回到聖誕時~ BOXING DAY + BOXING DAY 大餐

又係早過返工起身！！！

一大清早就就比小檬叫醒。。。因為呢日係BOXING DAY~ 拆禮物！

自收到第一份禮物之後，小朋友就問我幾時可以拆，

當話咗佢地知係26號之後，小檬就知未咁快到26號

不過都每日check住幾多號。

日子認識唔多嘅妹妹豬就每日問到26號未？

起身第一件事就問我今日幾多號！！

哈哈～

小檬亦好有系統咁一收到禮物就自己寫起佢，

話要按返個次序拆！！！

真係估佢唔到～

仲畫咗個格仔，一拆咗就剔咗佢，好有條理

（食飯唔見咁有條理=____=）

戰績！

成棵聖誕樹底都係

真係瞓咗都笑返醒！！

影呢啲相真係唔使叫佢地笑，因為已經打從心底笑出嚟！

好喇。。再唔開就暴動！

揀好拆邊份未呀？

ready.....

go!!!

跟住嘅相片只會出現"嘩"嘅表情

嘩!!

嘩!!!

嘩!!!

嘩!!!

一路拆

個口都未合埋過

  拆完都好合作，同啲禮物影吓相

多謝一下送禮嘅朋友

最好笑，妹妹豬一拆到呢份禮物就話 都唔係禮物嚟嘅！！！ 

原來係對鞋，小朋友就係咁天真！！

（但媽媽就好鍾意）

小檬都有

可能小檬對有toy story公仔，

所以都好鍾意，仲即刻要著出街添

仲有手錶廣告一樣嘅pose 

太多玩具，當然冇一次過開晒，比佢地揀一樣開嚟玩！

（小檬:  媽咪你又話26號可以拆晒嘅？

媽媽: 我話拆晒包裝紙，無話拆嚟玩喎!

小檬:。。。。。。。。。。。。）

拆完禮物，就出去食boxing 大餐！！

(冇食聖誕大餐，boxing day 補返！

同場請欣賞一吓媽咪嘅辨仔

影唔到聖誕老人同鹿仔樣添=_=)

到咗間港式食牛扒餐廳食 (其實佢地食意粉)

記得小時候，只係每年聖誕節先可以食吓牛扒做聖誕大餐！

仲一定要去美而廉食！！！哈哈哈

 沒有大酒店嘅聖誕老人派禮物／聖誕音樂／

只有寥寥可數嘅聖誕裝飾，

只要一家人溫馨渡過, 

小朋友嘅我哋依然食得開心!!

食完之後，就睇戲！

星夢動物園

套戲故事簡單感人，講述平凡生活都市人（動物），要實現埋藏心底嘅夢想

教導小朋友遇到困難問題要一一克服不逃避，最終實現夢！

妹妹豬繼續坐定定睇到完場，戲中歌舞兩個小朋友都好鍾意，

情節簡單容易明白!!

小檬／妹妹豬： 希望有一日你睇到媽咪寫嘅blog，

記住都一樣要不怕困難，努力達成自己嘅夢想!!

（太遙遠吧！）