妹妹豬上學去。Day 2-4

第二日
爸爸媽媽陪上堂
返學：哥哥陪坐校車
放學：自己坐（因放早）

妹妹豬同哥哥兩個自己坐校車！！

仍然繼續不停洗腦咁話唔好喊（繼續直接用負面字=___="）

臨上車都好平靜，上到車仲識對住我笑添！
哥哥報告話轉灣之後小小喊，佢問校車姨姨攞紙巾幫妹妹抹眼淚

乖乖小檬哥哥
我哋趕到學校可以見到佢地落車，落車冇喊，係啲頭髮亂咗少少:p

上堂都乖乖，自己除書包放好，

唱歌仔時反而走咗個嚟攬住咗我。
茶點係蘋果，不過佢食得比較慢。。。好快就上完堂


放學自己坐校車返屋企！！

全日最緊張就係呢時刻。。。不過經過尋日嘅經歷，
唔使估都九成九會喊！
果然佢一排隊已經知道。。。話要媽咪，
到門口老師拖住佢到行出去
媽咪目送住爆喊要媽咪嘅妹妹豬上校車

返到嚟當然繼續爆喊。。。

第三日
自己上堂
返學：哥哥陪坐校車
放學：自己坐（因放早）

同哥哥一齊上校車，冇喊，開車對住我笑揮手拜拜。

最後一日送小朋友返學喇

要再遲啲有機會放假先再可以送喇

哥哥報告全程車冇喊。

老師報告妹妹上堂冇喊，有乖乖去廁所，
上堂掩住耳仔，好似話人嘈咁=___=
都有跟吓做動作，茶點都有飲晒水水，
不過佢唔鍾意嘅麵包就唔係好食。。。

放學搭校車全程冇喊
但到樓下一見到我就爆喊
o爹o爹豬！

第四日
自己上堂
返學：哥哥陪坐校車
放學：自己坐（因放早)

上堂冇再掩住耳仔喇
都好乖跟住老師嘅指示

收到爸爸傳嚟放學嘅相

喺車冇喊，見到婆婆爸爸落車都冇喊，

仲有小小笑容添！

超級感動 

真係放一萬個心喇！！

喺公司嘅媽咪都忍唔住眼濕濕呀

妹妹豬要繼續加油呀！！

Harmonic Motion ~ Life is beautiful!

媽媽放暑假變成媽媽陪開學，雖然都咁sweet，

不過都想weekday帶小檬哋周圍玩吓！

知道頭幾日開學冇咩太多野做，

於是book咗玩個個都話難book嘅繩網

等埋哥哥放學就出發！

Harmonic Motion

淨係估到唔好著裙啦。。其他咩守則都冇睇到！

ready .........


真係未爬都興奮!!

妹妹豬初頭話唔玩，因為哥哥話佢知道入面有恐龍 =___=

gogogo~ 
原來搵窿捐上去都唔容易

呢個位上，算係最容易，最矮容易啲擒

越大隻越重嘅大人應該仲難。
妹妹豬係有啲位唔夠高，

未係好夠手力上，不過勝在輕巧，
托一托patpat就上到

小檬就最好，自己又夠手力爬，又輕巧！

上到個網喇


好在後來信媽咪冇恐龍啫


小檬一入去開心到呢。。。周圍爬！


其實啲腳底會有啲痛，因為繩網係用好粗嘅尼龍編織而成。

喺網上行都又啲痛，不過可能小輕身就唔覺，

重身如檬爸就痛喇。。

妹妹都周圍爬


爬爬爬




大家都會爬到成身汗！


要休息一吓

小朋友做咩要博命爬上去??


原來婆婆行咗上二樓睇我哋
hello ~ 

將近完我哋先落返去玩啲韆鞦波波。


瞓吓教先

真係好好玩
限時20分鐘係好正確，

一來可以比多啲人玩，二來太長時間真係唔掂！

好在姐姐都肯入去玩咋，

我哋三個大人睇兩個小朋友！
大家輪流休息，如果唔係真係累C

玩完之後，除咗我哋散哂之外，

另外就係小檬不停咁話玩多次。。。玩多次。。。玩多次

日以繼夜，夜以日繼咁講！

咁啱表舅母原來都好想玩，

不過又唔係意思淨係兩個大人去，見大家有藉口

於是再book，哈，又比我哋book到喎!（平日係容易啲嘅）

於是又嚟round 2 

上次我哋book到兩個位，每個最多可以帶兩位。

今次只係book到一個(即 1+2)

所以只係小檬同舅父舅母入去。

好在到排隊入去時前面爸爸有友人遲到，

所以多咗張飛可以比我入！

今次有兩個玩精同小檬玩，

我就負責影吓相，

拍下片！享受吓～

建議著長褲，厚襪。

啲職員話有人帶爬山手套／電單車手套添～

因爬繩網時有啲人會覺得手會有啲啲痛。

我有試book weekend，

不過真係超難，唔用20秒填完已經唔夠人快！！

真係唔敢專業！

總括嚟講，呢個可以喺呢個藝術品到跳同玩係好難得嘅，

大家可以試吓運氣book！

妹妹豬上學去。我返學喇 & 小檬。K2仔

暫吓眼又到咗妹妹豬同小檬開學嘅日子！
妹妹豬正式開始返學生涯喇！！！
妹妹豬人生大事，媽媽梗係請咗假陪佢(哋)啦！！

我返學喇！！！

我K2喇~ 

跟哥哥返學校時間一樣，姐姐咁上吓時間整好午餐，

攪掂自己就同兩個小朋友換衫，順利出門口！

一段時間冇送小朋友上校車，突然間熟悉感覺又回來！

一齊著校服～


要互相扶持...

互相愛護呀˜

媽咪見到梗係例牌眼濕濕啦!

由於妹妹係新生，

所以第一日可以有兩位家長陪坐校車，
小檬就代替咗爸爸嘅位置，等我可以順便教埋小檬點照顧妹妹

今年嘅校車叔叔同姑姨姨轉咗，媽媽都要幫手介紹一吓小朋友，

等姨姨認得吓小朋友照顧一吓！

妹妹豬同哥哥乖乖坐好！

出發喇～妹妹冇咩扭計話要同我坐

隻手仔都識扶實！

哥哥冇特別同妹妹有交流。。都係乖乖坐好。

我就好似啲導遊咁沿路不停咁講，

遲啲妹妹同哥哥自己坐喇。。媽咪唔坐架喇，上車要扶實呀！

落車先可以除安全帶。。
沿路睇吓風景

媽咪好煩，終於可以落車！！哈哈

兩個小朋友落車之後，哥哥開學校時間未到，

於是就叫婆婆到學校門口接小檬到茶餐廳坐吓，等夠鐘。

(兩個返學，開學時間，搭校車安排唔同，
亂到我要打個rundown出嚟比大家跟先掂！)

我,爸爸就同妹妹開學！

今日同之前適班唔同，係今日可以搵返自己位坐好，

我喺屋企檯仔個位都有貼佢地啲名，

所以妹妹豬都識認自己張相坐邊

派咗書包就教妹妹要自己放好, 玩吓玩具等齊小朋友到就開始上堂

講吓故事，點吓名
就食茶點，自己都識打開水杯，毛巾，仲自己抹面 =p





餅乾都好快就食晒，仲想要多啲添

不過又唔敢同老師講


返到嚟仲有啲小朋友未食晒，

佢就不停話想再食，對面小朋友媽咪聽到，

佢個女又食唔晒，於是就比咗兩粒餅餅妹妹！?? 
合作成功！

估唔到返到學校都咁掛住食喎 =D

跟住跳舞時間呢。。佢都係咁啦。。有郁吓。
都有跟老師到動作嘅，好多歌仔其實佢都已經識唱，
不過可能都係啱啱開始，冇開口
好快就放學喇！

排隊時，叫埋哥哥入嚟，影張全家福先！

爸爸媽媽要陪哥哥開學喇，於是叫standby嘅婆婆，

同妹妹坐校車返屋企（放學都可以有兩位家長陪）

同妹妹豬講聲，婆婆會同佢返屋企之後
就同哥哥開學！

哥哥自己入課室冇咩難度
同K1有啲唔同，坐位個名已經冇咗張相，要認自己個名喇


見返啲同學仔／家長，對咗兩年都出黎玩過幾次，大家都熟悉咗。

今年前換咗老師，再唔係對咗兩年前嘅老師喇！

小朋友都係唱歌做吓體操，跟住就介紹吓自己等老師認識一吓。

老師講解吓今年嘅安排，小朋友就係後面食茶點，
乖乖食完老師就比啲書小朋友睇，

小檬好開心一本一本咁讀，其餘三位小朋友都走過嚟聽！

老師話小檬真係好幫手

好快就完成first school day！

上完堂打返屋企睇吓妹妹情況先。。
點知姐姐話佢落車時爆喊！

再問返同行嘅婆婆，
話佢上車之後好快就搵媽咪，話要媽咪！ 

好快就失控咁喊！

我完全估唔到有呢個情況出現，

冇準備啲咩snack/小玩具比佢，
婆婆話唯有比個電話佢，不過都冇用，

繼續喊。
姐姐落咗嚟站接佢地，
抱住都繼續發脾氣喊！
完全失控!!!!

唉~聽到都心噏，冇諗過有婆婆都咁！

但回帶睇返妹妹豬剛同爸爸媽媽上堂之後，

就見到爸爸媽媽同哥哥留咗喺學校，
自己一個跟婆婆搭校車！
佢梗係想跟住媽咪，同佢一齊!!
我一下子就諗唔到，一心以為有婆婆陪就冇事。係我唔夠細心，

應該比定啲snack還或者小玩具比佢。。。

(媽咪自責中...)

夜晚返到去，就不停止咁洗腦洗腦...自己坐車唔使喊，
已經唔記得避開用喊呢個負面字, 不停咁講唔好喊

因為第二日要自己坐冇家長陪添！！！！

我都明白其實小朋友啱啱自己坐校車會喊都好正常
（係小檬果時唔係好正常，上堂，搭校車都冇喊！）
第一日返學校，上堂都冇喊已經好叻女！

而小檬呢。。繼續佢淡定獨立
第一日成績都算唔錯，期待第二日!

見到佢兩個手拖手一齊返學，
做媽咪嘅真係百般滋味在心頭
好感動

希望你倆Enjoy School Life!! 

We're all going on a summer holiday~

八月中已經開學嘅小檬，不經不覺暑假就完！

妹妹已經喺八月頭要開始適應班，於是冇諗住去旅行喇。。

而今年亦冇媽媽放暑假，因為而家有兩個返學嘅小朋友，

要儲返多啲假下半年學校活動用，唔敢咁勇，

亦諗住儲多啲假等12月聖誕氣氛濃厚時可以唔使做有假放。

就算放假都係諗住陪開學

唯有週日密密去玩

睇麥當當

no climbing !!!

hello kitty中菜

睇藍精靈












睇小新




游水水








見朋友

小朋友聚會






哥哥四歲半慶祝，食蛋糕～

媽媽出走keropi






點可以漏咗妹妹，再去過 


tsum tsum

其他。。。

捉精靈

剪髮前

玩沙

早上食早餐

有獎所以有獎

hello summer

i'm 4.5 ~

整個小丸子頭先

happy birthday to 舅父

camping

真campling ?!

有難同當（其實係一齊避雨)

吖。。呼

mother and daughter

my new toy

要互相扶持啊

玩完要乖乖返學喇!!