又要破財喇！！

喺海浪公園唔見咗個太陽眼鏡之後，
小檬再添為我再創一個佳績
眼鏡爛埋

我放工返到屋企已經係咁。。



我問婆婆點解係咁？
你個仔囉。。。（我知。。。我係問點解佢會拎到個眼鏡呀。。）
佢擒上張凳度拎落嚟玩吖嘛！！
唉。。。
算啦，佢唔係跌親已經好好。

所以我尋晚叫佢再爬一次，跟住輕輕搖佢張凳，扮跌佢，
等佢驚一吓，跟住問佢仲擒唔擒，
佢就搖哂頭話:唔好唔好:喇！
不過唔知佢記得幾多日呢？

雖然眼鏡都係夜晚先戴，不過就咁黐返佢唔知道點解戴到頭暈暈。。。
又要破財喇！！

太陽眼鏡都唔知買唔買好。。。好驚又唔見
睇怕啲野揾條繩綁住最穩一陣！