8.11.2016

妹妹豬上學去。適應班Day 2~5

適應班Day 2
所有安排時間同第一日一樣,
唯一唔同就係妹妹豬知係返學,
心情已經大靚!!!!


佢真係好鍾意返學!

都係同啲老師打咗招呼就自己玩,佢上咗去個sir滑梯玩,
咁啱識咗位媽咪,同佢傾咗兩句,已經唔係行開,
只係個頭唔係全程望住佢,突然間佢就行出嚟眼濕濕話唔玩,
都唔知發生咩事
好在都忍住唔喊,唔知道係咪撞到吓呢??

落返嚟都肯玩其他。

第一日未知要開門,擒入去。。哈哈

呢日已經識要開門


hello~ 





老師叫小朋友排洗,就乖乖排隊



繼續扮去we we

入課室上堂喇,中文老師同小朋友玩傳波波遊戲,
傳到自己要同大家say hello 介紹自己介紹自己,
到妹妹豬手上喇
"我叫妹妹豬!"
(唔使我喺後面提,叻叻!)

放學返到屋企,

妹妹豬識話俾婆婆知道佢今日喺學校喊,唔sir滑梯
好叻呀。。記得小檬果時真係唔識講自己做過咩架
(唔比較~ 唔比較)

適應班Day 3 
雖然剪短咗,不過都可以結紮鬢邊

呢日有啲雨,好在都入到學校先落大雨。

尋日玩廚房唔夠喉,呢日第一時間玩

玩吓三輪車,對襪會否太fancy?

好難得喺課室門口影吓相。趁未返學,快啲影張先!


呢日如常玩車車/廚房,不過冇玩sir滑梯喇,唔知係咪驚左呢!

有位普通話老師見到妹妹條辮仔就同我傾吓女仔紮辮

話~ 呢啲唔係咁經常用嘅詞語,

講到我都唔知道自己講咩!
嚇c人

妹妹豬見我唔理佢,已經自己走去睇圖書!


好叻叻呀~

自己走去睇,唔使我陪!


又到排洗喇。。。


以為又係扮去we we

點知呢日真係we到呀!!!!

wow。好開心呀。。
第一次見到人we we
我自己會咁開心架。。wakaka
出嚟梗係讚賞佢啦!

入課室喇。。呢日聽吹汽球故事!

小朋友仲可以幫汽球畫頭髮添~

同校長傾談講咗兩句,俾佢睇咗啲相,妹妹豬想睇,我就話唔睇電話架。

放學返到屋企,妹妹豬識話俾婆婆知
佢今日喺學校曳,要睇電話。
真係估唔到咁快識報告

適應班Day 4

呢日上午黃雨,好在都過得快,所以下晝有得返!
原本唔係叫姐姐咁紮架,不過都幾好吖。。

我都要諗吓之後點叫姐姐整咩頭???
定俾佢自由發揮呢?

今日校長有啲野同我傾。。於是老師就帶住妹妹去玩,

佢又肯跟喎!傾完都冇搵我!
都係自己乖乖睇書


排洗。。


呢日冇得wewe喇。。可能啱啱去咗~
唔緊要,已經好叻架喇!

適應班Day 5
最後一日喇!

今日試吓著運動衫先。。一話返學校就笑容滿面

姐姐幫佢紮好嘅鬢邊出到嚟已經散晒!
我諗好大機會遲啲自己返到學校都係咁!
我再幫佢紮返條melody已經爛咗!
唯有plan b孖邊妹就算!

睇吓圖畫/玩吓車仔,

又排洗
今日又冇wewe呀。。
不過佢尋日喺屋企婆婆話已經成功咗好多次!

入課室聽故事喇!故事講小朋友返學校。。。
唔知道點解今日時間好似特別快,

落堂完成5日嘅適應班喇!

妹妹豬比我想像中更加鍾意返學!!
比我想像中獨立!
唔知道下星期要坐校車,情況又點呢??

BB生涯就快結束,準備開始上學嘅生活
真係有啲唔捨得~ 
不過對學校生活又有另一種嘅期待。。。

12 則留言:

  1. 妹妹豬適應得好快! 睇黎好快就會戒片成功~

    回覆刪除
    回覆
    1. 真係返咗幾日學見到其他小朋友做就跟住做。而家喺屋企都可以去到喇!! yeah!!

      刪除
  2. 妹妹豬好享受返學喎!!叻女啊~~~~

    回覆刪除
    回覆
    1. 係呀。。比我想像中更加鍾意返學

      刪除
  3. 生囡真係好呀~ 可以plan 下唔同髮型~ 又可以用靚靚髮夾~
    咁下星期係咪同哥哥一齊上校車呀?

    回覆刪除
    回覆
    1. 係呀。。不過又要諗吓點安排叫姐姐整便個款。。睇黎要出更表!哈哈
      下星期就兩個一齊上校車,放學可能自己一個先,因為哥哥已經放正常,妹妹放早啲。

      刪除
  4. 好叻女,咁快就適應哂

    回覆刪除
  5. 生囡真係好...(星星眼)

    回覆刪除
  6. 妹妹豬好叻女呀,咁快就適應校園生活,下星期坐校車有哥哥一齊,一定好順利嘅
    我反而擔心緊來緊點幫妹妹扮靚,我自己細個一直短頭髮所以紥辮唔叻㗎,連馬尾都可以紥到核核突突咁

    回覆刪除
  7. 妹妹好叻呀~
    自己睇書好乖!

    回覆刪除
  8. 妹妹豬好叻叻呀,咁快就已經適應左返學~

    回覆刪除
  9. 妹妹豬好叻。O仔一定唔會主動報上名來的。

    回覆刪除