日本4日3夜親子遊~ Day 1

Day 1

我地班機朝早9點幾，舅父好好車我地入機場。
5點起身，6點落到樓吓等舅父嚟，

"起身去旅行喇!! "
摷咗幾次小檬終於起咗身，
佢出到客廳見到黑媽媽就話: "仲係夜晚嚟，要瞓教架"
我話"唔係呀，要去旅行喇，舅父嚟接我地"
佢突然一句

 "乜旅行要夜晚去架？？"

比佢笑C我

順利出發到機場都未夠7點。
於是食早餐先。
之後就hea吓hea吓check in
say bye bye 行李(一大一細)

過關 yeah~ 

過關都算順利，
我地隻手忙緊拎證件，都可以叫佢自己行。

登登登～





其實唔係呢班機

第一次坐飛機, 好興奮呀

飛機咩都好新奇，問呢隻係咪飛機隻翼，
跟住好快就叫我講去睇荒失失企鵝果日
講咗唔夠5分鐘已經瞓咗@@
兩張相相隔唔夠10分鐘


連飛機都未起飛就瞓咗～ 
我地冇帶啲飛機枕呀。。叫服務員比咗個枕頭佢咋
（我嘅行李盡量簡潔，方便掃貨返嚟有位裝，唔使再買o急 =p ）

佢瞓咗我就自由喇, yeah! 
睇咗alan tam40週年紀念個特輯聽吓歌/單身男女2（好感動呀）
食埋我嘅飛機餐大約三個鐘幾鐘之後，
小檬就醒喇！
一醒就問我：媽咪，飛機起飛未呀？ wakaka


食吓佢嘅child meal 之後睇咗一陣電影就準備降落。。
開始見到啲雲


好似棉花糖，好似馬。。好似大象。。咩都話似。

小檬仲識教我下次唔好坐呢到，
隻飛機翼阻住佢睇野喎 =___=

(我地上網畫位已經冇窗口添呀。。仔，
好在後來地勤姐姐姐幫我地安排返咋)

好快就降落喇
啲氣壓都冇令佢隻耳仔唔舒服，或者有佢冇講！
之前已經買定啲糖呀。圖書呀比佢
喺飛機萬一扭計用
咩都唔使就落機, 叻仔! 


順便教育一吓，我地住喺香港飛咗嚟日本。。。
雖然唔知佢明唔明，
不過講咗先算

到左日本都不忘平衡～  


過關超多人～
啲關員不停將前面排緊隊嘅人疏導去另一邊，到我地時，
我要求stay佢又比喎，因為佢已經疏導咗差不多4/5嘅人走，
淨返我地排幾個就到，如果跟佢可能仲多人。。
頭先係前面果啲咪又喺返到～

本來想買個小o急仔比佢，
不過諗諗吓都係找自己麻煩多啲
佢就好開心推住我個o急

好快過完關，爸爸帶小檬去VV，起飛之前都VV咗，
喺飛機冇叫過要去。不過我為安全起見都有著片。
唔想果啲起飛降落要去冇得去就麻煩

攞埋行李就去搭Airport Limousine


搭巴士嘅好處就係唔使自己拎啲行李door to door


拖住小朋友就方便啲，不過車程就耐啲。
大約個幾鐘就到酒店，全程同我唱太陽伯伯（因為今朝黑媽媽起身見唔到）
同玩我啲手指就到。


攞咗房，第一時間就係碌床啦


呢間房都算大

兩張單人泊埋一齊真係點碌都得。
媽咪梗係唔比佢碌咁耐喇！

快啲起程～

到咗新宿區，又教吓佢先
媽媽：我地酒店喺新宿，日本裡面嘅新宿
過咗一陣，爸爸問小檬：我地而家喺邊呀？ 

小檬：拉叔
我們有個舊鄰居朋友叫拉叔 wahaha ....

我地酒店行出嚟唔使5分鐘就呢到
影張相留念

暴走@新宿

發覺企定定係影唔到嘅，
就叫佢跑過嚟影相
用IP連拍真係好得，不過亦要不停刪除啲相先得。

今天食野唔多，於是決定食咗晚飯先。

行行行


行行行


點知到咗蟹道樂居然冇位!! （乜冇位好出奇咩？｜）
唯有book好時間喺附近行吓等，
正好係伊勢丹
我就去掃cosmetic／skin care
爸爸同小檬就上童裝同玩具部。
我地出發前就租咗2隻WIFI BB方便行行吓分開行方便聯絡。
(不過有啲盲點都係收唔到，奉勸朋友們唔好噪)

於是一個鐘頭掃貨時間完我就上童裝搵佢地，小檬就不停咁玩。
呢到地方又大，又冇咩人（可能星期五），於是小檬真係任玩！

barbie

調轉哂人啲日期

樂器

砌砌砌

而我又要去巡視業務睇吓有咩小朋友物品可以買。
雖然話Yen平，但呢到啲價錢都偏貴，
我就喺"ship"counter買咗兩件TEE，一場嚟到唔買唔安落
小檬都一樣，好想買一樣野，不停改變主意。。
最後買咗個zoo（哇，咁大盒，點拎呀？？？？）

算啦，我喺香港都想買比佢玩嘅。
唔記得價錢有冇平咗，應該有嘅～
(不過後來發覺喺Big Carema仲平)

跟住就去食媽咪最鍾意嘅蟹

我地嘅小偏廳，全部都係香港朋友～ 

cheers ~

啜啜啜

全蟹小檬冇啖好食，於是我特別問可唔可以比碗白飯我，

吖，又明喎。。應該免費，仲有紫菜醬送飯

煤燒蟹腳

好好味呀

蟹粥，冇咩驚喜

小檬已經唔食蟹，為迎合小檬嘅口味，
唯有比啲煎炸野吸引佢，
炸蟹腳( 反而麻麻)

小檬：媽咪咩嚟架？
媽咪：薯條啲friend呀！

 真係即刻食喎！ 哈哈～
（有時我都幾佩服自己啲創意！！）

蟹棒壽司, ok 

好鮮甜嘅蟹蓋

(小檬開壇)

入鄉隨俗，自己著鞋，唔使我操心喇

侍應EE送嘅蟹帽

捉住影張先

影完有個日本姐姐問我可唔可以同佢影張相。

小檬都好合作，自己笑吓比人影。。哈

食完就返酒店喇

夜暴走


經過返酒店途中見到一蘭

媽咪: 爸爸，一蘭呀。。唔使排隊喎，不如你去食啦！
（其實我唔知係咪真係咁好食,  因為我未食過）

爸爸：條隊排左喺樓下呀！ 

=____=

行返酒店嘅5分鐘路程，有間藥房。
於是爸爸同小檬同返酒店先，
我就掃貨喇～
呢條樓梯想點？

咁都要扮電梯 ？？ 

 平時去日本已經停唔到手，而家yen咁平就更加停唔到。
我已經好克制架喇～有啲洗面膏買定返嚟做存貨都抵！

是日宵夜

綠色可樂
(所含的糖份和卡路里，比一般可口可樂少1/3，甜味由糖和甜菊葉天然提煉，
一罐330毫升的熱量為89千卡路里)

不過唔知點解好似冇咩氣，
有啲似走咗氣嘅可樂咁

待續