3.25.2015

日本4日3夜親子遊~ Day 2 (下)

補充少少資料先
上野動物園
http://www.tokyo-zoo.net/zoo/ueno/
要注意休園日期(通常星期一)

呢到可以睇到香港冇嘅長頸鹿/獅子/老虎/大象/黑熊/北極熊,
又唔使喺大陸比人推背脊,真係好開心
動物園都好好行,每個動物之間都唔算遠,好快就有另一隻動物睇。
如果冇帶BB車,動物園可以提充,不過好似要比錢。

地方乾淨,小朋友跑跑跳跳都唔使驚撞到
如果撞啱時間睇埋櫻花就perfect喇!!

動物園地圖


離開咗動物園之後,
我地就沿住行出去欣賜公園。

呢位小檬呢,經過幾次嘅暴走之後,

就唔走唔安樂



好在都捉到佢一兩張相

風景好靚,又扮少女留倩影喇


同小檬嚟個深情對望先


難得有笑容合照


行咗15分鐘左右到喇 
好靚~

見到啲小食檔
買咗多啦A夢食人型燒食。

佢好欣賞喎

小檬有野食,好乖乖咁自己食。

行多兩步,就比我見到兩眼發光嘅




櫻花




好靚呀!




上野動物園搵朵睇吓都冇,
我都預計今次見唔到櫻花架喇
終於喺到比我見到~

於是媽咪唔怕醜又少女上身


叫爸爸狂影~





扮賞花揸住支花先~







小檬仲食緊個人型燒,唔得閒理我
我見冇人等,於是狂影,到有人等就行開比人影
(周圍啲人應該暈低哂wakaka )

點知小檬見我行開,自己走埋嚟楂住支樹支影!
哈哈哈哈,真係比佢笑C,
佢而為好似我咁揸住就得( 佢應該唔知精髓係啲花
周圍啲日本妹食到卡卡聲,喺咁kawaii

咁難得,都要同小檬影張嘅

媽媽用盡所有力,將佢托高


其實我地只係喺呢棵咁細嘅櫻花樹到影
扮到好似好多好勁咁!! 

圍住呢棵櫻花都玩咁耐,終於影完捨得行,
 小檬離遠又見到佢最愛嘅sir滑梯,雙眼發光叫sir滑梯呀!
佢通知我一聲之後就一支箭咁標咗去。
(我要求佢自己行開之前同我講一聲先可以走,
不過有時掛住玩就唔記得)







woo....


好煽,成個patpat煽到跌落泥地..哈哈


玩完滑梯就到打韆揪 



玩咗10分鐘左右就走


行到出嚟呢個神舍門口
終於見到啲大棵啲嘅櫻花
於是都叫人幫我地影張相留念

對面馬路就係美橫丁,抱住佢過馬路. 知佢眼瞓等佢瞓
就係一條馬路時間小檬就瞓咗,
佢頂左好耐,一知冇得玩做就會瞓。

爸爸話呢間魚生飯出名平又好食喎。於是我就食呢間魚生飯。
估唔到呢隻喺動物園買嘅企鵝就暫時變咗我嘅travel buddy陪我食飯。

其實我唔知道老公喺邊到睇呢間野,不過我覺得麻麻,
好在價錢都唔算貴

老公唔喺好食魚生,於是就搵間拉麵舖食住等佢瞓

諗住買吓手信,點知咩都見唔到
之後再行咗一陣藥房(係,又行藥房)
就同老公會合。
前前後後小檬都瞓咗個嘅鐘!

小檬瞓醒之後,爸爸利見到間五層高嘅玩具店(做得好!! )
於是我地男女子組分開行

我自由喇~~

雖然係火車站啲細舖仔,但啱睇嘅話一兩間都買到夠!
喺到居然買咗三對鞋,我隻腳細,一有啱size就會好想買。
其餘都買買買
佢地5層都行完, 買咗隻搖頭dancing嘅woody
嚟接我放學喇,於是又繼續行程。

按住原先plan好嘅行程落池袋,去到已經差不多7點,於是就食晚飯。
我地決定行到邊食到邊,唔睇啲咩推介,
小檬揀咗呢間兔仔喬麥麵。好食喎。。

揀咗炸蝦比佢


都係薯條啲friend嘅類,都肯食,食哂成碗麵

本來想去sunshine city,不過時間太晏,已經關門,
行咗一陣toyko hands 
戰戰鬥力下降,就返新宿。
(事後檢討唔應該落嚟,好似有啲浪費時間)

呢晚已經冇咩力暴走喇

返到新宿,呢個小朋友都堅持自己行。
雖然慢啲不過佢肯行,都算係咁。
見佢累都話抱吓佢,佢都唔使。

我望到啲樓梯都要停低唞唞,佢都堅持自己行~好野

過馬路抱吓佢都唔比我影,應該唔想比人知

多得舅父安排,
呢晚都有同妹妹face time! 

hello ~ 

是日燒夜,綠茶雪糕餅。
媽咪個樣累爆,唔想嚇親大家
zzz zzzzz ZZZZZ

15 則留言:

  1. 媽媽好少女呀!小檬好乖呀,自己行!

    回覆刪除
    回覆
    1. 唉。。都孰女啦,仲扮少女,好快我就變婆婆咁樣。。青春呀~ 青春呀~

      佢的確抵讚嘅,肯自己行咁耐!

      刪除
  2. 最後張相好靚女呀,哈哈哈哈哈!

    回覆刪除
  3. 好叻仔,唔駛抱,我好期待呢一日

    回覆刪除
    回覆
    1. 小檬真係好肯自己行,好快喇!南瓜仔應該都行得好好架!有冇扭抱呀??

      刪除
  4. 櫻花唔使多,影到少女相就夠
    上野係個鬼地方來㗎,我每次去東京臨走最後一站一定係呢到,因為有心慢慢揀一定會買到又平又抵嘅嘢,而且有間好大嘅零食店,可以買手信同零食返香港

    回覆刪除
    回覆
    1. 係呀。。。所以幾朵花都玩咁耐
      我之前都係最後一站嚟呢到。
      反而我今次見唔到買野食手信舖喎。。。

      刪除
  5. Gen Mami:
    ~小檬好有活力, 真係由朝到夜晚, 都見到小檬助跑嘅相!!
    ~Yeah, 今次都賞到櫻花, 你哋去日本都好合時
    ~妹妹, 對住facetime 個樣好似覺得好新奇, 好cute 呀!!

    回覆刪除
    回覆
    1. 你好呀。。其實唔算合時喇。。如果遲多一個星期就仲好。啲花開傳說多啲

      小檬真係要走住先可以影相呀。。哈哈

      妹妹應該都知同緊我地講野嘅

      刪除
  6. 大情人攝影技術好唔錯, 靚人靚景~
    我都好想去旅行呀~~~~

    回覆刪除
    回覆
    1. 根據攝影大C意見,係因為model 本身靚,同攝影技術唔太有關係。
      你好快有得去架喇。。。坐月尾聲,去住啲離島頂住吓先啦

      刪除
    2. 唔得呀, 要好似你咁去日本先得~ 哇哈哈

      刪除
  7. 啲櫻花相勁得, 最鍾意同小檬情深對望嗰張
    妹妹個樣呆呆哋好搞笑,像是在說 : 點解我冇份嘅, HAHA

    回覆刪除
  8. 小檬揸樹技果下真係勁可愛,抱起拎櫻花果張,同檬媽一樣咁靚靚呀!

    回覆刪除