估唔到咁快
由第一日返學到而家，差不多兩個星期，
前日突然間有鼻涕，果時仲好奇怪幾時凍親？！
尋日朝早就發埋燒添，唔返得學啦。食咗啲藥水，好似好返啲。
諗住今日可以返學。
點知尋晚半夜又燒返，鼻涕仲塞住鼻瞓唔到，
漏夜再食多次藥水！
（同一時間嘈醒咗隻肥豬妹，又要我善後。。。我好眼瞓呀）
今日都冇返學呀！
我突然間先諗會唔會係返學惹到呢？？
果時啲人話返N班係學病，到大啲學野就唔咁容易病，
我仲諗呀檬都算好少病，抵抗力應該唔差，點知都中！
好彩有RB叔叔嘅玩具辦，先可以鎮得住食完藥水嘅發巔！！
.JPG)
小檬你要快啲好返呀！！
增強抵抗力都好緊要，
有咩可以做吓呢？運動／魚肝油／vitamin C。。。
仲有冇呢？
嘩..我見有幾個小朋友都係返學無耐就病, 睇黎我都要做定心理準備先得啦~
回覆刪除我都想知呀~ 我地今個月開始食緊魚肝油, 唔知有冇用~
回覆刪除定係比啲磋手液？但係佢咁細個人自己都唔識啦。。
刪除我之前都有比魚肝油，睇嚟都要再比返喇
返學真係易病啲. 最慘佢地一病就大人細路都辛苦.
回覆刪除魚肝油真係work咩?
我之前都有買smart fish, 但水晶梨唔鍾意食
回覆刪除另外你自己都食吓multi vitamins打底, 我以前試過喺幼稚園返工, 病到九彩, 小朋友D菌特別勁架
刪除小檬快D好返～同埋你地都小心D，補充定多D vitamin C先。上次小豆病，搞到成家都病曬。
回覆刪除我都開始擔心呢樣嘢，燒腩仔算小病痛，但我次話想畀D supplement佢食，佢阿爸都反對話無用...
回覆刪除tarebaby 返左幾日都病左一次, 而家間中都有running nose, 又唔係病喎, 我同老公傾, 其實會唔會係敏感, 可能O係學校坐既位係風口位, 因為隔離位小朋友都好似係返學時間先有 running nose...
回覆刪除唉呀, 原來個個都返學就來病呀... 好彩大家都唔算嚴重, 快D好返啦~
回覆刪除