教教豬

小檬BB時候瞓教都算乖，一教瞓到大天光。
大啲呢，可以放落床仔自己瞓，有時就喺我地床唱吓歌仔拍拍吓就瞓，
之後返去自己床瞓（雖然有時要戰鬥好耐）

過咗1歲，放佢喺床仔，自己碌吓碌吓，反吓反吓就瞓，
我叫佢做"煎魚"

通常瞓教時間係9點幾，但復活節果排就夜咗，
試過11點幾乎12點都唔肯瞓。
仲喊哂lur住出去玩！
前一兩個星期間唔中都有咁

呢晚又係，眼仔耷哂都唔肯瞓仲要reading！

本來啲中文字咭比婆婆同佢玩，結果開咗比佢玩


呢件冷衫仔，係cashmere嚟，薄薄地又柔軟，
佢著住先瞓到教，隻手仔摸摸吓袋仔粒鈕先瞓到


有一日未瞓醒眼瞓唔肯比我除添，結果拎埋去婆婆到
（我諗人人都有啲瞓教命根，我細個都有條霉霉爛爛嘅毛巾攬住瞓，
到好大左都唔捨得揼）之前佢喺床仔撐哂隻腳仔出嚟，
多得Apple 媽媽提醒原來我仲有套床圍
所以，而家圍住哂淨返床頭可以喺到裝吓佢。

呢個星期，乖返喇，肯喺床仔煎吓煎吓就瞓，
又或要伸隻手去拖住佢瞓，都好sweet架。


都係一教瞓到天光。