赤柱半日遊

@12/06/2013

有假期，更係去玩。
呢日全家都瞓晏咗，起身呢呢路路都已經11點，見好天, 天色唔太差(唔落雨我已經當好天)
於是入赤柱~

應該係小檬嘅午睡時間，但有得喺車瞓又唔瞓。。

一到步，就見到停車場排長龍。
呢吓我先諗到係喎。。啲人入嚟睇龍舟。。。
哈哈, 而家有時唔太精明~
(淨係而家？)

老公放低我地先將架車泊到去老連咁遠果個停車場。

我地揾咗間中菜飲茶。
要等位，不過好快就到。
咁啱有window seat，雖然冇咩景可言
不過都算舒服嘅。   

疊到咁高好似骰盅嘅係點心，一粒一隻，
一開始畫嘅時候唔知添

同小檬合照先

happy face~ 

食飯時間落咗陣雨， 起程已經冇雨

到此一遊


先到露天廣場八一八，
音樂響起，小檬就搖搖手跳舞。


跳咗一陣就行


沿海邊行吓影吓相

我諗龍舟比賽已經上晝賽完。

小檬見到有海就話抱抱，
因為佢要睇boat


佢睇得好開心, 其實海面好多垃圾。。。


笑得太假喇
露天茶坐好熱鬧，好多人賣啤酒


氣氛好好，真係有啲想一齊飲，


不過最後都係買咗杯橙汁芒果雪梨。


小檬發達啦~ 起勢咁飲。

下次先喺到食吓tea

預備...
1..


2..


3..


4...

5...

傻豬

再行咗去遠啲嘅海傍，影埋全家福。

行到去shopping嘅鋪，好明顯佢冇咩興趣，
於是去揾周公喇, 你頭先喺車瞓又唔瞓...

時間都唔早，我地都起程回家喇～