市區隱世公園

@10/10
是日假期最後一日，夜晚約咗家人晚飯，唔想走得太遠，

於是尋找之前報導嘅市區隱世公園~ 
京士拍公園
一個未去到已經冇氣嘅公園！

serach好資料之後就出發去公園附近食lunch, 買啲小食就出發～

記得之前嘅報導話係廣華對面行上去。。。

但檬爸話喺油麻地救世軍有樓梯上，咁梗係跟高人指點啦！

都唔知幾耐冇行過呢頭。。原來啲樓梯咁靚～

影返幾張靚相先！

見到條樓梯已經想暈!!!

兩個小朋友一支箭咁（睇你哋跑得幾耐！）


小檬一馬當先


我隨後跟住，

位置越拖越後！相隔身位越拖越大～

尾隨獨立好勝嘅妹妹豬繼續堅持自己行，

唯怕佢辛苦嘅慈父
忍不住一手抱起身型略胖嘅妹妹豬，
氣喘中繼續行上去！！
身型纖巧嘅小檬以大熱姿態率先到達中間休息地方。

（寫完呢時段文字都喘氣～）

妹妹豬到著


完全冇喘氣!!! wahaha梗係

回望落去，原來真係行到好高！

休息一吓就行

繼續
行。。行。。行。。


妹妹豬繼續堅持自己行

爸爸都尤佢。。因為自己都冇力冇氣 =D

唔好轉左，行錯！！




落返小小樓梯就啱


公園望返去就係落完樓梯之後嘅出口


唔使2分鐘已經到咗公園門口！ 

其實都算快～

最好玩應該就係呢條sir滑樓！

錯誤示範，踩滑梯
（剛sir完未sir晒所以起身比我影，下次唔准！）
我好憎小朋友唔好踩滑梯

公園指示5歲先玩得。。。見佢都唔太斜，我又喺隔離，
所以都比妹妹試





妹妹sir晒先起身就啱喇！！

圍住呢個小山丘不停爬上去sir落去。。。無限loop！

小檬幾有動感

兩隻猴子通山走


山丘滿佈小洞






小朋友可以抓住爬


小檬妹妹豬都試吓爬

成功咗好開心～ 

再爬山






上到山

玩咗一陣比小檬見到另一邊有sir滑樓

小檬就一路行一路同我講...

媽
咪
我
去
果
邊
sir
滑
梯
啊
。
。
。

同我講野把聲越來越細聲
都未到我耳邊
佢隻腳已經行左去!!

而且仲諗住經過兩個有小朋友swing緊鞦韆！！
喺公園，小檬永遠聽唔到我叫佢，尤其叫佢停果時！！
又要考我嘅反應喇
即刻一路大叫一路跑，一手捉住走緊去鞦韆嘅小檬，

好在都keep到靈敏，唔係小檬已經中頭獎！！！ 
好似籌款啲驚險節目完咗咁，我都要定一定神，

大庭廣終忍唔住要教訓吓佢。。。
下刪3oo字......
罰佢企喺到三分鐘冇得玩！！！！！


復活




甲骨文

諗住搵吓個草地，不過發現時間都唔早，
於是玩多一陣就去食吓飲吓休息一下，

影完張到此一遊就走。

後感 
呢度設施都算齊備，冇咩蚊咬喎（冇搽防蚊）
人都唔算多，廁所OK
我哋由救世軍果便行上去，
睇返影相時間，由地面行到上公園大約用咗15分鐘，
計埋行錯小小路同三分鐘休息時間～
其實都唔算太辛苦，當埋行山！
最特別，最好玩都係個小山丘同長滑梯！

最後假期之後應真係應該要再有假期!!!!!!