元宵佳節。拆利是

元宵佳節小檬學校都有華服日

呢個小朋友幾時都咁開心 

學校好好，會安排當日食湯丸

等小朋友認識傳統節日，

問返小檬，平時喺屋企咩都話唔食嘅佢都話自己有食！

有圖有真相

夜晚我哋都有喺婆婆屋企食湯丸

希望小朋友都繼續 keep住呢啲傳統。

返到屋企梗係第一時間拆利是～

妹妹豬好明顯唔知發生咩事。。

哥哥就好努力咁拆

側邊嘅我，一拆一驚心，驚佢拆爛

妹妹豬拆拆吓攞本書嚟睇

妹妹豬識貨：書中自有黃金屋

成疊銀紙

真係好開心==> 媽咪 wakaka

小檬大個咗，知道呢啲喺錢，可以買野。

至於數值方面，平貴都識少少

（所以我先返起同舅父買玩具呢一幕）

於是俾咗＄100小檬自己揀野買，剪頭髮樓下有間賣lego，

佢揀咗盒警察電單車。

自己俾錢

妹妹就俾咗＄10，入去零食店自己揀，

雖然零食冇咩益，不過小朋友都係買呢啲野先開心

佢自己行咗一個圈，

媽媽介紹哂啲零食俾佢聽

佢都係揀返麵包超人棒棒糖。

自己俾錢. 買咗兩支

記得小檬應該兩歲幾先夠敢自己俾錢，妹妹豬相對大膽啲

返到去接剪完頭髮嘅爸爸，

仲肯送一支俾妹妹姐姐添～乖

小檬語錄~小檬"睇"玩具

小檬識講好多野之後，好多都冇再記錄

突然諗起呢件事，要寫返低佢。。。

細個時睇玩具, 永遠都係話下次買

到大咗啲, 我就成日話屋企冇位，唔再買玩具，

於是佢睇玩具果時, 唔會扭要買

就會話等買新屋企/買咗大啲屋企先買呢個俾佢，

每次聽到我都會好感動，覺得佢好乖，好生性。

小檬舊年十月左右，同舅父喺百貨公司玩具睇，

佢叫舅父拎一盒都大嘅lego睇，跟住問舅父

小檬： 呢盒幾多錢呀？

舅父： 二百幾

小檬：即係貴唔貴呀 ?!

舅父：小小貴啦。。。

小檬即刻話：咁你放返上去啦~ 

再拎第二盒細啲嘅問

小檬：咁呢盒呢？

舅父： 一百蚊

小檬：咁呢盒平唔平呀？

舅父：都平啦。。

小檬：咁我要呢盒啦!

其實由頭到尾都冇話買玩具俾佢，

不過舅父見到小檬咁乖，都忍唔住要買俾佢。

從來冇刻意教佢，不過我諗可能我日常生活都會話太貴唔買。。

要平嘅先買,小檬 自己領略到，

keep it up

人生好多事情都靠你自己領略！

妹妹豬hiair cut@24M

小檬同妹妹豬一出世就好多頭髮。
小檬短頭髮，頭髮又長得快，真係好快就要剪，唔係成日督到眼仔。

妹妹豬呢，睇返一年前啲頭髮長左好多，
中間只係修過一次整齊啲等佢繼續留長，長頭髮真係可以懶啲。
見就嚟又要去interview，於是又走去搵妹妹姐姐。


好羨慕呀。。妹妹豬咁細個已經長頭髮
我細個時婆婆為咗容易打理，未試過留長頭髮架！！
直到中學自己先留長頭髮

記得小檬大左啲都唔喺咁鍾意俾姐姐剪，不過一出動薯條同i pad就得，
梗係平時冇咩機會接觸ipad嘛
而妹妹豬呢，對上一次媽咪抱住就冇咩扭計，今次大咗啲，
都驚佢會唔肯。不過好在髮型屋對面係麥記，
有咩事都可以即刻買包薯條頂住。

一去到，同妹妹姐姐聯絡吓感情就開始。
初頭諗住抱住佢，但姐姐話自己坐圍圓凳會容易剪啲。
之前小檬好僧著件袍，所以我自己帶定私家畫畫袍，
好在今次妹妹豬好叻唔抗拒

因為我唔記得帶！

開始剪喇。。

估唔到妹妹豬好乖乖咁自己坐定定唔郁

應該已經眼瞓我以為佢實扭計，點知咁乖
妹妹姐姐話佢兩個算喺剪削咁多個之中，算好乖唔郁嘅小朋友

雖然果時小檬都算乖
不過都總會擰轉頭望吓姐姐，妹妹豬就好淡定，
食住粒姐姐俾嘅糖就剪完個頭。  

 

實髮型上冇咩轉變，都係修吓 

小檬都順便修吓啲蔭

其等完哂interview之後，我就會考慮同佢轉髮型，
媽咪細個俾婆婆剪個冬菇頭話容易打理，
我諗係時候一代傳一代。。。 嘻嘻

偷博 。[初十四] 團拜@Cindy HOME

又偷野喇。。。

[初十四] 團拜@Cindy HOME

而家啲歹徒好猖狂，大家小心！！

呢日好大風，有啲凍，不過小朋友都玩得好開心

希望下次可以玩耐啲！

妹妹豬@23M

23M@19/01/2016

兩歲前嘅呢個月, 妹妹豬又叻咗

食
依然咁鍾意食野，好為食，
如果口裡食緊野，你同佢講一陣俾其他野佢食，
佢就會即刻將口裡面嘅食物lur出嚟！

 不過佢就會食物lur到口邊，

等你用手或紙巾接住（以前小檬唔理有冇野接住會照lur）
算咩都鍾意食，反而奶奶會飲唔哂，不過都冇咩所謂，

其他食物足夠就得,
好肯飲水，飲湯，食生果, 但呢期話唔食肉肉,

成日要自己筆，唔使人幫，都算筆得唔錯

瞓

聖誕新年假期節目多，keep唔住9:30瞓，

朝早就會自動瞓晏啲，自己調校到有10至12個鐘睡眠。

入房之前繼續會好開心咁同我哋講bye bye,
 繼續鍾意拖住媽媽手手瞓

說話能力 

到咗兩歲之後，講野突飛猛進。

有日同佢上朋友家拜年，由於喺屋企樓上，

所以都係求其著對鞋仔就行，入到lift先醒起冇著襪仔，

唔知喺地下玩會唔會凍，
我就同婆婆講: 哎，唔記得著對襪仔添
點知突然間一句 "唔緊要啦"
當場嚇我一跳，仲諗係咪小檬講野，

點知係妹妹講，冇想過佢已經識回應，仲要咁老積！

爸爸同佢扣衫紐，扣咗好耐，佢問爸爸得未？

妹妹生日，婆婆叫佢快啲瞓，瞓醒媽咪返嚟同佢去街，
佢問婆婆 : 今日咩事？

公園見到花花，自己走埋去話妹妹鍾意粉紅色

問題係我未教佢粉紅色，為interview先教佢紅綠藍綠色，

其他顏色冇教，唔想混淆佢, 呢一刻都唔知道點解佢會識
之前妹妹sir緊滑梯其他人唔準玩, 而家乖咗，

會叫埋啲姐姐哥哥一齊玩

呢個月冇咁怕陌生人，warm up時間短咗，都肯開口叫人。

成日整埋啲古靈精怪樣，俾哥哥仲鬼馬

活動能力

鍾意上落樓梯，不過仲未好叻。
暫時都好肯自己行，都有試過扭抱，不過都係累果時先會。
BB時坐car seat好似有蛇咬，而家乖左好多，唱吓歌，玩吓就得
鍾意唱歌，哥哥聖誕節啲歌已經識唱哂

今個月生活照一張

妹妹豬  : "妹妹鍾意粉紅色" 

猴年。初四。五。六

年初四

去睇戲, 估吓我哋睇咩戲？

the good dinosaur

過年之前一月中Ron EE已經喺書局買咗本the good dinosaur俾小檬睇，

果時我先知有呢套電影。

之後，每一次喺電視巴士雜誌見到呢套戲嘅廣告，小檬都話要睇。

假期點可以唔帶佢睇！！

後面廣告牌不停咁轉，終於捕到

小檬緊張到呢

特登著件恐龍衫襯返架

原來入面有大牌影，早知唔使咁辛苦！

小檬keep住呢個"roar" mood~ 

妹妹豬可能有啲驚？

呢套戲好好睇呀。。有教育意義，又有啲笑料，又溫馨。

今次妹妹都係可以順利自己睇完，不過其間有啲眼瞓，好在都頂到。

小檬當然更加投入啦！

睇完戲就食野周圍行吓，好耐都冇行過i square呢度。

天賜良緣(咁快？)

天天開心

天天平安

天生麗質( 啱哂我...wakaka)

天下第一

今年啱哂Milo啦

小檬扮嬌俏？

行完大運之後，又返婆婆屋企，有啲朋友嚟玩，

好耐冇見嘅舅父花女

小檬突然間整啲古靈精怪樣引人笑

。年初五。。

呢日早啲去shopping

點知小妹豬又喺車瞓咗，

今次輪到我同呀仔去威先！

食拉麵, 好在等咗一陣就有

唔會去啲咩蘭排隊，對拉麵冇咩特別感覺嘅我，

上次食過, 居然覺得呢間老虎拉麵好食

所以今次再encore

叫咗麵呢個小朋友先同我講要去廁所。。。 =___=

媽咪唯有面懵懵咁同人講我哋去完廁所會返嚟！ 

其實真係好怕呢啲情況，又要周圍搵，又話急，

頭先經過問又話冇。。。真係俾佢激C！

終於安落嘆拉麵，小檬可以自己食到半碗，

自己筆，叻仔（好少可）

食完就買份情人節禮物俾爸爸～ 

妹妹醒咗行咗一陣書局就食雪糕

小檬其實都麻麻哋可以自己楂，不過都要俾多啲機會佢

妹妹豬呢，就一定要自己揸，唔係就發哂爛咋！

不過佢更加容易跌咁，如果真係成杯跌咗真係唔知佢喊定我喊喇！

唯有整個安全網

終於氹到俾我揸住。。。食到先個大賊咁

唔係我整架。。。係佢自己成個咀塞落個筒到

跟住就舅父公司開市食飯

食完飯，仲有叔叔嚟搵我哋玩

小朋友啲睡眠時間越來越遲。。。。

。年初六。

妹妹豬要返音樂PG

遠離病魔，妹妹豬心情好返哂，繼續可愛

返完之後就去咗食飯，買片片。

仲扮去咗日本。。。

撈金魚

賣人型燒

底褲熊，開始見到啲底褲會笑

小檬梗係要"睇"玩具啦

佢睇玩具，係要睇埋啲英文名，讀完哂先走。

兩個pose好正

又玩完一天