Family photo @NT photography (1 ) Nov 。2014

之前看到NT為一家四口影的一張相，很溫馨。

希望我也可以有這一張溫馨的家庭照。

終於等到B be 識坐，於是又走去影！

my family

Mother & daughter

my little lovely girl

"Hi~" 

陪你探索

親親媽咪

NT photography

又到聖誕～

話咁快又聖誕喇，上星期熱到要開冷氣，

喺滴哂汗嘅情況吓佈置聖誕樹，好似冇咩氣氛

咁啱學校派咗個聖誕樹比小檬返嚟玩，可以玩住先！

媽媽砌好棵樹，放好兩腳釘之後（比佢試吓整一粒釘）

聖誕襪，花環，蝴蝶，士的，聖誕鈴。。。

到佢放裝飾喇～

e e e e e e e e

完成!! 

留意手指公喺到讚自己

呢棵聖誕樹仲可以變化玩好多遊戲架！   

真係好鍾意學校啲遊戲，有趣又學到野，

遊戲中學習真係好開心！

Neck Warmer + 小檬語錄

天氣開始凍，想搵啲短身嘅頸巾比佢用，唔使咁危險，

不過都未搵到（其實冇特登去搵）

上星期行過UNY，就比我見到neck warmer，

雖然都驚佢唔肯用，

不過都要試吓，條頸暖，成身差好遠！

今朝成功著到！

天氣凍可以著自己外套返學校，

多得契仔嘅羽絨褸，小檬就唔使變雪條！

小檬語錄

尋晚落街買野。
已經有小小雨，幫佢帶返風褸上嘅帽

媽咪：落雨喇，媽咪件衫冇帽. 要行快啲喇！

小檬： 你好似我咁收埋個頭就冇事架喇！

原來佢意思係好似佢咁帶返頂帽，哈哈！

學校親子旅行

星期六同小檬去咗學校嘅親子旅行

上星期睇天氣報告都仲話有雨，好擔心會好狼狽同掃興，

好在到呢日來臨天氣好好，

話就係秋季旅行，不過天氣溫暖到可以著短袖衫。

第一次學校旅行，原來會緊張唔知醒瞓唔著嘅唔係小檬，

係媽咪。結果成晚瞓得唔好。。

去到附近嘅一間小學集合之後上車，始終仲係細，

小檬係未會走去同同學仔玩。

我同啲媽媽們都有幾個熟悉啲，都有傾吓講吓。

點齊人數，好快就可以上旅遊巴。

我地嘅目的地係小白鷺，老師係車再同啲小朋友再點名之後，

就叫小朋友唱學咗嘅歌曲比我地聽。佢地學咗嘅歌，

學校網有高年級小朋友嘅video比我地重溫，

所以家長們都可以識同佢地一齊唱

（唔係有啲都唔知道佢地唱咩，不過小檬都算唱得清楚）

好快到目的地






就係我地影class photo 同玩集體遊戲時間



小朋友應該都習慣咗定定排隊，
所以影class photo都比我想像中順利容易。

circle time，唱吓歌，做吓exercise warm up，
小檬啲動作細到冇咩邊個見到

跟住玩第一個遊戲，傳波波，之後就到踩腳腳。
小檬望落下面見到吹氣sir滑梯級話要玩，
唔知點解呢個時候佢扭計唔肯玩（十一點嘅扭眼瞓？）
最後行嘅時候仲爆喊。
好在之後就自由活動時間，可以走。
小檬就好醜怪，返學咁耐都冇喊過，
反而出嚟玩有我地喺到就無啦啦喊。（我諗我地都係呢埋算！）

解散就冇事，比佢激C
自由活動

餵羊羊

兄弟，唔好郁好喎!


對上一次嚟唔敢餵，今次就爭住餵。

划船仔
唔夠高

影張相等佢記得自己唔夠高，要努力食多啲。

整帽帽

整咗兩吓就要出去吹氣彈床sir滑梯，
其實爸爸已經排緊隊。

扭波波

排排吓佢又話唔要。。要走
（冇腳嘅雀仔）

Lunch Hour 
大庭廣眾係咁多家長小朋友面前，
叫佢自己畢又會勞氣，餵佢又好醜怪，
都係叫佢自己畢啦，畢吓餵吓，
點知老師巡查"小朋友，要自己畢果喎！！！"
小檬歷史上最快攞起支匙梗自己畢


要快啲喇，老師又嚟喇

(媽媽偷笑中)

我嘅偶像~ 老師

我好想呀老師每日都同佢食飯，
我諗我地煩惱少好多，身心健康啲，人都靚啲

我至愛嘅英文老師( 心心眼)


整麵包 

   

完成

我嘅作品  

可以評吓分嘛？

砌沙畫/樽

仲有啲畫手／織草草都冇玩

bubble time

玩怕醜草

玩到呢度，已經係兩點幾，差不多離開。

排隊點名上車時候小檬都已經扭吓擰吓，有好多同學仔已經瞓咗。

本來想佢上埋車先瞓，但見佢都辛苦，就抱住佢，

上車諗住換手比爸爸，佢又唔肯喎。。。

行到去旅遊巴車門口，

老師話小朋友試吓自己上埋車先啦。。媽媽好辛苦架，

嘩，又係唔使一秒就落地自己行上車，

不得不佩服老師嘅威力！（仔真係要人地教）

上到車，唔使兩秒就瞓咗，結束咗我地嘅第一親子旅行。

B be 爸爸聲

一路B be都唔係咁多聲氣，不過有一兩次會係屋企叫，

吖吖吖吖吖 咁叫

之後都冇咩聲音，到上星期開始發出個ba 音，

唔通我地教佢拜拜，佢想學？

到今個星期，講得再清楚啲，真係爸爸聲！！

佢唔係好跟爸爸架喎, 有時都唔使佢抱架？！

但係又第一個叫嘅係爸爸！

跟住問佢邊個係爸爸果時，佢真係望住爸爸架！！

（定係咁啱？）

可能佢知道哥哥已經叫媽媽先，所以為咗公平，就叫爸爸先。

果然係女女錫爸爸！冧哂～ 

期待B be 嘅媽媽聲!!

小檬叫媽媽:

”媽媽”聲

媽媽。媽媽

點笑呀 & 叫媽媽

今日你幾多歲呀？