B be 打針針 + 小檬hair cut

B be 4個月，媽媽請假帶B be帶針針

體重5.26kg ，都係Keep住中間線。

今次都唔係等好耐，不過B be等到瞓著

打針喊咗一陣又瞓返。

之後到TW商場，婆婆帶小檬嚟會合

食埋Lunch就交換湊，

我就帶小檬去剪頭髮。兩個商場話近唔近，話遠唔遠，

又冇小巴又冇巴士去到，搭的士又驚比人鬧。。。

算啦，行過去，都要成15分鐘，天氣又熱又焗，

我都驚自己頂唔順，唔好話小朋友，加上小檬應該係nap嘅時間，

於是我問抱佢好唔好，小檬居然話唔好，自己行！！

我真係好感動，佢好開心佢咁堅毅。

去到呀妹姐姐到，行到身水身汗買咗杯橙汁

佢坐喺張凳度 自己話"軒軒唔驚剪頭髮"

我再比啲鼓勵佢，最緊要係開咗盒新買嘅車車模型比佢砌。。。

好快就進入面咗忘我嘅期界，任呀妹姐姐剪都冇問題。

懊惱中~

剪完喇～

再行返去另一個邊又係冇冷氣，大約十分鐘，

媽媽就行一吓街，小檬好乖，

入到舖頭就同啲sales姐姐玩，媽媽可以睇吓衫。

行左幾間已經又有餅又有糖。

好喇。。。真係要走喇。。唔係佢一陣子瞓咗我又要抱佢。

行咗落樓下有村巴，等左5分鐘，上到車仲話好大個窗睇野呀~

我話係呀。。。。之後冇反應，

完來已經瞓著咗！！

梗係，平時食完lunch已經要nap撐到而家5點幾！！

小朋友嘅後備電真係好勁！

好開心佢行咗咁耐都冇扭過話要抱，成日都係自己行，

小檬真係媽媽嘅乖乖！

B be @ 4Months

B be 4個月喇~


多一個B每月嘅成長紀錄又好似寫得密咗！
我要每星期自己記低啲，
唔係好多野都唔記得喇！

上星期已經開始想反，喺high chair成日打豎個人，所以一定要綁安全帶，
一有機會，或者有人睇住就會比佢喺地墊到玩，等佢都可以練習吓。

捉住毛巾／公仔／玩具已經可以，頭仔已經兩邊擰，頸仔又好叻咗，已經可以自己支撐。

笑，同佢玩已經笑到ka ka 聲，笑果時好豪邁，頭仔都會向後遙。。哈哈

食。之前三個鐘一餐，而家一開始食喺到玩玩吓，又或者要扭一輪，
婆婆好有心機去縱佢，喺咁搖住比佢食，
我就唔會啦。。。於是我叫婆婆4個鐘但係加多啲份量，
真係習習聲食哂，夜晚有時九點幾食完就瞓到第二朝，好瞓得！

可能小檬哥哥唔大隻，諗住女仔仲細粒，
所以B be比我預期大隻！ 
有好多衫仔已經唔啱著

買6~9嘅衫都好似啱啱好咁 =_= 

買B be衫真係好難

情深款款望住邊個？

NT哥哥：望吓鏡頭啦

笑吓個樣咪女仔啲囉

哥哥都有嘅瞓教碌!!

肥妹仔準備去沙灘 

行開一吓，就咁喇，

嚇C媽咪

呢位小妹妹想點呢？

開心去飲茶

笑得好豪邁

清純小白兔, 媽咪至鍾意

Bikini Baby~

sweet baby

O吓咀先

World Cup Baby

(不過佢好似唔多鍾意)

圓x3

圓中圓（多謝媽咪上司禮物）

仲有錫我嘅屋企人~

爸爸的情人

媽咪 & 哥哥

B be繼續努力呀!

反喇反喇～

前個星期已經打則身，今個星期先嘗試反身

估唔到尋日返到屋企已經成功反身喇！！

一下就得, 仲好穩吓添~

反住身繼續食手

驚佢累，反返佢啦，

點知佢唔鍾意。。喺都要再反～

明白嘅，人地啱啱識得反，梗係好開心唔肯停啦！！

睇返blog小檬係4M5D先識反，

估唔到B be差2日先4M已經識！！

爸爸出trip之獨自去街街

父親節，爸爸在出差。

難得假期又想同小檬B be行吓玩吓，

於是媽咪約了表舅父／表舅母。

有勞表舅父到我地屋企車我我地

小檬Ready ~

多謝GG 母母嘅麵包超人嘅袋仔

自拍比爸爸睇吓先

好在早去到車位都好容易搵，先去醫肚～
Al Molo Ristorante Italiano 

Brunch 

(呢間多野食過BLT)

影吓比爸爸睇, 冇得去都睇吓嘛 =p

小檬好開心，咩都有食啲，

param ham, smoke salmon....

可能有人同佢玩開心啦！

啲碗同匙放埋一齊話係tortoise喎。。小朋友真係好想像力。

B be食飽奶奶就喺到瞓，等婆婆同姐姐都可以安樂食吓野！

食完，表舅父母先同佢行去睇玩具。。

我已經吩咐小檬同佢地講唔使買屋企有，佢真係好乖，

話買比佢都會話屋企有，唔買。淨係摸完玩完就bye bye 玩具。

有啲佢唔鍾意嘅話買比佢佢會話唔好，唔係樣樣都要嘅。

今次比佢試, 佢終於肯玩喇，嘩。。。。。哈哈

玩完之後就行去食雪糕，

價錢唔平。。。不過真係好滑！！

兩個靚太湊仔

行到樓下見到呢個世界杯公仔，於是影吓相喇！

叫小檬坐定就難過鬼，一張就走人

再捉住佢同B be 影

好在仲有乖乖嘅B be～

好開心嘅B be

差不多掹跌個鼻

大合照

鏡頭一轉，小檬就同舅父玩跑，齋跑都好開心！
 佢一開心就一字馬。

表舅父半個番書仔，都係free style，尤佢亂咁跑，
好在果個area冇咩人，

不過我做呀媽嘅就驚，捉到我呢 ~

過咗小檬嘅nap time 好耐，佢又用後備電，

婆婆都好累，飲埋橙汁休息一吓就返家！

雖然四個湊兩個，但係都累到C!