送羊迎猴。準備

過年前啲天氣忽冷忽熱，妹妹豬都唔知幾時凍一凍，

年廿七開始發燒，有少少鼻水，日頭冇事，夜晚又燒過，攬住佢咁慶，

自己都瞓唔到，又累又擔心 zzzzzz

帶病嘅妹妹豬心情麻麻地，咩都扭吓o爹吓，

湊佢又要出多兩分力  zzzzzz

通常年頭忙完小檬生日會，第二壇活動已經謝哂

加上妹妹豬咁，我都已經冇哂力

準備農曆新年呢壇活動，簡單啲就算，唔想太辛苦自己, 

不過中國人過年點都要準備一吓嘅

執柑

多謝同事去果欄買埋返嚟，送俾我，我哋已經冇諗過去買

大熱車厘子

去得果欄，梗係買埋大熱車里子，多謝同事送到我手

吉仔。揮春

準備收爐

臨收爐果日先記得自己今年唔記得買吉仔，好在又有好同事，幫我準備埋 

公司附近有呢啲特別車花揮春賣，快手買幾個

年廿八

第二餐團年飯（契媽媽煮） 

一個人整咁多餸，真係勁！！！

燒肉

蟹肉蒸蛋

鮑魚生菜

黃金蝦

蒸魚

翠玉瓜肉甫

元碲

薯仔炆雞翼

  

唔好諗住小檬爸爸咁乖入去幫手，佢其實斟緊可樂=__=

  

契媽媽仲準備好壓歲錢

（媽咪又係未準備=__=" ）

 咁高興，玩咗一陣射籠門！好明顯知道邊個中柱

本來諗住食完飯，一齊行吓花市，

不過妹妹豬發燒，都唔可以再吹親，都係返屋企休息

 年廿九

真係要執吓屋，佈置一吓。

除咗自己買咗啲揮春之外，

小檬學校都準備左啲派俾我哋

仲有利是封 

 小檬大個啲，可以幫吓手

 雖然少少病，不過妹妹豬都係唔執輸

 成功

特別買咗呢張"夢想成真"俾妹妹豬 (其實應該俾我)

希望佢入到啱佢嘅幼稚園，開開心心就得!

唔知咩事，佢係都要咪埋眼仔影相，可能許願中

  年桔

年花

 仲有小檬親手畫嘅

 最後就係小朋友至愛嘅全盒！

倒倒倒

妹妹豬等咗好耐。。。

 

病病哋都唔敢俾佢食，最後都係俾咗少少

  

 準備好哂就出去食婆婆家嘅團年飯

特登著哂紅色衫，可以影張賀年相

 妹妹唔係咁舒服，所以都有啲扭計，不停o爹爸爸。。

好在都唔係十分呆，仲肯玩

影完就快啲返屋企休息

媽咪等兩個小寶寶瞓咗先有時間準備利是。。。

迎接猴年嘅來臨～