2016 My Birthday BBQ Party

上星期一連三日假期
假~真係放幾多都好似唔夠咁！
星期六夜晚
妹妹豬瞓得好差，成晚碌來碌去，
瞓瞓吓又伸隻手仔過嚟拍吓我叫我拖住@@
成晚就被佢拖住郁黎郁去攪到冇得瞓～

第二日未計劃做咩嘅我，結果朝早瞓到十點幾～（奇蹟！）
冇咩計劃我哋，老公話Lunch 之後去附近嘅沙灘玩吓

好啦。。點知食飽睡魔又急call，決定眠一眠先（奇景! ）

小朋友係唔會理有人係屋企瞓咗而靜啲嘅～ 
瞓到朦朦朧朧好似聽到婆婆把聲，點解婆婆今日會出現嘅？
再諗起今朝比我裝到姐姐搣緊錫紙，
好快就被我估到
。
。
。
每年老公都會安排我啲家人朋友同我慶祝生日～
不過又唔會話我知，腆咗一陣床就出去，老公仲扮野話去沙灘
我同小檬講叫佢話俾爸爸知"媽咪知道咗婆婆嚟左喇！！"
wahaha 爸爸反而笑到呢。。。

擾攘一陣換吓衫舅父已經到埋喇～

於是一齊落去BBQ～

舅父先整啲易熟唔健康嘅食物,

好細心咁吹吓先比妹妹食

兩個小朋友梗係食吓零食／飲果汁。

契仔女一家都到喇

RB叔叔同小檬燒。。。都唔知有冇一分鐘就走咗去！

小檬操刀~美女與響螺

好熱鬧呀~ 

呢到BBQ景真係好靚～

有哥哥姐姐陪玩，我就輕鬆啲！

講到玩又點少得表舅父

狐狸先生幾多點? 12點~ 

婆婆成個大廚咁

除咗肉類，今次有帶子同響螺

真係眨吓眼又燒咗四個鐘！妹妹尾段時頂唔住瞓咗

最期待嘅切蛋糕～

好想知道今年老公買咗咩蛋糕比我！

好靚呀～

 襯晒我少女呀～

wakaka

我哋一齊上嚟嘈得滯妹妹豬又醒咗

想影張一家人合照

我都知咁樣佢心情一定唔好。。

唉~ 咩都攪唔掂，最終要絕招先得～

（好在平時冇俾電話，而家都叫有個秘密武器！）

又突然間怕醜，個頭耷到低冇再低。

好辛苦攪好耐先引到佢望出嚟影一張相。

求其有一張交貨就算（攝影C心聲）

唔好辛苦大家～

點解辛苦大家？？

背後趕晒啲朋友行埋一便唔好望住先得！

佢地順便玩掃黃 wahahaha.....

成班玩精個口笑到冇可能合得埋！！！

（記得有年就係小檬唔合作, 真係比佢兩個激C我！）

今年小檬就叻仔喇！笑容滿面

婚禮一樣。。同各親友影幅相。

攝影又好好喎。。唔使加錢都幫手講啲吉利說話。。。氹我哋笑

唔記同攝影c影添 =P

唱生日歌喇。。

happy birthday to you~ 

我好期待。。之前剛取得最佳女新人嘅妹妹豬
好大聲咁唱比我聽嘅畫面幻滅喇～ 
話唔失望就呃你嘅
不過都冇辦法，小朋友就係一種令你嬲唔落佢嘅物體，
尤其係自己仔女！

呼。。。蠟燭當然又係小檬吹


小檬就不停無限loop住唱首生日歌 

 妹妹豬呢晚唔喊已經俾足面，仲點奢望佢開金口吖

切蛋糕喇

小檬做咩個樣咁痛？？因為我夾住佢隻手去切～

攝影補足得好好哈哈

多謝老公～ 

多謝家人朋友對我嘅愛護！！
多謝NT充當攝影C