小檬假期作業。賀年醒獅

小檬學校有長假期就會有本假期作業要做。

我諗學校都想小朋友keep住有啲功課做吓，

唔使全部時間用嚟玩，時間應該要分配好

um。。。我自己細個呢，

都通常係玩到最後果幾日先做 (o殊...)

小檬一收到呢本作業已經話要做（佢好鍾意做功課）

我怕佢一次過做哂，所以我阻止咗佢。

過年啲節目實在太豐富，

我哋都係最後兩日先拎出嚟一次過做

（做呀媽嘅應該要再教育教育～）

我真係好欣賞學校啲作業，插圖好靚，

啲公仔唔老土，我記得我講過同我覺得小朋友對得靚野多，

自己嘅陪審美眼光都應該會好啲。。哈哈

終於搵啲時間坐定定做作業，

咁簡單成本唔使10分鐘就做完～

除左第一頁！！！！！

請小朋友用不同的物料創作賀年醒獅

雖然得一頁，又唔係立體。。。但放緊假嘅心情極度懶散，

係唔想郁手整呢整lu

於是佢媽咪又拖多兩日。。

到返學前嘅呢日，要的起心肝喇～

賀年用品。。都係最普通嘅利是封，糖紙，瓜子。。。

每樣執啲就返公司開工！

（不過返到公司先發現冇帶利是封=__= 

好在我平時都有啲利是封keep喺公司）

醒師，我諗咩顏色都有啲啦～

今次嘅創作好大膽。。因為我冇事先plan好咩部分用咩材料，咩顏色。

淨係諗住見野就黐。。快啲攪掂

一嚟黐咗啲瓜子做舌先，驚唔穩。

瓜子肉做牙

藍色金幣紙，是但貼啲，多啲顏色熱鬧啲...wakaka

買糖果時，見到自己好耐冇食嘅樂家杏仁糖，

買左盒俾自己食，所以快手食幾粒，用啲金色紙做鬍鬚

媽咪肥都因為你咋

黑瓜子就做眼睛,  點睛後生猛哂

粉紅色金幣紙/ 黃色利是封做吓頭髮

（好在呢包Forzen 有粉紅色同藍色）

隻角就用金色利是封啦

整到最後，鼻側邊果兩粒波波，諗起啲醒獅都會有啲波波彈吓彈吓。

於是靈感一到，就用啲咭紙摺條彈弓，

用綠色利是封剪個圓形彈出嚟～

條彈弓真係要再慢鏡睇一次  

我覺得我真係天才～wakakaka。。。

（其實係我冇咩天份，所以一做勞作會好頭痛！） 

臨尾先用黃色利是封整啲則邊啲頭髮，

諗吓可以剪一條一條好似頭髮咁

 登。。凳~ 

完成大作

我自己都算滿意，當然可以再好啲，

不過用咗一個鐘咗右完成算係咁

其實係小檬功課，又點可以唔叫小檬參與一吓？

 於是返到屋企解釋一吓用咗咩材料做成

叫佢再幫手補吓膠水  

好搏命 

  

 

 小檬都好滿意媽咪"同佢一齊做嘅"呢樣功課，

特別係個彈弓～

p.s.我再返睇個題目先發現原來

係 [用不同物料] 創作 [賀年醒獅] 

而並唔係用賀年物料創作醒獅。

我一睇就以為一定要賀年物料...哈哈

不過而家我個作品用埋賀年物料就 , 就105分！！！

（媽咪睇題目要小心啲 =p ）