夜燈
BB初生時，我呢個驚青媽媽真係好緊張。
喺醫院返屋企第一晚，本來婆婆都會喺度幫手，
點知能佢果幾日太粗勞，結果血壓高，
我地拍哂心口, 話我地自己攪得掂,叫佢即刻返屋企休息，
其實我內心真係好”淆底” , 第一晚返屋企要自己湊wo....
（真係”自己”，因為我老公最初係連BB都唔敢抱嘅人!!! ）
而我~敢抱!! 冇問題，自己湊 ~換片餵奶都OK!!!
(好在喺醫院跟姑娘實習左) 但最驚就係佢食完奶瞓左, 自己掃風掃得清唔清，
結果我叫我老公睇住佢，
冇錯，真係成晚睇住佢，而我, 要休息嘛!!!
而家睇返轉頭好似好傻，但新手媽媽咁上下, 嘻嘻~
(有朋友會用啲毛巾攝喺BB背脊，等佢err奶都可以流出嚟, 最好請教健康院姑娘或者兒科醫生)
所以，我地買左呢個夜燈，方便睇到BB。
我見過有啲用乾電，掛喺床仔，仲好！
車掛袋
之前見過麵包超人車坐位掛袋,，好靚，但係要成三百幾蚊，唔捨得買! 之後再想買返，已經因yen價變成四百幾！
決定放棄。喺淘寶搵，結果買左呢個
我初時諗個袋放坐倚後，我坐前座，都拎唔到野啦，
但放左Car seat 之後就知，我係會坐喺car seat 隔離，睇住BB，（爸爸變成司機），
所以掛袋放後面係好啱嘅。
呢個袋好實用，當你坐喺車度時，可以放吓野，或者放定啲紗巾, 有時喺車食奶，
或者換片好多野e.g.紙巾，電話。。。等等啲都可以放住係到, 湊住B時都唔會咁哩hea!!
價值 RMB 22.8!!
坐枱玩具
朋友叫我買個bb坐喺枱度都可以玩嘅玩具,我地食飯就安樂d!!
果然好介紹! 仲比我搵到係麵包超人!
有吸盤就唔驚玩到跌落地又要我地執,又污jo
仲可以兩邊擺。
而家小檬已經識識地坐,果日食buffet 已經用得着!!
)