小檬~N班生活結束

小檬N班生活結束喇！！


不經不覺已經返咗學1年
仍記得細細粒嘅小檬，媽咪事前好緊張做哂功夫，
等佢自己上學車返學都唔好喊

到返學果日，媽媽好肯定係緊張過佢!!

回想起佢初日肯自己上校車，自己扶住，

對我微笑拜拜我嘅模樣,呢幕嘅情景我畢生難忘!
小檬獨立嘅表現真係令我感動到喊!!  

(鼻子又酸起來)

開學第二日~ 自己坐校
小檬開學喇!!
N班~返學體驗日（day4＆5）

N班~返學體驗日（day2＆3）

N班~返學體驗日

一年裡面，小檬成長不少，
而家已經可以話返比我知喺學校嘅情況，

講得出同學仔個名。

識左星期六日, 多咗節日嘅概念

總結一吓返學嘅情況
病假:
冇正式紀錄，我記得應該大約有4日

學習 

由初初返學到而家，已經可以認到好多中文/英文字 
數數1-30

學校自理能力 
自己放書包／拉開拉鍊／取毛巾／水杯／
食完自行擺放／穿外套／著鞋

家長日兩次，老師評語都係乖學生
不過試過有駁咀情況，

老師叫佢數數，佢好快數完，老師叫佢數多次，

佢話"頭先咪數咗囉"！ 
不過好在最終都肯再數。

另一次曳野，就係上上吓堂同啲同學仔喺地下玩游水=p
老師一話佢就已經大喊。老師話佢絕對唔係曳，不過貪玩啲。

學校活動
生日會/ 開放日/運動會親子旅行/化妝舞會
/海洋生物日/水果日/傳統服飾/中秋花燈會/聖誕表演/
農曆新年/letterland party

學校花市活動

舞獅

美勞

生日會

家校活動:
茶聚／開放日義工／家長日／
學校親子旅行／運動日／故事媽媽
兒童心理講座/課程發展講解（有教如何教導小朋友)

小檬學校有自己嘅課程發展組, 設計課程，
所用嘅書本都係自己嘅團隊設計的

小檬好鍾意睇學校嘅書!

每段時間都有學習主題，中英文課本都會配合，
等小朋友可以同時間學習到中英文。
另外活動都會配合主題，加深印象。

書本主角仲著住學校校服，真係好令小朋友投入角色

小檬認到嘅中英文字

中英文字字咭, 插圖精美

下學年學校年歷，

有埋學校活動日期方便提醒家長

仲有兒歌/

開學時, 對於新手家長超級窩心的

學生適應手冊

學校都好著重品德嘅培養，有德育手冊，

等家長比分小朋友，以示鼓勵

學校亦有派ORT嘅故事書。

不得不提嘅，就係學校嘅網站會會上載學習緊嘅教材，

用動畫型式，等家長可以同小朋友一齊重溫

另外，日常嘅學校生活相片差不多隔兩三日就有，
等家長可以多了解小朋友在學校嘅生活，
學習緊啲咩，同其他同學嘅互動
仲有小朋友錄嘅早操或者兒歌Video

每次同小檬睇相，都好開心講返發生咩事比我地知，
佢地就更加投入學校嘅生活。
雖然小檬係大B，不過上半年，
如果問返佢喺學校做過啲咩，佢都未識講到好多。
相片廊真係學校同家長小朋友溝通嘅一個重要橋樑。

每隔一段時間，學校會派發一啲益智遊戲比小朋友同家長喺屋企玩，

包括訓練小肌肉啦。。認顏色啦，分辨大小啦，訓練運用句子說話

遊戲亦可以令家長小朋友更多親子時間

學校今年15週年紀念，所以送咗個滑鼠比我地留念
logo係學生家長設計比賽冠軍

N班最後一天，學校派咗小檬N班嘅portfolio
真係好感動
唔知原來學校會準備比我。

我的作品

小檬評估成績對於我嚟講係好滿意，樣樣滿分！

老土啲講，求學不是求分數，只要佢學到新嘅知識，充實自己，

有良好嘅品德，我都已經好開心!

考試成績在我嚟講都重要, 不過唔係最重要! 

（留意, 都重要, 唔係最重要啫，

希望到小檬萬一考得差我都記得自己咁講過)

 得到兩個獎狀

daily fruit eating ~ certificate of appreciation

Reading books ~ certificate of achievement 

即係豬肉獎=D

學期尾，學校安排咗攝影公司到學校影班相及學生相，

自己決定參與買不買相。價錢合理，

而且小檬都係用嚟交學校，我地梗係參加啦。。

仲影咗呢張每位小朋友都會保存好嘅班相，

第時睇返一定好開心～ 

小學時嘅畢業相片，我而家仲有keep住架

一年嘅N班完結，我當然好滿意呢間學校，

老師有愛心，有耐性，有問題會立刻搵家長商談

校長好好, 除咗茶聚嘅時候校長亦比到唔少教小朋友嘅意見我地。

最深刻就係婆婆轉告，有一次到學校接小檬，當日落住超大雨，

老師們已經好忙碌湊小朋友上校車，校長為咗小朋友可以快啲上到校車，

自己親自抱小朋友出嚟（因為地下已經好深水）自己就連遮都冇，

淨係遮啲小朋友，自己淋到濕哂！

我聽完真係好感動，我真心覺得有呢啲咁為小朋友嘅校長，

先可以令一間幼稚園咁成功，咁受家長歡迎，

唔單止學術，係小朋友嘅品格，待人接物都會教得好好。

小檬喺一個愉快輕鬆嘅學習環境吓學習，識嘅野真係比我想像中多！ 

更想像唔到嘅係，其他人口中嘅谷，我完全感覺唔到, 

最重要亦唔覺小檬有呢啲感覺!!(因為佢先係用家)

或者係因為小檬嘅情度可以接受到，就唔係谷，

試諗諗咩叫谷，即係你唔得，夾硬推上去。

相信搵到一間啱自己小朋友嘅學校係最緊要!

可能係第一年啦，下年應該仲大挑戰，

我同小檬都要繼續加油!!!