歲半生日飯＠容龍

 小檬歲半喇。。。!!!!

我地去咗食海鮮慶祝！！
好似有少少揾佢笨咁，都唔係嘅，
要比媽咪食佢鍾意嘅芝士龍蝦嘛

小檬上幾次嚟都未識行（好耐喇），今次已經歲半！

呢架老爺車應該老過我地三個加埋呱。。

Mimi, 呢架大過屋企果架喎!
(而家小檬叫我做mimi ~低音)

拎咗位先去自己買海鮮，都係幫趁呢間，
關財記


識行識走，帶埋佢去買


喺屋企見得舅父啲魚多喇，
而家呢啲有啲新鮮感。


龍蝦，叔叔拎咗呢隻龍蝦叫佢拎住嚟影相喎。。。


吓，龍蝦鬚長過佢個人，又吉哂出嚟，差啲吉到眼，點影呀？
你估真係成龍大哥同啲遊客咩？

見到柑大隻龍蝦，小檬都驚驚。。。
叔叔咁熱情，唯有照影啦。我扮拎住

後來玩吓啲魚，再嚟就拎起隻螺，

趁未玩C啲魚同啲螺，快啲走人！！！

我嘅至愛


芝士焗龍蝦

好好味，一人半隻就啱啱好。

鮑魚仔





仲有呢個海鮮豆腐湯

之前有個龍皇海鮮湯，啲海鮮仲勁,
(後來見人地啲湯料勁啲，再問侍應原來可以喺海鮮檔買料去煲)

不過呢個湯已經令到小檬如癡如醉

飲到小檬。。。。照哂鏡，
唔肯放。。。
比佢笑C，差啲想食埋隻碗咁滯。

仲有蟹同中式牛柳，掛住食冇影喇
事關同婆婆一齊，媽媽就有安樂茶飯食
我有話我餵小檬，叫婆婆食先架，不過婆婆唔肯咋！！

婆婆: 拿，大個仔喇，要聽教聽話，快高長大，考順父母，第日揾到錢買間屋我住吓呀。。。
小檬: 婆婆咁長嘅。。。。

之後食蛋糕，今次試吓提子，




唔。。。。冇密瓜咁好食。不過顏色好靚。

大個仔喇！！ 

個個都有份幫手湊你架！！

到我切喇。。大家睇吓啲刀痕。。。


Happy Birthday to my lovely son!!! P.S.如果要去記得訂位，因為都好爆
都可以喺佢到order 海鮮，唔使自己行去買
仲有其他美食推薦，請看看~ 開飯喇