小檬開學喇!!

小檬開學喇。。正式踩入返學生涯！

吸取教訓，唔夠瞓同摷醒佢係大忌，

於是一定要避免重覆～

尋晚嘅我如臨大敵，放工食咗飯就快啲沖涼執野，

仲要舖排好瞓教時間，
叫親佢瞓佢都話"再玩一陣"，"玩埋呢個"同"玩多一次"

於是食完飯就已經話瞓教。。。。哈哈，
等佢講得嚟玩得嚟到九點幾入房！

好成功十點前同佢瞓咗，我都快啲走出嚟準備瞓，
唔知有咩攪都變咗12點嘅瞓，點知呢個時候呀肥妹豬又扭計，
唉，又要抱返住佢。。最終係我好眼瞓。zzz.zzzzz

今朝晨早攪掂自己食埋早餐，就入小檬房，講吓野，執吓野，
同婆婆講吓，佢就比我整醒，應該都夠瞓，所以都冇咩話唔高興

食完早餐又話唔肯著件衫，唯有話遲啲先著，

比佢玩咗一吓玩具，就話老師話要著住先可以玩sir滑梯，

就係咁成功咗，快著埋鞋仔

起身到出門口預咗個半鐘頭時間，好鬆動。
仲有時間影吓相添~

天使上身~軀魔成功!!

第一日可以比N班啲父母跟車送小朋友，呢個安排好好，

因為我成日諗佢自己搭校車係點。

我去嘅時候同佢坐，返嘅時候等佢自己一個坐。

屋苑有個大佢一年嘅姐姐都係搭呢架學車，
佢地喺會所已經識咗, 雖然姐姐都係三歲左右，
起碼落咗車同佢拖住一齊入學校。
都叫有個照應。。哈哈

小檬自己坐嘅時候都會話扶實，

唔會兩頭郁，成程未鬆過手。

雖然只係十分鐘，我最擔心佢自己搭車嘅一環算係安心啲

開學同之前一樣都係唱歌仔，

不過今日有食茶點，有香蕉同用杯飲水，

好快對面個同學仔就已經倒瀉咗杯水。。。

相信整濕啲衫褲鞋襪係應該成日發生，就算佢冇整濕，

身邊啲同學仔都一樣會。

放學喇~自己拎書包

依然見到有啲父母會踎喺佢地啲小朋友則邊教佢地呢樣果樣。

我就反而覺得應該趁呢個時候觀察吓佢冇咗爸爸媽媽喺身邊會係點。

小檬完全冇問題，冇搵過我地，可能都知道我地喺到，

到下星期一就知佢係咪真係可以冇咗我地都唔喊

派埋書包咩住先～

今日先係第一日，仲有漫長路要走呀～