻幫我按腳.....! 到第二朝,小腿條筋都好實!!
我隻腳都開始有少少水腫,但只係一隻,醫生教伸直對腳用咕o臣攝高坐, 會好d!!
隻腳腫咗d, 之前啱啱好嘅鞋而家就唔啱著!
好多人話生咗之後腳就會大1/2號~1號, 咁我之後買鞋就唔使咁煩!

11月公司嘅工作就開始忙, 希望都可以有足夠嘅休息,因我知道休息對養胎好重要!!