回到聖誕時～舅父家+慶祝舅母生日

繼續行程@27。12。2016

是日到舅父家攪攪陣！

舅母佈置得屋企好有聖誕氣氛呀！！！ 

連馬槽都有位擺，有位真係好

再看看家中小朋友啲玩具，唉。。。

之前我都會嘅。。買唔係問題，

一諗到要之後要收藏就頭痛，

於是開始skip呢part，實情我都好想佈置得好靚！

好靚呀。。連倚套都有！！

舅父親自下廚加外賣壽司，簡單的一餐！

舅母知道兩個鍾意食壽司，仲好有心機整咗啲公仔壽司比佢地

（媽咪一次都冇整過，慚愧中）

小檬好開心

妹妹不停食

  

聖誕禮物妹妹豬, 好可愛呀！

記得上次上嚟妹妹豬仲係一隻豬咁瞓。。。哈哈哈哈

由於整壽司時間耐咗啲啲，原先計劃早啲到科學園放吓飛機嘅，

去到小朋友都瞓晒加天開始黑，

於是係車瞓左一陣就一直接到餐廳

我哋又去多次Meraviglia Bar e Ristorante同自己舅母慶祝生日！

上到餐廳有得玩醒晒！呢晚返風開始凍，又夜晚，

同果日天氣差太遠，玩咗一陣子就要佢地返嚟！

好在有舅父點會悶吖

又有兩個舅父兩個舅母，我真係可以休息喇！！

識食梗係食雞睥

pizza，意粉都係小朋友至愛

我哋叫咗個50oz嘅牛扒一齊食，

順便叫老闆插支蠟燭當蛋糕，wahaha。。。

老闆話未見過咁正嘅蛋糕～大家咁熟，有咩就當蛋糕，唔使特別安排！

一家人一齊慶祝吓就開心啦～ 

唱吓生日歌吹蠟燭，舅母生日快樂！！